ՏԵՂԵԿԱՏՎՈՒԹՅՈՒՆ


ՀՀ կրթության և գիտության նախարարության կայքից տեղեկանում ենք, որ  Ուսուցչի օրվան նվիրված  տոնական միջոցառումների  շրջանակում տեղի է ունեցել  հանրապետության մի խումբ մանկավարժների պարգևատրման հանդիսավոր արարողություն: Կրթության և գիտության նախարարի տեղակալ Մանուկ Մկրտչյանը պարգևներ է հանձնել «Տարվա լավագույն ուսուցիչ», «Տարվա լավագույն տնօրեն» և «Տարվա լավագույն դաստիարակ»  մրցույթների անվանակարգերի հաղթողներին և մրցույթի եզրափակիչ փուլի բոլոր  մասնակիցներին:

Նրանց թվում կային նաև Վայոց ձորից պարգևատրվածներ.

«Գեղագիտական դաստիարակության լավագույն փորձի  համար» անվանակարգ –  Ստեփան Ստեփանյան (ՀՀ Վայոց Ձորի մարզի Ջերմուկի թիվ 3 միջնակարգ դպրոցի տնօրեն), «Սիրտս նվիրում եմ երեխաներին» անվանակարգ - Սոֆյա Հովսեփյան (ՀՀ Վայոց Ձորի մարզի Եղեգնաձորի թիվ 2 մանկապարտեզի դաստիարակ):

Շնորհավորում ենք նրանց, ցանկանում նորանոր հաջողություններ:

Advertisements

ԼՈՒՐԵՐ ՄԱՐԶԻ ԱՌՕՐՅԱՅԻՑ


·          Սեպտեմբերի 21-ին մարզկենտրոն Եղեգնաձոր քաղաքում տեղի ունեցավ տոնական համերգ` նվիրված ՀՀ Անկախության 26-րդ տարեդարձին: Համերգը կազմակերպվել էր ՀՀ Վայոց ձորի մարզպետարանի, Եղեգնաձորի մշակույթի կենտրոնի և ՀԵՀ Վայոց ձորի մարզային կենտրոնի կողմից: Այն մեկնարկեց ՀՀ օրհներգով: Համերգը կազմակերպվել էր մարզի մշակութային տարբեր խմբերի և անհատ կատարողների ուժերով: Տոնական համերգը եզրափակվեց հրավառությամբ:

·   Սեպտեմբերի 28-ին փոխմարզպետ Մելս Հարությունյանի մասնակցությամբ Հայաստանի ազգային պատկերասրահի Եղեգնաձորի մասնաճյուղում բացվեց Էդուարդ Բագրատունու (Ասատրյան) <<Քարե ժապավեն կյանքի մասին>> խորագրով լուսանկարների ցուցահանդես: Բացման խոսքով հանդես եկավ մասնաճյուղի տնօրեն Գոհար Ավագյանը: Օրհնության խոսք ասաց Վայոց Ձորի թեմի փոխառաջնորդ Տեր Զարեհ վարդապետ Կաբաղյանը: Ներկաներին ողջունեց և մշակույթի նվիրյալին նորանոր ցուցահանդեսներ ցանկացավ Մ.Հարությունյանը: Էդուարդ Բագրատունին խոսելով խաչքարերի լուսանկարների հավաքածո ունենալու ցանկության սկզբնաղբյուրի մասին հուզված պատմեց խաչիկցի տատիկի սիրո ու խաչքարերի զորության հանդեպ ունեցած խորը հավատի մասին և շնորհակալություն հայտնեց ներկաներին իր ուրախությունն ու հուզմունքը կիսելու համար: Հեղինակի հուզմունքը փոխանցվել էր դուստրերին, որոնցից ավագը՝ Նանեն ներկայացրեց իր սրտի թրթիռը, իսկ  Ռաֆայելան ներկաների ակնդրությանը ներկայացրեց իր ղեկավարած պարային համույթի սաների կատարումները: Գեղարվեստական համարներով հանդես եկավ Եղեգնաձորի մանկական երաժշտական դպրոցի սան՝ ֆլեյտահար Ջեմմա Խալաթյանը: Ներկաները հիացած պատկերված անրկնելի նկարներով ընթացքում իրենց սրտի խոսքն էին հղում Էդուարդին:

·         Սեպտեմբերի 11-ին Խաչիկ գյուղում կայացավ ֆրանսահայ կինոռեժիսոր Սերժ Ավետիքյանի <<Նա, ում սպասում էին>> ֆիլմի հայաստանյան պրեմիերան: Ցուցադրության վայրը պատահական չի ընտրվել. ֆիլմի նկարահանումներն իրականացվել են հենց Խաչիկ գյուղում: Ցուցադրմանը ներկա են եղել ռեժիսոր Սերժ Ավետիքյանը և գլխավոր դերակատարները: Առաջին դիտմանը մասնակցել են համայնքի բնակիչները և Խաչիկում տեղակայված զորամասի զինվորները:

6665

Ֆիլմը հայ-ֆրանսիական համատեղ արտադրություն է: Այն տարիքն առած ֆրանսիացի  դերասանի պատմությունն է. նա երկու շաբաթ պատահաբար գտնվել է Հայաստանի սահմանամերձ գյուղերից մեկում` Խաչիկում, շփվել գյուղացիների հետ, որի արդյունքում ծնվել է ֆիլմ նկարելու գաղափարը: Հերոսը թեկուզ հայերեն չի խոսում,  գյուղացիներն էլ նրա լեզվին չեն տիրապետում, բայց կարողանում են միմյանց հասկանալ: Բնականաբար այս պատմությունը համեմված է անեկտոդներով ու ասույթներով: Ֆիլմի պրոդյուսերներն են Արմեն Համբարձումյանն ու Միքայել Դովլաթյանը: Ֆիլմում նկարահանվել են Պատրիկ Շենեն, Արսինե Խանջյանը, Նարեկ Դուրյանը, Ռոբերտ Հարությունյանը, Լևոն Հարությունյանը և այլոք:

Continue reading

ՄԱՐԶՊԵՏԸ ԾԱՆՈԹԱՑԵԼ Է ՊԵՏ. ԲՅՈՒՋԵԻ ՖԻՆԱՆՍԱՎՈՐՄԱՄԲ ՀԱՄԱՅՆՔՆԵՐՈՒՄ ԻՐԱԿԱՆԱՑՎՈՂ ՇԻՆՎԵՐԱՆՈՐՈԳՄԱՆ ԱՇԽԱՏԱՆՔՆԵՐԻ ՈՐԱԿԻՆ


Սեպտեմբերի 26-ին մարզպետ Հ.Սարգսյանը մարզպետարանի աշխատակազմի քաղաքաշինության վարչության պետ Ա.Հովսեփյանի ուղեկցությամբ այցելեց մի շարք համայնքներ, որտեղ ՀՀ պետ.բյուջեի ֆինանսավորմամբ մարզի առաջնահերթ լուծում պահանջող հիմնախնդիրների լուծման հրատապ ծրագրով իրականացվում են շինվերանորոգման աշխատանքներ: Նա ծանոթացավ Արտաբույնքից դեպի Սմբատաբերդ և Ցախացքարի վանք տանող վթարային կամուրջ /հիմնանորոգման (պայմանագրային գինը՝ 4752.0 հազ. դրամ), Թառաթումբի ներհամայնքային ճանապարհների փլվածքի հատվածում հենապատի կառուցման (պայմանագրային գինը՝ 8250.0 հազ. դրամ), Սալլիի խմելու ջրագծի ներքին և արտաքին ցանցի հիմնանորոգման (պայմանագրային գինը՝ 7425.996 հազ. դրամ), Եղեգիս համայնքի խմելու ջրագծի արտաքին և ներքին ցանցի հիմնանորոգման (պայմանագրային գինը՝ 4776.0 հազ. դրամ) և Հերմոն համայնքի խմելու ջրագծի արտաքին ցանցի հիմնանորոգման (պայմանագրային գինը՝ 5988.0 հազ.դրամ) ավարտված աշխատանքների որակին: Այդ նպատակով նա այցելել է նաև Աղնջաձորի ոռոգման ջրագծի կառուցման (պայմանագրային գինը՝ 11218.8 հազ. դրամ), Քարագլխի հանդիսությունների սրահի հիմնանորոգման (պայմանագրային գինը՝ 7599.6 հազ.դրամ), Հորբատեղի մշակույթի տան հիմնանորոգման (պայմանագրային գինը-11067.0 հազ. դրամ) և Գողթանիկի մանկապարտեզի շենքի տանիքի հիմնանորոգման (պայմանագրային գինը՝ 9510.0 հազ. դրամ) շինհրապարակներ, հանդիպել շինարարների հետ, հետաքրքրվել է շինանյութերի մատակարարման ընթացքով և շինաշխատանքների կատարման որակով ու տեմպով: Այցից  հետո նա հանձնարարություններ է տվել քաղաքաշինության վարչության պետին՝ ուշադրության կենտրոնում պահելու շինաշխատանքների կատարման որակն ու հետևել դրանց իրականացման ժամանակացույցին:

«Մասնագիտական կրթություն և ուսուցում-համագործակցություն»


Հոկտեմբերի 9-11-ը «Մասնագիտական կրություն և ուսուցում-համագործակցություն» գերմանական ծրագրի շրաջանակում ՀՀ Մշակույթի նախարարության պատմական միջավայրի պահպանության  Վայոց Ձորի մարզային ծառայության, Արփա Պառնաս ընկերության, Արման Հախվերդյան գինու համտեսի սրահի և Վայոց ձորի տարածաշրջանային պետական քոլեջի հետ համատեղ անցկացվեց «Պատմա-մշակութային զբոսաշրջության զարգացումը և երիտասարդության մասնագիտական կողմնորոշումը» թեմայով եռօրյա դասընթաց:0085

Ծրագիր-միջոցառման նպատակն էր տեսական և գործնական դասընթացների կազմակերպման միջոցով, ինչպես քոլեջում, այնպես էլ Թանահատի վանական համալիրում, հարստացնելու ուսանողների գիտելիքները և հմտությունները Վայոց Ձորի պատմա-մշակութային հուշարձանների, նրանց պահպանության, վերականգնողական աշխատանքների, մաքրության պահպանման վերաբերյալ:

Միջոցառմանը մասնակցում էին քոլեջի 20 ուսանողներ և դասախոսներ, «Գլաձորի համալսարան» պատմամշակութային արգելոց-թանգարանի մասնագետներ, գիտաշխատողներ, մշակույթի նախարարության և բիզնես հատվածի ներկայացուցիչներ: Continue reading

ՄԱՐԶՊԵՏՆ ՈՒ ՄԱՐԶՊԵՏԱՐԱՆԻ ՏԱՐԲԵՐ ՈԼՈՐՏՆԵՐԻ ՊԱՏԱՍԽԱՆԱՏՈՒՆԵՐԸ՜ ՈՒԹ ԱՄԻՍՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ


Սեպտեմբերի 23-ին մարզպետարանի խորհրդակցությունների սրահում մի շարք հկ-ների ու մամուլի ներկայացուցիչների ներկայությամբ մարզպետ Հարություն Սարգսյանն  ու մարզպետարանի աշխատակազմի վարչությունների և զարգացման ծրագրերի ու վերլուծության բաժնի ղեկավարները հանդես եկան ընթացիկ տարվա  ութ ամիսների գործունեության արդյունքների ամփոփ հաշվետվությամբ: Այն կազմակերպել էր մարզպետարանի աշխատակազմի տեղեկատվության և հասարակայնության հետ կապերի բաժինը: Վարչությունների և ԶԾՎ բաժնի ղեկավարները ներկայացրին իրենց կողմից համակարգվող բնագավառներում անցած 8 ամիսների ընթացքում կատարած աշխատանքները և պատասխանեցին ներկաների հարցերին: Դրանք հիմնականում վերաբերում էին կրթության, առողջապահության, գյուղատնտեսության և սոցիալական ոլորտներին, ինչպես նաև մթերումների գործընթացին ու մարզի զարգացման ծրագրերին: Վերջում մարզպետի ամփոփումից հետո տրվեց մի շարք հարցերի պարզաբանում ու քննարկվեց դրանց հետ կապված առաջարկություններ:

Թիվ 9 /161/, Հոկտեմբերի 10, 2017թ.


Безымянный

Շարունակել կարդալ →

ԵԿԵՔ ՍԱՏԱՐԵՆՔ ՄԵՐ ՀԱՅՐԵՆԱԿՑԻՆ


009

Մեր հայրենակից 32 ամյա Արմեն Հովիկի Հակոբյանի մոտ երկու տարի առաջ ախտորոշվել է երիկամային քրոնիկ անբավարարություն: Երկարատև բուժումից հետո նշանակվել է դիալեզի կուրսեր՝ շաբաթը 3 անգամ: Այսօր արդեն նրա կյանքը փրկելու համար բժիշկները խորհուրդ են տվել անհապաղ երիկամի փոխպատվաստում, որի համար անհրաժեշտ է բավականին գումար, իսկ նրա ընտանիքի հնարավորությունները սուղ են: Նրանք ապրում են Ելփին գյուղում, այսօր դիալեզի կուրսերը ժամանակին շարունակելու պատճառով Արմենը գտնվում է Երևանում:

008

Հարգելի վայոցձորցի, նրա մայրը՝ Մարգարիտ Հոբիկի Սաֆարյանը, Վայքից է, նա դիմում է նաև իրեն ճանաչողներին, մտերիմներին ու հարազատներին. «Դիմում եմ Ձեզ խնդրանքով. Արմենս արդեն 32 տարեկան է, ամուսնացած է, ունի երկու անչափահաս /5 և 6 տարեկան/ տղա երեխաներ: Երկարատև բուժումներն արդյունք չտվեցին, կյանքի ցուցում էր դիալեզը, արդեն մեկ տարուց ավելի է՝ շաբաթը 3 անգամ անցնում է դիալեզի կուրսերը: Բժիշկները տղայիս կյանքը փրկելու համար առաջարկում են անհապաղ երիկամի փոխպատվաստում: Ընտանիքս գտնվում է սոցիալապես ծանր վիճակում, նպաստառու ենք: Գումարն անհրաժեշտ է թե՛ դիալեզի հերթական կուրսերի ժամանակ օգտագործվող դեղորայքի /որոնք շատ թանկ են/, և թե՛ ընթացիկ ծախսերի համար: Մինչև հիմա օգնել են հարազատներս ու մտերիմներս: Այսօր արդեն բավականին մեծ գումար է հարկավոր այդ վիրահատությունը Հայաստանում կատարելու համար, իսկ դրա հնարավորությունը չունենք:  Խնդրում եմ բարեգութ մարդանց, օգնել որդուս… Այդ նպատակով ՎՏԲ և ԱԿԲԱ ԱԳՐԻԿՈԼ բանկերում բացվել է հաշվեհամար իմ՝ Մարգարիտա Հոբիկի Սաֆարյան, անունով. խնդրում եմ Ձեզ դրամական փոխանցումներ անեք ստորև նշված հաշվեհամարներին: Շնորհակալ ու երախտապարտ կլինեմ, եթե օգնեք որդուս վիրահատության հարցում… մեծ հույսեր եմ կապում Ձեզ հետ»: Օգնելով Արմենին, կփրկեք մի երիտասարդի կյանք, երջանկություն կպարգևեք նրա ընտանիքին ու նրա բալիկներին:  Continue reading

Թիվ 8 /160/, Օգոստոսի 30, 2017թ.


Վարչապետի գլխավորությամբ Վայոց ձորի մարզում քննարկվել են տարբեր ոլորտներում կատարված աշխատանքներն ու հետագա ծրագրերը

001

Վարչապետ Կարեն Կարապետյանը հուլիսի 28-ին Սյունիքի մարզից ուղևորվել է Վայոց ձոր, որտեղ Ջերմուկ քաղաքում տեղի ունեցած խորհրդակցության ընթացքում քննարկվել են մարզի և համայնքների զարգացման ծրագրերի շրջանակում ըստ ոլորտների իրականացված միջոցառումների ընթացիկ արդյունքներն ու հետագա անելիքները:
Ներկայացնելով Վայոց ձորի մարզի սոցիալ-տնտեսական իրավիճակը և հիմնական ցուցանիշները՝ մարզպետ Հարություն Սարգսյանը նշել է, որ հանրապետության ՀՆԱ ցուցանիշում մարզի մասնաբաժինը կազմում է 1.2 տոկոս: Մարզի արդյունաբերական ձեռնարկությունները տարեկան թողարկում են 15-16 մլրդ դրամի համախառն արտադրանք, գերակշռողը մշակող արտադրությունն է (հանքային ջրերի և խմիչքների արտադրություն): Մարզի տնտեսության զարգացման հիմնական ուղղությունը գյուղատնտեսությունն է` տարեկան արտադրվում է 20-22 մլրդ դրամի համախառն արտադրանք: Վերջին տարիներին խաղողի ու պտղատու այգիների տարածություններն ավելացել են 248 հեկտարով, որից 31.5 հա ոռոգումն իրականացվում է կաթիլային եղանակով, ընդ որում՝ պտղատու այգիների տարածությունները մինչև 150-200 հա ավելացնելու հնարավորություններ կան: «Հայկական միրգ» ծրագրով մարզի 4՝ Արին, Խնձորուտ, Ազատեկ, Վերնաշեն համայնքներում հիմնվել են 47.2 հա պտղատու այգիներ: Ընթացիկ տարում մարզում կատարվել է 5169 հա գյուղատնտեսական մշակաբույսերի ցանք: Մարզը գրեթե ամբողջությամբ անցել է ինքնահոս ոռոգման:

Շարունակել կարդալ →

Թիվ 7 /159/ Հուլիսի 30, 2017թ.


77

Շարունակել կարդալ →

ՎԱՅՔԻ ԴՊՐՈՑԸ՝ ԱՐԱՐԱՏՅԱՆ ԲԱԿԱԼԱՎՐԻԱՏԻ ՄՐՑՈՒՅԹԻ ՀԱՂԹՈՂ


Մայիսի 30-ին Մատենադարանի նիստերի դահլիճում կայացել է Կրթության գերազանցության ազգային ծրագրին (ԿԳԱԾ) նվիրված միջոցառում, որի ընթացքում ամփոփվել է ծրագրի անցած ճանապարհը, ազդարարվել <<Արարատյան բակալավրիատ>> նոր կրթական ծրագրով դպրոցների ցանցի ստեղծման մեկնարկը, և ներկայացվել են ծրագրին միացող առաջին դպրոցները: ՀՀ Նախագահը նախ ողջունել է մասնակիցներին ու շնորհավորել այն ուսուցիչներին ու կրթական հաստատություններին, որոնք որակավորվել են Արարատյան բակալավրիատի շրջանակում, ապա շնորհակալագրեր է հանձնել ցանցի ստեղծմանը մասնակցություն բերած և առարկայական քննություններում բարձր արդյունքներ արձանագրած լավագույն դպրոցներին:

69

Նրանց թվում էր նաև Վայքի ավագ դպրոցը, որին ուղղված շնորհակալագրում գրված է. Continue reading

Բժիշկի չդիմելու «մշակույթը» Արցախի կանանց շրջանում. պատերազմական իրավիճակի հետևա՞նք, թե՞ ամոթ…


Ձեզ ենք ներկայացնում «Հասարակություն առանց բռնության» ՀԿ-ի` «Լրատվամիջոցների և արվեստի միջոցով ընդգծելով կանանց դերը խաղաղաշինության և հակամարտության կարգավորման հարցում Հայաստանում և Լեռնային Ղարաբաղում» ծրագրի շրջանակներում լրագրող Նարեկ Կիրակոսյանի կողմից պատրաստված հոդվածը: Այն պարզաբանում է Լեռային Ղարաբաղում բնակվող կանանց՝ նույնիսկ առողջական լուրջ խնդիրների պարագայում բժշկի չդիմելու պատճառները: Արդյո՞ք դա 26-ամյա կոնֆլիկտի հետևանքն է, որի արդյունքում առողջապահական ենթակառուցվածքները վնասվել են և հասանելի չեն սահմանամերձ բնակավայրերում և նույնիսկ մայրաքաղաքում բնակվող կանանց; Միգուցե դրանում մեղավոր է հասարակությու՞նը, որը շարունակաբար պախարակում է կանանց հիգիենայի, սեռական և վերարտադրողական առողջության հետ կապված խնդիրների բարձրաձայնումը, թե՞ կանայք, վնասակար կարծրատիպերի տարածվածության հետևանքով, իրենց խնամքի արժանի չեն համարում՝ հատկապես ֆինանսական ծանր պայմաններում: Այս հարցերի պատասխանները կարող եք գտնել հոդվածում:

Բժիշկի չդիմելու «մշակույթը» Արցախի կանանց շրջանում. պատերազմական իրավիճակի հետևա՞նք, թե՞ ամոթ…

Յուրաքանչյուր պատերազմ իր  հետքն է թողնում մարդկանց հոգեվիճակի վրա՝ առաջ բերելով հոգեբանական և առողջական տարբեր խնդիրներ, որոնք մարդիկ հիմնականում պայմանավորում են վախի առկայությամբ:

2016թ. ապրիլին Արցախում տեղի ունեցած պատերազմական գործողությունների արդյունքում լուրջ առողջական խնդիրներ առաջացան  ոչ միայն զինվորականների, այլև խաղաղ բնակչության մոտ:

Ղարաբաղա-ադրբեջանական հակամարտությունը, սահմանին տիրող մշտական լարվածությունը, իհարկե չէին կարող չազդել բնակչության կյանքի բնականոն ընթացքի վրա։ Սա առավել վառ է արտահայտվում  կանանց մոտ, ովքեր առավել խոցելի են պատերազմական և հետպատերազմական իրավիճակներում, ինչպես նաև  ուղղակիրորեն կամ անուղղակիորեն իրենց վրա են կրում ռազմական գործողությունների հոգեբանական և ֆիզիկական հետևանքները:

Ստեփականկերտ, Շուշի, Մարտակերտ, Հադրութ քաղաքներում և Թալիշ գյուղում կատարած մեր հետազատության արդյունքում պարզ դարձավ, որ պատերազմը, դրա վերսկսման վտանգը և կանանց կողմից սեփական առողջական խնդիրների անտեսումը ուղղակիորեն փոխկապակցված են:

Նախ սկսենք նրանից, որ կինը, կնոջ կերպարը և նրա կարևորությունը միշտ երկրորդական են համարվել հայ հասարակության մեջ և այս վերաբերմունքը փոխելն այդքան էլ հեշտ գործ չէ: Մեր հետազոտության արդյունքները ցույց տվեցին, որ Արցախում բնակվող շատ կանայք, կրելով այս հասարակական կարծիքի բացասական ազդեցությունը, չեն կարևորում իրենց դերը հասարակության մեջ, ինչի հետևանքով նաև հարիր չեն համարում իրենց առողջության պահպանման կամ վերականգնման վրա ռեսուրսներ ծախսելը: Այս ամենին ավելանում են  նաև պատերազմական իրավիճակների խոչընդոտները (ներառյալ՝ բժշկական ծառայությունների անհասանելիությունը և բնակչության կողմից դրանց նկատմամբ անվստահությունը) և արդյունքում ունենք հետևյալ պատկերը. կին՝ գտնվող առողջական ծանր վիճակում, կամ կին՝ զրկված  բժշկական ծառայություններից օգտվելու հնարավորությունից:

-Ես 5 երեխա ունեմ: Հղիության ընթացքում ոչ բոլոր ժամանակներում եմ բժշկի դիմել,-պատմում է Թալիշի 35-ամյա բնակչուհի Լուսինե Բրուզյանը:

Բազմազավակ մայրը հինգ հղիության ընթացքում գինեկոլոգիական ծառայութնուններից գրեթե չի օգտվել: Կնոջ անտարբերությունը սեփական առողջության հանդեպ այնքան մեծ է եղել, որ երրորդ հղիության մասին տեղեկացել է այն ժամանակ, երբ պտուղն արդեն չորս ամսական է եղել: Այն հարցին, թե ինչ պարբերականությամբ պետք է դիմել բժշկի  հետազոտության համար, եթե առողջական խնդիրներ չկան, Լուսինե Բրուզյանը ողջամիտ պատասխան է տալիս՝ կյանքի յուրաքանչյուր վեցերրորդ ամսում, սակայն նա այս սկզբունքով չի առաջնորդվում: Նրա երրորդ հղիության մասին բժիշկները իմացել են այն ժամանակ, երբ երեխան ծնվել է տնային պայմաններում:

Հարցված կանանցից մեկն էլ նշեց.

-Ամաչում էի գնայի բժշկի, քանի որ նախորդ երեխաս ինն ամսական էր, երբ իմացա, որ չորս ամսական հղի եմ:

Սա վկայում է այն  մասին, որ հասարակությունը կրկնակի ճնշում է կանանց՝ մայրությունը համարելով անքակտելի գործառույթ, բայց և միաժամանակ հաճախակի մայրանալը ամոթանքի պատճառ դարձնելով:

Հասարակական կարծիքի հետ հաշվի նստելուց զատ, առողջական խնդիրների անտեսումը պայմանավորված է նաև սահմանամերձ Թալիշում բժիշկ-մասնագետների սակավաթվությամբ կամ իսպառ բացակայությամբ: Թալիշի ամբուլատորիան գինեկոլոգ չունի, իսկ գյուղից Մարտակերտ հասնելը լուրջ ֆինանսական խնդիրների հետ է կապված: Պատերազմական իրավիճակով պայմանավորված՝ շատ մասնագետներ, ըստ բնակիչների, հրաժարվել են գալ և Թալիշում աշխատել, ինչն էլ, բնականաբար, չէր կարող բացասական հետևանքների չհանգեցնել:

Լուսինե Բրուզյանը այժմ էլ առողջական խնդիրներ ունի, սակայն կրկին բժշկի չի դիմում: Ամուսինը Թալիշում է, ինքը երեխաների հետ Մարտակերտի շրջանի Ալաշան գյուղում: Այս պահին մտածում է միայն սահմանում գտնվող ամուսնուն օգտակար լինելու մասին՝ անտեսելով սեփական առողջությունը:

Իսկ Սոնյա Մանասյանը շատ դժվարությամբ է հիշում, թե կյանքի 72 տարիների ընթացքում քանի անգամ է բժշկի դիմել:

Կռվից վախենում եմ, հանգստացնող դեղեր եմ խմում: Բժշկի ես  չեմ դիմում, շատ են, որ իմ նման չեն գնում բժշկի: Մեր մոտ հիվանդանոց չկա, բուժկետ չկա:

Այն, որ կանայք գրեթե չեն հետևում իրենց առողջական վիճակին, բարձրաձայնում է նաև Թալիշի ամբուլատորիայի բուժքույր Բագյում Ավանեսյանը: Բուժքույրը վստահեցնում է, որ կանայք մեծ դժվարությամբ են բժիշկի դիմում, սպասում են մինչև հիվանդությունը հասնի բարդացման վերջին աստիճանի, ասել կուզի՝ մինչև դանակը հասնի ոսկորին:

Բուժքույրը նշում է.

-Փողի խնդիր կա: Տարածաշրջանում լավ բժիշկ չկա, չունենք լավ սարքավորումներ: Արյան ընդհանուր անալիզ տալու համար գնում ենք Ստեփանակերտ, նյարդաբան ընդհանրապես չկա,-ասում է բուժքույր Բագյումը:

Այս թվարկվածներից զատ թալիշեցիրների առողջական վիճակի վրա բացասական ազդեցություն է ունեցել 2016թ. քառօրյա պատերազմը: Ըստ բուժքրոջ տեղեկությունների՝ պատերազմից հետո կանանց զգալի մասի մոտ վախի պատճառով շաքարային հիվանդություն է առաջացել: Բուժքրոջ տեղեկությունների համաձայն՝ մոտ 600 հոգանոց բնակչություն ունեցող Թալիշում մինչ պատերազմի վերսկսումը ամբողջ բնակչության շրջանում միայն տասներկուսն են ունեցել շաքարային դիաբեդ, իսկ ներկայումս յուրաքանչյուր 7-րդ կինն ունի այդ խնդիրը: Հիվանդությունը տարածված է հիմնականում 40 անց կանանց շրջանում: Հետպատերազմական շրջանում այդ հիվանդության պատճառով մահացել է 15 կին՝ բժշկի չդիմելու հետևանքով:

Արցախի Մարտակերտ քաղաքը հայտնի է բազմանդամ ընտանիքներով: Քաղաքում նույնիսկ մեկ թաղամաս կա, որ, բնակիչների խոսքով, §Բազմազավակների¦ թաղամաս է կոչվում: Այնտեղ բնակվող ընտանիքներից յուրաքանչյուրը նվազագույնը 6 երեխա ունի, իսկ առավելագույնը՝11:

16 Continue reading

ԵԿԵՂԵՑԱԿԱՆ – ՆԵՐԿԱՅԱՑՈՒՑՉԱԿԱՆ ՎԵՑԵՐՈՐԴ ԺՈՂՈՎՈՒՄ


Մայր Աթոռ Սբ. Էջմիածնում հունիսի 6-9-ը գումարվել է քառօրյա Եկեղեցական-ներկայացուցչական ժողովը: Այն միակ ատյանն է երկրագնդի վրա, որ համայն հայությանն է ներկայացնում և համայն հայության անունից է խոսում, կազմված է հոգևոր ու աշխարհիկ պատվիրակներից:

14

Հունիսի 6-ին, բարձր նախագահությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի, Մայր Աթոռ Սուրբ Էջմիածնում իր քառօրյա աշխատանքը սկսեց Եկեղեցականներկայացուցչական վեցերորդ ժողովը, որին մասնակցում էին Մայր Աթոռում և Նվիրապետական Աթոռներում պաշտոնավարող եպիսկոպոսներ, Հայաստանի և Սփյուռքի թեմերի առաջնորդներ, առաջնորդական տեղապահներ, Հայրապետական պատվիրակներ, Գերագույն հոգևոր խորհրդի անդամներ, Նվիրապետական Աթոռներից, Հայրապետական պատվիրակություններից ու աշխարհասփյուռ թեմերից ընտրված հոգևորական և աշխարհական ներկայացուցիչներ: Մասնակցում էին նաև Վայոց ձորի թեմի առաջնորդն ու երկու աշխարհական: Մինչ ժողովը Մայր Աթոռ ժամանած շուրջ 150 պատգամավոր՝ Ամենայն Հայոց Հայրապետի գլխավորությամբ, մասնակցեց Արևագալի ժամերգությանը: Ապա Գևորգյան հոգևոր ճեմարանի հանդիսությունների դահլիճում Տերունական աղոթքով մեկնարկեց Եկեղեցական-ներկայացուցչական վեցերորդ ժողովը: Բացման խոսքով հանդես եկավ Գերագույն հոգևոր խորհրդի անդամ, Հայաստանի Աստվածաշնչային ընկերության գործադիր քարտուղար Տ. Եզնիկ արքեպիսկոպոս Պետրոսյանը, ապա Նորին Սրբություն Գարեգին Բ Ամենայն Հայոց Կաթողիկոսն իր հայրապետական օրհնությունն ու պատգամն է  հղել ժողովի մասնակիցներին և ողջունել Եկեղեցական-ներկայացուցչական ժողովի գումարման առիթով, որի աշխատանքն ուղղված է լինելու եկեղեցական կյանքի կանոնակարգմանն ու պայծառությանը և Եկեղեցու առաքելության առավել արդյունավորմանը:

Ժողովի սկզբում տեղի է ունեցել դիվանի, քննախույզ և օրինականության հանձնախմբերի ընտրություն: Ժողովի ատենապետեր են ընտրվել  ԱՄՆ Հայոց Արևելյան թեմի առաջնորդ Տ. Խաժակ արքեպիսկոպոս Պարսամյանը և տիար Լևոն Սարգսյանը՝ Արարատյան Հայրապետական թեմից, փոխատենապետերի պաշտոնը ստանձնել են Վայոց Ձորի թեմի առաջնորդ Տ. Աբրահամ արքեպիսկոպոս Մկրտչյանը և ԱՄՆ Հայոց Արևմտյան թեմից դոկտոր Վարուժան Ալթըբարմաքյանը:

15

Վեհափառի հրավերքով հունիսի 8-ի նիստին մասնակցել է ՀՀ նախագահ Սերժ Սարգսյանը: Հանրապետության նախագահը ողջունելով ժողովի հոգևորական և աշխարհական պատգամավորներին, հաջողություններ է մաղթել 6-րդ ժողովին: Նա պատասխանել է նաև ժողովականներին հետաքրքրող հարցերին: Դրանք հիմնականում վերաբերել են եկեղեցի-պետություն հարաբերություններին, Արցախի հիմնախնդրի խաղաղ կարգավորման ուղղությամբ իրականացվող աշխատանքներին, Հայաստանի պաշտպանունակությանն ու անվտանգությանը, հայ-ադրբեջանական սահմանին տիրող իրադրությանը, հայրենիքի առջև ծառացած սոցիալ-տնտեսական խնդիրներին, Հայաստանում ապաստան գտած սիրիահայերին ցուցաբերվող աջակցությանը, Հայաստան-սփյուռք կապերի առավել ամրապնդմանը:

Ժողովն ամփոփվել է Գարեգին Բ Ամենայն Հայոց Կաթողիկոսի օրհնութեան խօսքով: Գոհունակութեամբ արձանագրելով ժողովի արդյունավետությունը, նա իր շնորհակալությունն է հայտնել աշխարհի բոլոր կողմերից Մայր Աթոռ ժամանած Եկեղեցական-ներկայացուցչական ժողովի հոգևորական և աշխարհական պատվիրակությանը: Վեհափառն իր գնահատանքն է հայտնել նաև առաքելական եկեղեցու հոբելյարներին՝ քահանայական ձեռնադրության 30 ամյակը բոլորած 4 արքեպիսկոպոսներին, նրանց ցանկանալով արևշատություն ու նվիրելով պանակեներ:

Պարգևատրվածների թվում էր նաև Վայոց ձորի թեմի առաջնորդ Տ. Աբրահամ արքեպիսկոպոս Մկրտչյանը: Վարդաձորի ստեղծագործական խումբն իր և ողջ վայոցձորցիների անունից շնորհավորում է Սրբազանին նման պարգևի կապակցությամբ:

Մեր ընթերցողն արդեն տեղեկացված է «Անուշավան և Օֆիկ Աբրահամյաններ» կրթական հիմնադրամի և Վայոց ձորի տարածաշրջանային պետական քոլեջի բարեկամության մասին: Առավել մանրամասն Սիրան Սարգսյանի թղթակցությամբ.


«Անուշավան և Օֆիկ Աբրահամյաններ» կրթական հիմնադրամը (ԱՕԱԿՀ) Հայաստանի Հանրապետությունում բազմաթիվ մասնագիտական ուսումնական հաստատություններում բարեգործություն է իրականացնում:

211

ԱՕԱԿՀ-ի ֆինանսավորմամբ Հայաստանի տարբեր մարզերում հիմնանորոգվել են միջին մասնագիտական կրթօջախները և ստեղծվել են բազմաթիվ արհեստանոցներ՝ կարուձևի ու դիզայնի, վարսավիրության և դիմահարդարման, շինարարության, ատաղձագործության, սնունդի ու սպասարկման, համակարգչային սպասարկման և վերապատրաստման, ինչպես նաև ԱՕԱԿՀ-ի շնորհիվ Հայաստանի 9 քոլեջներում ռոբոտաշինության և համակարգչային ծրագրավորման արհեստանոցներ են բացվել:

Հիմնադրամի նպատակն է որակյալ կրթությամբ ապահովել հատկապես Հայաստանի գյուղական շրջանների երիտասարդներին, ովքեր անապահով ընտանիքներից են: Այդ շրջանավարտները, չհեռանալով մարզերից՝ ձեռք կբերեն աշխատանք, կապրեն հայրենիքում և  վառ կպահեն հայրենի օջախները: Հիմնադրամը նաև վերապատրաստման ծրագրեր է իրականացնում ուսուցիչների համար և ուսումնաօժանդակ նյութեր ու գրքեր տրամադրում անապահով ընտանիքների երիտասարդներին:

ԱՕԱԿՀ-ի շնորհիվ Վայոց ձորի տարածաշրջանային պետական քոլեջը ձեռք է բերել տարբեր լսարանային և լաբորատոր գույք, ինչպես նաև հիմնադրամն աջակցել է բազմապիսի միջոցառումների: Continue reading

Կոճապղպեղ՝ ինչ է իրենից ներկայացնում.


2

Հայերեն այլ անվանումներն են` կոճապղպեղ, տաքկոճ, կոճ պղպեղ, սնգրվեղ, զանճաֆիլ (ըստ Ա. Ամասիացու)։ Այն բազմամյա խոտաբույս է, արտաքուստ նման է եղեգնի, ունի մինչև 2 մ բարձրությամբ տերևային և 30-40 սմ բարձրությամբ ծաղկակիր ցողուն։ Հողի մեջ թաքնված է բույսի հիմնական հարստությունը` կոճղարմատը, որի ստորին մասում կան արմատներ։ Վաճառվում է ամբողջական կոճղարմատը կամ դրանից ստացված փոշին, որոնք զգալիորեն տարբերվում են իրենց քիմիական բաղադրությամբ և նաև համով։ Թարմ կոճղարմատի հատույթը սպիտակ է, ժամանակի ընթացքում պտղարմատը ստանում է դեղնավուն երանգներ։

400 գրամ հումքի էներգետիկ արժեքը 80 կկալ է, սննդային արժեքը` 17,8 գ ածխաջրեր, այդ թվում` 1,7 գ շաքարներ և 2 գ սննդային մանրաթել, նաև 0,75 գ ճարպեր և 1,82 գ սպիտակուցներ։ Փոշու էներգետիկ արժեքն արդեն 336 կկալ է, ածխաջրատների քանակը` 71,6 գրամ է (3,4գ շաքար, 14,1 գ սննդային մանրաթել), ճարպ` 4,2 գ, սպիտակուցներ` 9 գ։ Կոճապղպեղը հարուստ է կենսանյութերով, միկրո և մակրոտարրերով, բույսին բնորոշ զինգիբերեն եթերային յուղով (1-3% թարմ արմատում) և փոշուն բնորոշ ֆենիլպրոպանային միացություններով (զինգիբերոլ, շոգաոլ, զինգիբերեն, ֆելանդրեն) և այլն։

Այժմ տեսնենք, թե ինչ  խորհուրդ է տալիս դիետոլոգ Վարդանուշ Պետրոսյանը:

Կոճապղպեղ  կամ  իմբիր օգտակար հատկանիշներ Continue reading

Ինչպես փոխել վարորդական վկայականը


Վարորդական իրավունքի վկայականի ժամկետը լրանալուց հետո անհրաժեշտ է վարորդական իրավունքի վկայականով և անձնագրով դիմել ՃՈ ՀՔԲ, նկարվել և մեկ օրվա ընթացքում ստանալ նորը: Ընդ որում՝ կապ չունի, թե վարորդական իրավունքի վկայականի վավերականության ժամկետից հետո որքան ժամանակ է անցել:

ԽՍՀՄ-ի ժամանակ տրված կամ ժամկետի նշում չունեցող վարորդական իրավունքի վկայականները փոխվում են առանց որակավորման քննություններ հանձնելու:

Կորած վարորդական իրավունքի վկայականի կրկնօրինակն ստանալու համար պետք է վճարել 12.000 դրամ և նկարվել: Դրանից հետո անձին իր ցանկությամբ տրվում է ժամանակավոր վարորդական իրավունքի վկայական` 20 օր ժամանակով: Կորած վկայականի կրկնօրինակը տալու դեպքում փաստաթղթերը քննական մարմին ներկայացնելու օրվանից 15 օր անց նրան մեկ աշխատանքային օրվա ընթացքում հատկացվում է վարորդական իրավունքի վկայական:

ՀԵՏԱՔՐՔՐԱՍԵՐԻ ՀԱՄԱՐ


1Ինչու՞ Վիլյամ Սարոյանը բաժանվեց իր գեղեցկուհի կնոջից․(Կենսագրական էջերից) Ընկերական հանդիպման ընթացքում Սարոյանի ընկերներից մեկը նրան ծանոթացրել է Քերոլ Մարկուսի հետ: 17- ամյա շիկահեր գեղեցկուհի Քերոլը մի ակնթարթում գերել է Սարոյանին: 1943թ.-ի փետրվարյան ձնառատ մի օր նրանք ամուսնացան…. Քերոլն արդեն հղի էր: Սարոյանը զինվորական ծառայության մեջ էր, երբ 1943թ. լույս աշխարհ եկավ նրա առաջնեկը` Արամը: 1946-ին ծնվեց նրանց դուստրը, ում տվեցին Լյուսի անունը` ի հիշատակ Սարոյանի տատիկի: Քերոլը տարիներ շարունակ թաքցնում էր ամուսնուց իր ազգությունը` լավ գիտակցելով, որ ամուսինը չի ների: Շատ անգամներն էր փորձել ասել նրան, սակայն անմիջապես հիշում էր Սարոյանի խոսքերը. «Ոչինչ չի կարող մեզ բաժանել, եթե իհարկե հրեա չես»։

Հրեաների և հայերի բարդ հարաբերությունների մասին Սարոյանը գիտեր մանկուց: Երբեք չէր կարողանում մոռանալ իր մանկության հուշը: 12 տարեկան էր, երբ հրեական մի խանութի ցուցափեղկին մեծ տառերով գրված էր`«Զեղչ»: Ուրախանալով ավելի մոտեցավ և նկատեց, որ շատ ավելի փոքր տառերով գրված էր` «Հայերի մուտքն արգելված է»: Եվ վերջապես, Քերոլը որոշեց վերջ դնել իր ստին: Ամուսինները գրկախառնված պառկած էին, հանկարծ Քերոլը արտասանեց. -Ես հրեա եմ: Վիլյամն անմիջապես ցատկեց մահճակալից. -Ինչպե՞ս թե, ճի՞շտ հասկացա քեզ, ուզում ես ասել, որ դու հրեա՞ ես: Ինչպե՞ս կարող է քեզ նման գեղեցկուհի հրեա լինել: Continue reading

Վեոլիա Ջուր ՓԲԸ –ի Հանրային կապերի ծառայության armlur.am – ին տված տեղեկությամբ Վայք քաղաքում եղել է խնդիր, գտնվել է նաև լուծում


Վայք քաղաքը սնող 500 մմ տրամագծով պողպատե ջրատարի վրայի վթարները 12 տարվա պատմություն ունեին: Տեղանքով պայմանավորված` դրանք վերացնելը անընդհատ հետաձգվում էր: Հունվարից Հայաստանի ջրամատակարարման համակարգերի կառավարումը ստանձնած «Վեոլիա Ջրի» համար դա բացատրություն չէր, եւ ոչ էլ արդարացում: Կա խնդիր, ուրեմն պետք է եւ լուծում գտնվի: Առավել եւս, որ վթարները փնտրելու վայրը մոտավորապես հայտնի էր. Ջերմուկի խճուղու 29 հասցեից մինչ «Կամուրջ» թաղամասի հարակից տարածք: «Արևելք» տարածաշրջանի տնօրինության «Գոտիավորման խումբը» հատուկ սարքերով` հոսքաչափով և ակվաֆոնով Երևանից օգնության հասան «Վայք» տեղամասի աշխատակիցներին: Տեղում վթարի որոնողական աշխատանքներ սկսվեցին: 5 վայրում հայտնաբերվեցին «գաղտնի» վթարներ: «Արևելք» տարածաշրջանի փոխտնօրեն Սպարտակ Մկրտչյանը հեռախոսով մեզ պատմեց, որ, ճանապարհի միջպետական նշանակությամբ պայմանավորված, վթարի վերացմանը ձեռնամուխ լինելուց առաջ, պահանջվում էր պատկան մարմիններից շինաշխատանքների թույլտվություն ստանալ: Հաջողվեց: Բայց եւ նույն հանգամանքից ելնելով, հարկ էր գործն անել հնարավորինս արագ: Սկզբում կատարվեցին քանդման աշխատանքներ, հողը բացվեց ու խնդրահարույց կետերը հայտնաբերվեցին: Այնուհետեւ եռակցման միջոցով ջրագծի վթարները վերացվեցին: Ճիշտ է, վայքեցիները մի ամբողջ օր առանց ջուր մնացին, սակայն նրանք գիտեին, թե դա ինչով է փոխարինվելու. վայրկյանում տնտեսված 25-30 լիտր ջրաքանակ, որը է՜լ ավելի բարելավվեց առանց այդ էլ կանոնավոր ջրամատակարարումը քաղաքում:

ՀԱՄԱՁԱՅՆ ՄԵԴԻԱՄԱՔՍԻ ՏԵՂԵԿԱՏՎՈՒԹՅԱՆ


«Լիդիան Արմենիա» ընկերությունը շարունակում է շինարարական աշխատանքները Ամուլսարում: Ընկերության տնօրեն Հայկ Ալոյանը նշում է, որ շինարարական տեխնոլոգիաների ու հանքի նախագծումն իրականացվում է արեւմտյան լավագույն փորձի հիման վրա, որտեղ առաջնային պայմաններից մեկը աշխատակիցների անվտանգության ապահովումն է ու վնասի «զրո» հավանականությունը: Զուգահեռ մեծ ուշադրություն է դարձվում բնապահպանական ու շրջակա միջավայրի պահպանության խնդրին. հողի եւ ցեխաջրերի հոսքի կանխման համար կիրառվում են հատուկ միջոցներ, որոնք եւս ներդրվել են` որպես օրինակ ունենալով միջազգային լավագույն փորձը: Կապալառուների հետ միասին Լիդիանը շարունակում է մրցութային կարգով համալրել շինարարական աշխատատեղերը, որոնցում նախապատվությունը տրվում է Ամուլսարի շրջակա համայնքների բնակիչներին: Մարտի տվյալով` ընկերությունը եւ կապալառուներն աշխատանքով են ապահովել 457 մարդու, որից 235-ը` Ամուլսարի հարակից համայնքներից են: Գորայք համայնքից Տիգրան Հարությունյանը, ով աշխատում է կապալառու ընկերություններից մեկում, նշում է, որ Լիդիանի ստեղծած հնարավորության շնորհիվ երիտասարդները ստիպված չեն դիմել արտագնա աշխատանքին. «Հույս ունեմ, որ աշխատատեղերը էլի կշատանան: Ամեն ինչ արվում է մեր անվտանգության ու առողջության պահպանման համար»,- նշել է Տիգրանը: «Երկար ամիսներ է` սպասում էինք հանքի շինարարական աշխատանքների մեկնարկին: Լիդիանը, հավատարիմ մնալով իր խոստմանը, մեզ ապահովել է աշխատանքով, ինչի համար շատ շնորհակալ ենք: Համայնքի բնակիչներն այսօր չեն մտածում արտագաղթի մասին, քանի որ ունենք կայուն եկամուտ»,- ասել է Գնդեվազ համայնքի բնակիչ Նորայր Ալեքսանյանը, ով եւս կապալառուներից մեկի աշխատակից է: Continue reading

ՆԱԽԱՏԵՍՎՈՒՄ Է ԲԱՐԵՓՈԽՈՒՄՆԵՐ ԴՊՐՈՑԱԿԱՆ ՀԱՄԱԿԱՐԳՈՒՄ


ՀՀ Վարչապետ Կարեն Կարապետյանն օրերս այցելել է ՀՀ կրթության և գիտության նախարարություն, ծանոթացել իրականացվող բարեփոխումների, օպտիմալացման ծրագրերի ընթացքին և պատասխանատուների հետ քննարկել կրթության ոլորտում առկա խնդիրներին առնչվող հարցեր: Վերջին ամիսների ընթացքում հանրապետութան դպրոցներում իրականացվել է ծանրաբեռնվածության ուսումնասիրություն և կառավարության աշխատակազմին ներկայացվել օպտիմալացման ծրագիր: Նշվել է, որ Հայաստանում առկա է 1385 դպրոց, նրանց հանձնված շենք-շինությունների ընդհանուր մակերեսը կազմում է 4 մլն 674 հազար 850 քմ, ուսուցիչների թիվը՝ 36 հազար 807, իսկ աշակերտներինը՝ 357 հազար 52: Պարզվել է, որ քաղաքային դպրոցները հիմնականում թերբեռնված են կամ գերբեռնված, մասնավորապես, թերբեռնված է 33,7, գերբեռնված՝ 35,8%-ը: Նորմալ բեռնվածություն ունեցող դպրոցների թիվը կազմում է 16,3%: Ընդգծվել է, որ դպրոցներում կա համահարթեցման, բեռնվածությունը բաշխելու և չօգտագործվող տարածքներն օպտիմալ կառավարելու խնդիր: Արդեն հստակեցվել է 20 դպրոցի օպտիմալացման ծրագիր: Ըստ պատասխանատուների առաջիկայում խնդիր է դրվելու բացառել 300-ից պակաս աշակերտ ունեցող քաղաքային դպրոցների առկայությունը, ապագայում նախատեսվում է աշակերտների թիվը սահմանել 450: Ապա ներկայացվել է դպրոցների ֆինանսավորման բանաձևի վերանայման ծրագիրը և նշվել, որ նախատեսվում է ծախսերի վերաբաշխման վերանայում, որ հնարավոր լինի բարձրացնել ուսուցիչների միջին աշխատավարձը, երաշխավորել նրանց նվազագույն աշխատավարձը՝ անկախ աշակերտների թվից: Անդրադարձ է կատարվել հանրակրթության բովանդակային բարեփոխումներին, մասնավորապես, «Արարատյան բակալավրիատ» ծրագրին, որով նախատեսվում է ներդրնել կրթակարգի նոր սկզբունքներ, անցնել կրթական նոր չափորոշիչների, իրականացնել ուսուցիչների վերապատրաստում, վերանայել դասագրքերը, ներդնել օտար լեզուների դասավանդման նոր հայեցակարգ և այլն: Ծրագրվում է 2018 թվականից ստեղծել նաև ֆիզմաթ ուղղվածություն ունեցող դպրոցների ցանց, որտեղ կապահովվի չորս հիմնական առարկայի խորացված ուսուցում: Ցանցում ընդգրկված դպրոցներում կներդրվեն ժամանակակից լաբորատորիաներ, կիրականացվեն ինժեներական ծրագրեր: Հանդիպմանը զեկուցվել է նաև հանրակրթական դպրոցներում ձեռներեցության և ֆինանսական կրթության առարկաների ներդրման մասին: Continue reading

ՔՆՆԱՐԿՈՒՄ ԽՈՇՈՐԱՑՎՈՂ ՀԱՄԱՅՆՔՆԵՐԻ ՂԵԿԱՎԱՐՆԵՐԻ ՄԱՍՆԱԿՑՈՒԹՅԱՄԲ


Մայիսի 23-ին մարզպետարանի նիստերի դահլիճում ՀՀ ՏԿԶ նախարարի առաջին տեղակալ Վաչե Տերտերյանի մասնակցությամբ տեղի ունեցավ խոշորացվող համայնքների խնդիրներին նվիրված քննարկում: Մարզպետ Հարություն Սարգսյանը կարևորելով համայնքների խոշորացման գործընթացը ներկայացրեց հյուրին, որն էլ խոսեց գործընթացի երկրորդ փուլի կազմակերպման նախապատրաստական աշխատանքների հետ կապված խնդիրների մասին, ապա ներկայացրեց տեղեկություն միավորվող համայնքների տեղական ինքնակառավարման մարմինների լիազորությունները դադարեցնելու և միավորված համայնքի տեղական ինքնակառավարման մարմինների լիազորությունների ստանձնման ժամկետների վերաբերյալ իրավակարգավորումների, ինչպես նաև տեխնիկական և ընթացակարգային բնույթի փոփոխությունների վերաբերյալ: Մի շարք խնդիրների մասին խոսեց ՀՀ ՏԿԶ նախարարության աշխատակազմի տեղական ինքակառավարման վարչության պետ Աշոտ Գիլոյանը: Վերջում խոշորացվող Խաչիկ, Գնիշիկ, Արենի, Արտաբույնք, Վերնաշեն համայնքների ղեկավարներն իրենց մտահոգող հարցերն ուղղեցին բանախոսներին, որոնք էլ հանգամանորեն պատասխանեցին բոլորին, նաև պարզաբանելով, որ միավորման արդյունքում բնակավայրերի բյուջեներում առաջանալու են ֆինանսական խնայողություններ, որոնց միավորված չափը հնարավորություն է տալու  բնակավայրերում իրականացնելու առավել  մեծ թվով սպասարկման ծառայություններ կամ կատարելու զարգացման ներդրումային ծրագրերի համար պահանջվող համաֆինասավորումները:

ՄԵՐ ՏԵՂԵԿԱՏՈՒՆ


***

Հունիսի յոթին փոխմարզպետ Սամվել Թարվերդյանի մասնակցությամբ տեղի  ունեցավ Հայաստանի խաղողագործության և գինեգործության հիմնադրամի ներկայացուցիչների հանդիպումը մարզի խաղողագործությամբ զբաղվող համայնքների ղեկավարների հետ: Քննարկվեց գյուղ. նախարարության համակարգում գործող Հայաստանի խաղողագործության և գինեգործության հիմնադրամի կողմից ընթացիկ տարում  իրականացվելիք խաղողի այգիների քարտեզագրման և կադաստրի ստեղծման աշխատանքներին վերաբերող համակարգման և իրականացման հարցերը:

***

Արվեստի դպրոցներում սկսվել են տարեվերջյան հաշվետու համերգները: Օրերս տոնական տրամադրություն էր Վայքի Խաչատուր Ներսիսյանի անվան արվեստի դպրոցում. սաները, ինչու չէ, ուսուցիչները ևս հանդիսատեսին էին ներկայացնում տարվա իրենց կատարած աշխատանքները: Մինչ կսկսվեր համերգը ներկաները մասնակցեցին արվեստի դպրոցի նկարչական բաժնի սաների աշխատանքների ցուցահանդեսի բացմանը: Համերգի ընթացքում դպրոցի սաները հանդես եկան տարբեր ժանրերի երաժշտական կատարումներով: Ներկայացվեց դասական գործեր, հայկական ժողովրդական և ազգագրական երգեր, ինչպես նաև ազգային նվագարաններով (դուդուկ, շվի, քանոն, դհոլ) կատարումներ: Համերգն ավարտվեց դպրոցի ուսուցիչների երգչախմբային կատարումով: Փոխադարձ այցելությամբ համերգին հյուրընկալվել էին Եղեգնաձորի մանկական երաժշտական դպրոցի ներկայացուցիչները՝ տնօրենի պաշտոնակատար Արթուր Կարապետյանի գլխավորությամբ: Օրերս տոնական տրամադրությունը փոխանցվել էր Եղեգնաձորի մանկական երաժշտական դպրոցի Ֆիլիպ Բալոյանի անվան համերգասրահ. փոխմարզպետ Մելս Հարությունյանի մասնակցությամբ տեղի ունեցավ դպրոցի սաների տարեվերջյան հաշվետու համերգը: Ներկայացվեց հայ, ռուս և արտասահմանյան դասականների գործեր: Երաժշտական դպրոցի սաները հանդես եկան գործիքային, խմբերգային և երգային կատարումներով: Համերգային ծրագրում ելույթ ունեցան <<Երգող Հայաստան>> հանրապետական մանկապատանեկան երգչախմբերի մրցույթի բազմակի մրցանակակիր Եղեգնաձորի երաժշտական դպրոցի մանկական երգչախումբը (ղեկավար` Է. Հակոբյան, կոնցերտմայստեր` Մ. Մանուկյան), Գյումրիի <<Վերածնունդ>> 9-րդ միջազգային մրցույթ փառատոնի առաջին և երկրորդ կարգի դափնեկիրներ և դպիլոմակիրներ: Եղեգնաձորի երաժշտական դպրոցի սաներին դաշնամուրային կատարումով ողջունեց Վայքի Խաչատուր Ներսիսյանի անվան արվեստի դպրոցի դաշնամուրային բաժնի 5-րդ դասարանի աշակերտուհի Լիլիթ Ազիզյանը (դասատու Հ. Առաքելյան): Միջոցառման ավարտին համերգի մասնակիցներին ողջունեցին և շնորհակալական խոսք ասացին մարզպետի տեղակալ Մելս Հարությունյանը, երաժշտական դպրոցի տնօրենի պաշտոնակատար Արթուր Կարապետյանը: Գյումրիի <<Վերածնունդ>> 9-րդ միջազգային մրցույթի մասնակցության ապահովման և մրցանակների արժանանալու համար պատվոգրերի արժանացան դպրոցի նախկին տնօրեն Իրինա Շահինյանը, ֆլեյտայի ուսուցիչ Հեղինար Հարությունյանը, մանկական երգչախմբի ղեկավար Էլեոնորա Հակոբյանը և մի խումբ աշակերտներ:

 ***

 Հունիսի 20-21-ը մարզի շախմատի ֆեդերացիայի նախաձեռնությամբ անցկացվեց շախմատի աշխարհի կրկնակի չեմպիոն Տիգրան Պետրոսյանի ծննդյան 88-ամյակին նվիրված հուշամրցաշար, որին մասնակցում էին տարբեր համայնքներից մինչև 12 տարեկան շախմատասեր երեխաներ: Ներկա էր մարզպետի տեղակալ Մելս Հարությունյանը: Հուշամրցաշարի հաղթողներ ճանաչվեցին՝ 1-ին տեղԱշոտ Արամյան (9տարեկան, ք.Եղեգնաձոր) 2-րդ տեղԳոռ Ասրյան (12տարեկան, ք.Վայք)
3-
րդ տեղՏարոն Բաբայան (9տարեկան, ք.Եղեգնաձոր): Continue reading

ՄԱՐԶԻ ՆՇԱՆԱՎՈՐ ՄԱՐԴԻԿ


sevada-hakobyanՍևադա Վանիկի Հակոբյան, ծնվել է Եղեգնաձորում, 1985թ. սովորել և 1995թ. ոսկե մեդալով ավարտել է դպրոցը, նույն տարին էլ ընդունվել է Երևանի Բժշկական Համալսարան, որի բակալավրատն ավարտել է 2001-ին, այդ տարիներին ցուցաբերած գերազանց գիտելիքների արդյունքում ստացել է Երևանի Պետական Բժշկական Համալսարանի անվանական կրթաթոշակ: 2001-2003 Ավարտել է Երևանի Պետական Բժշկական Համալսարանը գերազանցության դիպլոմով: Ընդունվել և ավարտել է Կլինիկական օրդինատուրան, սեքսապաթոլոգիա մասնագիտությամբ՝ ստացել է  գերազանցության դիպլոմ, ապա անցել է ասպիրանտուրա: Բժշկական գիտությունների թեկնածու է, ստացել է Դոցենտ, բուժծառայության ավագ լեյտենանտ Կոչումը:   Երևանի պետական բժշկական համալսարանի սեքսապաթոլոգիայի ամբիոնի վարիչ է, Սեքսապաթոլոգիայի համալսարանական կլինիկայի ղեկավար: Անցել է զինվորական ծառայության Կենտրոնական Զինվորական Հոսպիտալում` ուրոլոգիայի բաժանմունքում: Աշխատում է Երևանի Պետական Բժշկական Համալսարանի սեքսապաթոլոգիայի ամբիոնում: Սեքսապաթոլոգիայի Համալսարանական Կլինիկայում կատարում է պացիենտների ընդունելություն` սեքսուալ խանգարումներով և անպտղության խնդիրներով: Բուժվում են տղամարդկանց և կանանց տարաբնույթ սեռական խանգարումներ, ինչպես նաև ամուսնական զույգերի սեքսուալ աններդաշնակությունները: Հանդիսանում է ԵՊԲՀ սեքսապաթոլոգիայի ամբիոնի վարիչ, սեքսապաթոլոգիայի համալսարանական կլինիկայի ղեկավար: Continue reading

ԱՐՄԵՆՊՐԵՍԻ ՏԵՂԵԿԱՑՄԱՄԲ


Արմենպրեսի ինտերնետային էջից տեղեկանում ենք, որ օրերս լրագրողների հետ զրույցում ՀՀ ԿԱ քաղաքաշինության պետական կոմիտեի նախագահ Նարեկ Սարգսյանն ասել է, որ Ջերմուկ քաղաքի բարեկարգման աշխատանքների համար Համաշխարհային բանկի ֆինանսավորմամբ 10մլն դոլար ներդրում է իրականացվելու: Պետք է ամբողջությամբ վերանորոգվի քաղաքային զբոսայգին, կանցկացվի բնակելի հատվածի շենքերի ճակատների, մայթերի, փողոցների, եզրաքարերի լուսավորություն, Ջերմուկի ձորից դեպի վեր տեղադրվելու է վերելակ, կառուցվելու է նաև ամֆիթատրոն: Բացի այդ մասնավոր ներդրողների կողմից լճի հարևանությամբ իրականացվելու է տաք հանքային ջրով համալիր լողավազանների շինարարություն:

Թիվ 6 /158/, Հունիսի 30, 2017թ.


tiv 6

Շարունակել կարդալ →

Ավարայրի ճակատամարտի 1566-րդ տարելիցին նվիրված արարողություններ Վայոց ձորում


Մայիսի 25-ին  Պատմական միջավայրի պահպանության (ՊՄՊ) Վայոց ձորի մարզային ծառայության նախաձեռնությամբ  Եղեգնաձորի Մոմիկի անվան զբոսայգուց  անցկացվեց «Ճանաչենք  451թ. Ավարայրի ճակատամարտի վայոցձորյան քարե հիշատակները» խորագրով երթ, որը նվիրված էր Վարդանանց  պատերազմի 1566-րդ տարելիցին: Մոմիկի արձանի մոտ էին հավաքվել Եղեգնաձորի տարածաշրջանային պետական քոլեջի և տնտեսագիտական համալսարանի Եղեգնաձորի մասնաճյուղի ուսանողներ, Եղեգնաձորի թիվ 1 և թիվ 2 հիմնական դպրոցների մանկավարժական կոլեկտիվներ, բարձր դասարանների աշակերտներ, Վայոց ձորի թեմի երիտասարդաց միության անդամներ, ՊՄՊ մարզային ծառայության և  «Արփի» արգելոցի աշխատողներ:

103

Երթի ակտիվ մասնակիցները, Եղեգնաձորի տարածաշրջանի հոգևոր հովիվ Տ. Վազգեն քահանա Հովհաննիսյանի և ՊՄՊ Վայոց ձորի մարզային ծառայության պետ Մելանյա Դովլաթյանի գլխավորությամբ, դրոշներով, Գրիգոր Խանջյանի «Վարդանանք»  կտավի պաստառներով, հուշարձանների պահպանությանը նվիրված կարգախոսներով Նարեկացու փողոցով ժամը 13-ին շարժվեցին դեպի «Քյոշկ» ամրոց, որտեղ 1566 տարի առաջ տեղի է ունեցել Ավարայրից հետո ամենամեծ ճակատամարտը: Երթն ուղեկցվում էր շարականներով ու հայրենասիրական  երգերով: Continue reading

ՄԵՐ ԹՂԹԱԿՑԻ ՏԵՂԵԿԱՏՎՈՒԹՅԱՄԲ


Մայիսի 8-ին Երկրապահի օրն է: Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի և Ծայրագույն Պատրիարքի բարձրագույն տնօրինությամբ Հայաստանյայց բոլոր առաջնորդանիստ եկեղեցիներում մատուցվեց Ս. և Անմահ Պատարագ և կատարվեց Հոգեհանգստյան արարողություն՝ ի հիշատակ զոհված ազատամարտիկների: Երկրապահի օրվա առիթով Եղեգնաձորի առաջնորդանիստ Ս.Աստվածածին եկեղեցում մատուցվեց Ս.Պատարագ: Պատարագիչն էր Եղեգնաձորի տարածաշրջանի հոգևոր հովիվ Տ.Վազգեն քահանա Հովհաննիսյանը, ով հավուր պատշաճի քարոզ խոսեց: Տեր Հայրը, խոսելով օրվա խորհրդի նշանակության մասին, իր շնորհակալությունը հայտնեց ազատամարտիկներին, Երկրապահ կամավորական միության անդամներին, ովքեր Հայաստանի օրհասական օրերին, ինչպես 90-ական թվականներին, այնպես էլ Քառօրյա պատերազմի ժամանակ շատերը զենք վերցրին և մեկնեցին ռազմաճակատ:

Ս.Պատարագին ներկա էին ազատամարտիկներ, հավատացյալներ, մարզային կառավարման աշխատակիցներ և Երկրապահ կամավորական միության անդամները՝ գլխավորությամբ մարզի Երկրապահ կամավորական միության փոխնագահ, աֆղանական պատերազմի մասնակից, 1994թ.-ի Արցախյան պատերազմի ժամանակ առաջինը «Սու» կործանիչը խոցող, Քառօրյա պատերազմի ժամանակ Եղեգնաձորի ջոկատի հրամանատար, Արտաբույնք համայնքի ղեկավար Արմեն Արամի Սեդրակյանը: Հավարտ Ս.Պատարագի աղոթք բարձրացվեց առ Աստված՝ Արցախյան հերոսամարտի ընթացքում զոհված հայ մարտիկների հիշատակի համար:

***

151

Մայիսի 17-ին Եղեգնաձորի թիվ 1 հիմնական դպրոցում Պատմական միջավայրի պահպանության (ՊՄՊ) մարզային ծառայության և դպրոցի տնօրինության կողմից կազմակերպվեց բաց դաս «Ի՞նչ գիտենք Վայոց ձորի մարզի հուշարձանների մասին» թեմայով: Մասնակցում էին դպրոցի Վարդան Վարդանյանի անվան 6-րդ բ դասարանի աշակերտները՝ գլխավորությամբ դասղեկի՝ Կարինե Մովսիսյանի: Ժյուրիի կազմում էին մարզպետարանի աշխատակազմի կրթության, մշակույթի և սպորտի վարչության գլխավոր մասնագետ Աղասի Հովհաննիսյանը (ժյուրիի նախագահ), մարզային ծառայության գիտաշխատող Անի Խաչատրյանը և դպրոցի փոխտնօրեն Անուշ Գիրգորյանը: Continue reading

ՆՎԻՐՎԱԾ ՀԵՐՈՍ Վ.ՎԱՐԴԱՆՅԱՆԻ ՀԻՇԱՏԱԿԻՆ


39

Ավանդույթի համաձայն ամեն տարի Մայիսի 18-ը հանրապետությունում նշվում է  թանգարանների միջազգային օր: Այս տարի Եղեգնաձորի Երկրագիտական թանգարանը օրը նշանավորեց Արցախի պաշտպանության դիրքերում զոհված վայոցձորցի լեյտենանտ Վարդան Վարդանյանի հիշատակին նվիրված հուշ-ցերեկույթով, որը կազմակեպվել էր Եղեգնաձորի թիվ 1 հիմնական դպրոցի հերոսի անունը կրող դասարանի աշակերտների ուժերով: Սրահում ցուցադրված էին նրա աշակերտական, ուսանողական ու հայրենասիրությամբ աչքի ընկնող, զինվորական կյանքը բնութագրող աշխատանքներ ու նյութեր: Միջոցառմանը մասնակցում էին նրա հարազատները, ուսուցիչներն ու մտերիմները: Հերոսի դպրոցական ու զինվորական տարիները բնութագրեցին թանգարանի տնօրենի պաշտոնակատար Կ.Ստեփանյանը, դասղեկ Ա.Գրիգորյանը, ՀՀ ՊՆ 4-րդ բանակային կորպուսի հրամանատարի ԱՀՏԱ գծով տեղակալ, փոխգնդապետ Ա.Մանուչարյանը, մարզպետարանի աշխատակազմի կրթության, մշակույթի և սպորտի վարչության պետ Ա.Ղազարյանն ու ուսուցիչներ, դասընկերներ: Այն եզրզփակվեց Վայոց ձորի թեմի Եղեգնաձորի տարածաշրջանի հոգևոր հովիվ Տեր Վազգեն քահանա Հովհաննիսյանի օրհնության խոսքով:

Թիվ 5 /157/, Մայիսի 30, 2017թ.


5

Շարունակել կարդալ →

ՄԱՐԶՊԵՏԱՐԱՆԻ ՏՀԿ ԲԱԺՆԻՑ Ս.ՄԱՐԳԱՐՅԱՆՆ Է ՆԵՐԿԱՅԱՑՆՈՒՄ


Հաղթանակի և խաղաղության օրվա առիթով մարզպետ Հարություն Սարգսյանի և Վայոց ձորի թեմի Առաջնորդ Տ. Աբրահամ արքեպիսկոպոս Մկրտչյանի գլխավորությամբ ու մասնակցությամբ՝ երկրապահ կամավորականների ներկայացուցիչների, մարզպետարանի պաշտոնատար անձանց և Եղեգնաձորի բնակիչների, տեղի ունեցավ պսակադրություն, Հայրենական մեծ պատերազմում զոհված եղեգնաձորցիների հիշատակը հավերժացնող հուշարձանին: Այնուհետև երթի մասնակիցներն ուղևորվեցին դեպի Արցախյան ազատարամարտում զոհվածների հիշատակը հավերժացնող հուշարձան՝ ծաղիկներ խոնարհելու Արցախում նահատակված և երկրի սահմաններում զոհված եղեգնաձորցի քաջորդիների հիշատակին:

***

 Մայիսի 26-ին դպրոցական զանգը վերջին անգամ հնչեց նաև Վայոց ձորի դպրոցների ավարտական դասարանների աշակերտների համար: Մարզում գործող միջնակարգ և ավագ դպրոցների 518 աշակերտներ հրաժեշտ են տվել հարազատ դպրոցին ու սիրելի ուսուցիչներին: Մարզի պետական կառավարման և տեղական ինքնակառավարման մարմինների ներկայացուցիչներ այցելել են դպրոցներ և մասնակցել տոնական վերջին դասերին: Մարզպետ Հարություն Սարգսյանը ներկա է գտնվել սամանապահ Խաչիկ համայնքի դպրոցում կազմակերպված տոնական միջոցառմանը, փոխմարզպետներ Ս.Թարվերդյանը՝ Եղեգնաձորի ավագ դպրոցի, իսկ Մելս Հարությունյանը Ազատեկի միջն. դպրոցի Վերջին զանգին: Նշենք, որ բոլոր դպրոցներում հնչեցվել է շրջանավարտներին ուղղված մարզպետի շնորհավորական ուղերձը:

***

Մարզային գրադարանում տեղի ունեցավ Հաղթանակի և խաղաղության տոնին նվիրված գրական գեղարվեստական ցերեկույթ` <<Մեր միասնության խորհրդանիշը>> խորագրով: Մասնակիցները 1 րոպե լռությամբ հարգեցին Հայրենական Մեծ պատերազմում և Արցախյան ազատամարտում զոհվածների հիշատակը: Բացման խոսքով հանդես եկավ գրադարանի տնօրեն Ռոզա Լևոնյանը: Միջոցառումը կազմակերպել էր գրադարանի սպասարկման բաժինը: Միջոցառմանը ներկա էին փոխմարզպետ Մ.Հարությունյանը, Հայրենական պատերազմի վետերան` Ս.Հարությունյանը, ուսուցիչներ, ծնողներ և աշակերտներ: Ցերեկույթին ներկայացվեց հայ ժողովուրդի անցած ուղին, սկսած Հայրենական Մեծ պատերազմից, Շուշիի փառապանծ ազատագրումից մինչ ապրիլյան քառօրյա պատերազմը:

 

ՀՀ ՎԱՐՉԱՊԵՏԻ ՄՈՏ ՀԵՐԹԱԿԱՆ ԱՆԳԱՄ ՔՆՆԱՐԿՎԵԼ ԵՆ ՀԱՄԱՅՆՔԱՅԻՆ ԶԱՐԳԱՑՄԱՆ ԼԱՎԱԳՈՒՅՆ ԾՐԱԳՐԵՐԸ


23Վարչապետ Կ.Կարապետյանի մոտ տեղի ունեցած հերթական խորհրդակցության ընթացքում քննարկվել են Արմավիրի և Վայոց ձորի մարզերի համայնքների հնգամյա զարգացման լավագույն ծրագրերը: Ներկայացվել են ձեռնարկատիրական բնույթի զարգացման տարբեր ծրագրեր, որոնք ուղղված են աղբի վերամշակման գործարանի և ջերմոցային տնտեսության կառուցմանը, այգեգործական տնտեսության զարգացմանը, խաղողի գինու արտադրության խթանմանը, խտանյութերի և պահածոների արտադրության համալիր գործարանի հիմնմանը և այլն: Continue reading

Թիվ 4 /156/, Ապրիլի 30, 2017թ.


4

Շարունակել կարդալ →

«ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» կամ ինչպես ավելի տարածված է՝ «1000 դրամների» օրենքի վերաբերյալ հարցեր են առաջացել …


«ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին»  կամ ինչպես ավելի տարածված է՝ «1000 դրամների» օրենքի վերաբերյալ հարցեր են առաջացել «Հետք»-ի լրագրոների մոտ, որոնց պատասխանել է ՀՀ Կենտրոնական բանկի  (ՀՀ ԿԲ) Իրավաբանական վարչության պետ Վարուժան Ավետիքյանը, ով այդ օրենքի հեղինակներից է և հանդիսանում է նշված օրենքի շրջանակներում ստեղծված Հիմնադրամի կառավարիչը։ Նկատի ունենալով, որ այն այսօր արդիական է և գուցե շատերին կհետաքրքրի մանրամասները, հարկ համարեցինք արտատպել հարցազրույցը և ներկայացնել Ձեր ուշադրությանը:

6

Եթե զինծառայողի ընտանիքի անդամը կամ անդամները պայմանագրով աշխատողներ են, ապա վճարելու՞ են նշված 1000 դրամը, թե՞ ոչ։ Continue reading

Գրական ցերեկույթ՝ նվիրված Դերենիկ Դեմիրճյանի 140-ամյակին


Օրերս մարզային գրադարանի մանկական բաժինն անցկացրեց հերթական գրական ցերեկույթը, որը նվիրված էր Դերենիկ Դեմիրճյանի ծննդյան 140-ամյակին: Միջոցառման կազմակերպիչ մանկական բաժնի վարիչ Ջեմմա Մարգարյանի բացման խոսքից հետո գրադարանի ակտիվ ընթերցողները ներկայացրին Դ. Դեմիրճյանի մասին կենսագրական հետաքրքիր փաստեր, ինչպես նաև մեծ գրողի երաժշտական և նկարչական ընդունակությունների մասին տեղեկություններ:

Ինչպես հայտնի է, գրողը բացառիկ վերաբերմունք է ունեցել ջութակի նկատմամբ Continue reading

Մեր թղթակցի տեղեկացմամբ-Միջինք


SAM_0172

Մեծ Պահքի շրջանի Միջինքի ժամանակատվածն է, ինչը կիսում է Մեծ Պահքը: Մարտի 22-ին Վայոց Ձորի թեմի առաջնորդանիստ Ս. Մարիամ Աստվածածին եկեղեցում  կատարվեց Արևագալի ժամերգություն, որից հետո  նախագահությամբ թեմի փոխառաջնորդ Տ. Զարեհ վարդապետ Կաբաղյանի, տեղի ունեցավ Եղեգնաձորի և Ջերմուկի տարածաշրջանների դպրոցների հայոց եկեղեցու պատմության ուսուցիչների հերթական հանդիպումը, որը կազմակերպել էին Մայր Աթոռ Սուրբ Էջմիածնի Քրիստոնեական դաստիարակության կենտրոնի թեմի պատասխանատուներ Հայարփի Աղախանյանը և Գայանե Կարապետյանը: Միասնական աղոթքից հետո օրհնության խոսքով հանդես եկավ Հոգեշնորհ Հայր Սուրբը, ապա Եղեգնաձորի տարածաշրջանի հոգևոր հովիվ Տեր Վազգեն քահանա  Հովհաննիսյանը  բանախոսեց «Մեծ Պահք» թեմայով: Տեր Հայրը ներկայացրեց Մեծ Պահքի խորհուրդը, խոսեց Մեծ Պահքի յոթ կիրակիների՝ Բուն բարեկենդանի, Արտաքսման, Անառակի, Տնտեսի, Դատավորի, Գալստյան և Ծաղկազարդի մասին, ապա պատասխանեց ուսուցիչների կողմից բարձրացված հարցերին: Continue reading

ԱՌՈՂՋԱՊԱՀՈՒԹՅԱՆ ՆԱԽԱՐԱՐ ԼԵՎՈՆ ԱԼԹՈՒՆՅԱՆԻ ԱՅՑԸ ՎԱՅՈՑ ՁՈՐԻ ՄԱՐԶ


400

Մարրտի 31-ին աշխատանքային այցով Վայոց ձորում էր ՀՀ առողջապահության նախարար Լևոն Ալթունյանը: Մարզպետ Հարություն Սարգսյանի և մարզպետարանի առողջապահության ու սոց.աջակցության վարչության պետ Խաչիկ Գևորգյանի ուղեկցությամբ նախարարը նախ այցելեց Եղեգնաձորի բժշկական կենտրոն, որտեղ  ծանոթացավ հիվանդանոցի լաբորատոր պայմաններին, սարքավորումների հագեցվածությանը, մատուցվող ծառայություններին, հիվանդների բուժման ընթացքին: Նա բուժանձնակազմին ներկայացրեց ոլորտում իրականացվող բարեփոխումների ծրագրերը՝ ընդգծելով, որ դրանք կյանքի կոչելու գործում իրենց դերակատարությունն ապահովելու համար մարզային բուժաշխատողները կձգտեն բարձրացնելու իրենց մասնագիտական և համակարգչային ունակությունները, տիրապետելով էլեկտրոնային առողջապահական համակարգին, կլինիկական ուղեցույցների և հիվանդի վարման գործելակարգերի մշակման ծրագրերին, որոնք կնպաստեն բժշկական օգնության որակի բարելավմանը։ Պատասխանելով բուժաշխատողներին հետաքրքրող հարցերին՝ նախարարը պարզաբանեց, որ մինչև մայիսի 1-ը էլեկտրոնային առողջապահական համակարգին զուգահեռ կշարունակի գործել նախկին <<Միդաս>> ծրագիրը: Continue reading

Թիվ 3 /155/, Մարտի 25, 2017թ


 ՎԱՐՉԱՊԵՏ  ԿԱՐԵՆ  ԿԱՐԱՊԵՏՅԱՆԻ  ԱՇԽԱՏԱՆՔԱՅԻՆ  ԱՅՑԸ ՎԱՅՈՑ  ՁՈՐԻ  ՄԱՐԶ

1

Վարչապետ Կարեն Կարապետյանը մարտի 12-ին աշխատանքային այց է կատարել Վայոց Ձորի մարզ՝ պատասախանատուների հետ քննարկելու համայնքների, տնտեսության տարբեր ճյուղերի, այդ թվում նաև զբոսաշրջության զարգացմանը վերաբերող հարցերը: Կառավարության ղեկավարը նախ հանդիպել է Ջերմուկի առողջարանների և հյուրանոցների ղեկավարներին, մանրամասն անդրադարձ է կատարել Ջերմուկում տուրիզմի խթանմանը, այդ ուղղությամբ անհրաժեշտ քայլերի իրականացմանը: Բացի առողջարանների և հյուրանոցների գործունեության ակտիվացումը՝ կարևորել է ենթակառուցվածքների զարգացումը, սննդի, ժամանացի, ծառայությունների մատուցման օբյեկտների ավելացումը, զբոսաշրջիկի համար հետաքրքիր փաթեթների մշակումը: Կ.Կարապետյանը նշել է, որ Ջերմուկը չի կարող գրավիչ լինել, եթե անհրաժեշտ ենթակառուցվածքները բացակայում են: «Մենք ամեն ինչ անելու ենք, որպեսզի ներդրողները գան Ջերմուկ, շահագրգռված ենք, որպեսզի բիզնեսն ակտիվանա: Ջերմուկի քաղաքապետից ակնկալում ենք զբոսաշրջության զարգացման կոնկրետ, համալիր ծրագիր՝ պետությունմասնավոր համագործակցությամբ, ինչը կնպաստի նաև զբոսաշրջային սեզոնի երկարաձգմանը: Այսօր աշխարհում գումարի պակաս չկա, կա արդյունք տվող գաղափարի պակաս»,– ասել է նա:

Շարունակել կարդալ →

Թիվ 2 /154/, Փետրվարի 28, 2017թ


Безымянный

Շարունակել կարդալ →

ՀԱՆՈՒՆ ՀԱՅԱՍՏԱՆԻ ՄԱՐԶԵՐԻ ԶԱՐԳԱՑՄԱՆ


Հայաստանի տարածքային կառավարման և զարգացման նախարարության և Եվրոպական միության հայաստանյան գրասենյակի հետ համագործակցությամբ  սկիզբ դրվեց Հանրապետության մարզերում Տարածաշրջանային զարգացման պիլոտային ծրագրի մեկնարկը, որի ֆինանսավորման շնորհիվ իրականացվող յոթ ծրագիր կօգնի մարզերում ստեղծել տնտեսական ավելի շատ հնարավորություններ: Դրանց հետ կապված դրամաշնորհային պայմանագրերը ստորագրվեցին անցյալ տարվա դեկտեմբերի 13-ին «Համակողմանի տարածքային զարգացման ծրագրերը և ռազմավարական պլանավորումը հանուն Հայաստանի մարզերի զարգացման» տարածքային զարգացման համաժողովի ընթացքում:

alik Continue reading

ՏԵՂԵԿՈՒԹՅՈՒՆ ՀԱՄԱՑԱՆՑԻՑ ՏԵՂԵԿԱՏՎՈՒԹՅՈՒՆ ՓՄՁ ԶԱԿ ՀԻՄՆԱԴՐԱՄԻՑ


Հայաստանի ՓՄՁ ԶԱԿ հիմնադրամը  հրավիրում է  Վայոց Ձոր մարզի համայնքներում բնակվող բոլոր սկսնակ գործարարներին, որոնք ցանկանում են հիմնել իրենց սեփական բիզնեսը զբոսաշրջային ծառայությունների մատուցման ոլորտում կամ վերջին երեք տարիներին արդեն զբաղվում են ձեռնարկատիրական գործունեությամբ նշված ոլորտում, մասնակցելու Հայաստանի ՓՄՁ ԶԱԿ-ի և Ճապոնիայի միջազգային համագործակցության գործակալության (ՃՄՀԳ) «Տեղական արտադրության զարգացում և տեղական ապրանքանիշերի առաջմղում Հայաստանում – փուլ 2» համատեղ ծրագրի շրջանակում կազմակերպվող սկսնակ գործարարների ձեռներեցությանն աջակցության «Հաջող սկիզբ»  ծրագրին:

 Այն ներառում է ուսուցողական, տեղեկատվական, մասնագիտական խորհրդատվություն և ֆինանսական աջակցության տրամադրման բաղադրչներ: Մասնակցելով ծրագրին` սկսնակ գործարարները կստանան բիզնեսի պլանավորման, շուկայավարման, արտադրության և ֆինանսների պլանավորման գիտելիքներ և համապատասխան գործարար հմտություններ: Ծրագրի տևողությունը մեկ ամիս է, որի ընթացքում փորձառու մասնագետների ուղղուրդմամբ սկսնակ գործարարները նախ մշակում են իրենց անհատական գործարար ծրագիրը, որից հետո ձեռնամուխ են լինում դրա իրականացմանը: Հաջորդ վեց ամիսների ընթացքում գործարարներին տրամադրվում է խորհրդատվական և տեղեկատվական աջակցություն՝ պետական գրանցման ընթացակարգերի, հաշվապահական հաշվառման վարման, հարկային հաշվետվություններ կազմելու և այլ ուղղություններով: Ծրագրի շրջանակում մասնակիցները հնարավորություն կունենան օգտվել նաև ՓՄՁ ԶԱԿ-ի` սկսնակների ֆինանսական աջակցության գործիքներից: Continue reading

ՀՀ ԿԳՆ մամուլի ծառայության տեղեկացմամբ՝ Հրապարակվել է պատգամավորի թեկնածուի հայերենի իմացությունը ստուգող թեստերի հարցաշարը


գիրքՀիմք ընդունելով ՀՀ ընտրական օրենսգրքի 80-րդ հոդվածը և ՀՀ կրթության և գիտության նախարարի հրամանը՝ «Որպես Ազգային ժողովի պատգամավորի թեկնածու առաջադրվող քաղաքացու՝ հայերենին տիրապետելու հանգամանքը հավաստող ավարտական փաստաթղթի բացակայության դեպքում հայերենին տիրապետելու հանգամանքի ստուգման կարգը հաստատելու մասին», կրթության և գիտության նախարարությունում ձևավորված մասնագիտական հանձնաժողովը հրապարակել է Ազգային ժողովի պատգամավորի թեկնածու առաջադրվող քաղաքացու` հայերենին տիրապետելու հանգամանքը ստուգող թեստավորման առաջադրանքների հարցաշարը: Հարցաշարի բովանդակային բաղադրիչները ներառում են հայոց լեզվի քերականության «Ուղղագրություն», «Ուղղախոսություն» և «Բառագիտություն» բաժինները: Առաջադրանքները կազմվել են ՀՀ հանրակրթական դպրոցների շրջանավարտներին ներկայացվող պահանջներին համապատասխան: Նշվում է, որ ՀՀ ընտրական օրենսգրքով ԱԺ պատգամավոր ընտրվելու համար, ի թիվս այլ չափանիշների, սահմանվել է նաև հայերենին տիրապետելու պահանջ: Մասնավորապես 80-րդ հոդվածի 3-րդ մասը սահմանում է. «Հայերենին տիրապետելու հանգամանքը հավաստվում է ուսումնական հաստատություններում հայերենով կրթություն ստացած կամ կրթական ծրագրերով նախատեսված հայոց լեզու առարկայի ուսումնառությունն ավարտած և ամփոփիչ ատեստավորում անցած լինելու վերաբերյալ ուսումնական հաստատությունների կողմից տրված ավարտական փաստաթղթով (վկայական, ատեստատ, դիպլոմ): Continue reading

ԵՐԱԽՏԻՔԻ ԽՈՍՔ


Վայոց ձոր մարզի Հերհեր գյուղի շուրջ 16 շահառուներ իրենց երախտագիտությունն են հայտնում ՌԱԶՄԱՎԱՐԱԿԱՆ ԶԱՐԳԱՑՄԱՆ ԳՈՐԾԱԿԱԼՈՒԹՅԱՆԸ՝ 2016թ. Հերհեր գյուղում կատարած ներդրումների համար, ինչի արդյունքում ստացել են բարձր բերքատվություն: Հատուկ շնորհակալություն ենք հայտնում գործակալներ Նորայր ու Ռազմիկ Հարությունյաններին՝ իրենց բարեխիղճ մոտեցման, բացատրական աշխատանքների և հետևողական վերաբերմունքի համար:

Հերհեր գյուղի շահառուներ

***

<<ՊԱՌԼԱՄԵՆՏ>>  հասարակական-քաղաքական ամսագիրը  (20.12.2016թ.) դիպլոմ է շնորհել ՀՀ Վայոց ձոր մարզի Ռինդ համայնքի ղեկավար Հուսիկ Սահակյանին և նրան ճանաչել  է 2016թ.  <<Համայնքի լավագույն ղեկավար>>:

ԼՈՒՐԵՐ ՄԱՐԶԻ ԱՌՕՐՅԱՅԻՑ


***

Հունվարի 12-ից մարզում մեկնարկեց 2017 թվականի ձմեռային զորակոչը: Մարզի տարածքային զինկոմիսարիատներից պարտադիր ժամկետային զինվորական ծառայության մեկնեցին ձմեռային զորակոչի առաջին նորակոչիկները: Մարզկենտրոնի Սուրբ. Աստվածածին եկեղեցում նորակոչիկներին բարի երթ և անվտանգ ծառայություն մաղթեցին մարզպետի տեղակալ Մելս Հարությունյանն ու Եղեգնաձորի զինկոմ, փոխգնդապետ Կարեն Բաբայանը: Նորակոչիկներին օրհնության խոսք ասաց և  բարձր մարտական ոգով ծառայելու մաղթանքներ հղեց Եղեգնաձորի տարածաշրջանի հոգևոր հովիվ Տեր Վազգեն քահանա Հովհանիսյանը: Վայքի տարածքային զինկոմիսարիատից պարտադիր ժամկետային զինվորական ծառայության մեկնողներն  իրենց առաջին բարեմաղթանքներն ստացան Վայքի Սուրբ Տրդատ եկեղեցում. նորակոչիկներին բարի երթ և անվտանգ ծառայություն մաղթեցին Վայքի զինկոմիսար Հովհաննես Մելքոնյանն ու մարզպետի խորհրդական Վասիլ Ասլանյանը: Հանդիսավոր արարողությանը ներկա էին նաև Վայք, Ջերմուկ և Զառիթափ խոշորացված համայնքների ղեկավարները, նորակոչիկների հարազատները: Նորակոչիկներին օրհնեց Ջերմուկի տարածաշրջանի հոգևոր հովիվ Տեր Գալուստ քահանա Սահակյանը:

***

Հունվարի 8-ից 16-ը Հայաստանի շախմատի ակադեմիայում տեղի է ունեցել Անդրանիկ Մարգարյանի հիշատակին նվիրված շախմատի 7-րդ հուշամրցաշարը, որին ՀՀ տարբեր մարզերից ու մայրաքաղաքից մասնակցել են 650 պատանի շախմատիստներ: Շախմատի ֆեդերացիայի Վայոց ձորի մասնաճյուղի ղեկավար, մարզպետ Հարություն Սարգսյանի օժանդակությամբ հուշամրցաշարին մասնակցել են նաև Վայքի (մարզիչ՝ Նաիրի Հունանյան) և Եղեգնաձորի (մարզիչ՝ Աշոտ Խուդավերդյան) մասնաճյուղերի սաները: Մինչև 10 տարեկանների խմբից մասնակցել են՝ Աշոտ Արամյանը (Եղեգնաձոր), Վայքից՝ Վահե Աբգարյանը, Էդմոն Նիկալայանը, Սիփան Սիմոնյանը: Մինչև 12 տարեկանների խմբից՝ Գոռ Ասրյանը (Վայք) և մինչև 18 տարեկաններից՝ Հակոբ Հակոբյանն ու  Տիգրան Բաղդասարյանը՝ երկուսն էլ Եղեգնաձորից: Մինչև 18 տարեկանների մրցաշարում Հակոբ Հակոբյանն իր տարիքային խմբում գրավել է 7-րդ տեղը: Հուշամրցաշարի մասնակից վայոցձորցի շախմատիստների արդյունքներն ընդհանուր առմամբ գոհացուցիչ են: Continue reading

ՄԵՐ  ԲԱՆԱԿԸ  25 ՏԱՐԵԿԱՆ Է


Հունվարի 28-ը Հայկական բանակի կազմավորման օրն էր, այն արդեն 25 տարեկան է: 1992թ. հունվարի 28-ին Կառավարությունը ընդունեց «ՀՀ Պաշտպանության նախարարության մասին» պատմական որոշում՝ դրանով իսկ իրավականորեն ազդարարելով Հայոց Ազգային բանակի ստեղծումը, որը և ղարաբաղյան պատերազմի տրամաբանական արդյունքը դարձավ… Մայիս ամսին պաշտպանության նախարարությունն սկսեց առաջին զորակոչը հանրապետության տարածքում՝ հիմք դնելով բանակը ժամկետային զինծառայողներով համալրելու կայուն ավանդույթին: Այդ օրից սկսած հանրապետության բոլոր կառույցներում բանակի օրը մեծ շուքով է նշվում: Իսկ այսօր արդեն տարածաշրջանում միակ հաղթանակած բանակն է, որն անցել է 25 ամյա ուրույն ճանապարհ՝ դառնալով պրոֆեսիոնալ կառույց, որն ի վիճակի է արձագանքել անկայուն տարածաշրջանի խնդիրներին: Դրա վառ օրինակն է անցյալ տարվա քառօրյա պատերազմը, որտեղ հայ զինվորը աչքի ընկավ ոչ միայն մարտական պատրաստակամությամբ, այլև բարոյահոգեբանական կայուն վիճակով:   Մարզային բոլոր կառույցներում կազմակերպվում են Բանակի 25 ամյակին նվիրված տոնական միջոցառումներ:

Հայոց բանակի կազմավորման 25 ամյակին էր նվիրված մարզային գրադարանում կազմակերպված գրական-երաժշտական ցերեկույթը, որին մասնակցեց և ողջույնի խոսք ասաց մարզպետ Հ.Սարգսյանը:

Միջոցառմանը մասնակցում էին նաև փոխմարզպետներ Ս.Թարվերդյանն ու  Մ.Հարությունյանը, ՀՀ ՊՆ 4-րդ բանակային կորպուսի զինվորներ և հրավիրված հյուրեր: Բացման խոսքով հանդես եկավ գրադարանի տնօրեն Ռ.Լևոնյանը: Ներկայացվեց Հայոց բանակի անցած հաղթական ուղին, հնչեցին հայրենասիրական երգեր ու բանաստեղծություններ:

Օրը յուրովի նշեցին «Սատար» հաշմանդամների ՀԿ-ի անդամները՝ գլխավորությամբ ՀԿ-ի նախագահ Հունան Հունանյանի: Ի դեպ նրանց մոտ արդեն 4 տարի է բարի ավանդույթ է ձևավորվել՝ Հայոց բանակի կազմավորման տոնը նշել սահմանապահ տղաների հետ: Եվ այս անգամ ևս չխախտելով ավանդույթը համագործակցելով ՀՀ ՊՆ բանակային կորպուսի հրամկազմի, Խաչիկի գյուղապետարանի, Վայոց Ձորի թեմի, Եղեգնաձորի քաղաքապետարանի, Վայոց ձորի տարածաշրջանային պետական քոլեջի, Ջիվանու անվան աշուղական դպրոցի Վայոց ձորի մասնաճյուղի տնօրինության և մի շարք այլ շահագրգիռ կառույցների ու անհատ բարերարների հետ այցելեցին Խաչիկ գյուղի սահմանապահներին: Օրն իրական տոնի վերածվեց: Ելույթ ունեցան նաև գյուղի «Պատանի երկրապահ» ակումբի և ազգագրական պարի համույթի սաները:

1

Continue reading

ԿԱՌԱՎԱՐՈՒԹՅՈՒՆԸ ՄԱՐԶԵՐԻ ՀՐԱՏԱՊ ԽՆԴԻՐՆԵՐԻ ԼՈՒԾՄԱՆ ՆՊԱՏԱԿՈՎ ԿՀԱՏԿԱՑՆԻ 5 ՄԻԼԻԱՐԴ ԴՐԱՄ


Կառավարությունում հանրապետության մարզպետների մասնակցությամբ տեղի ունեցած խորհրդակցության ընթացքում վարչապետ Կարեն Կարապետյանը տեղեկացրել է, որ որոշում է կայացվել պահուստային ֆոնդից մարզերին հատկացնել 5 մլրդ դրամ՝ հրատապ խնդիրների լուծման նպատակով: «Անհրաժեշտ է ընտրել առաջնահերթություն ու մուլտիպլիկատիվ էֆեկտ ունեցող խնդիրներն ու ծրագրերը: Այդ գումարները պետք է կառավարել շատ խիստ, բաց, թափանցիկ, հասկանալի: Մենք ծրագրերի իրականացման արդյունքներով լրացուցիչ գումարներ ևս հատկացնելու ենք՝ հաշվի առնելով կատարված աշխատանքների էֆեկտիվությունը, արագությունը, թափանցիկությունը և այլն: Նշված հինգ միլիարդ դրամը բյուջեում չկար, սա այն օպտիմալացման արդյունքն է, որը մենք արել ենք»,- ընդգծել է Կարեն Կարապետյանը:
Անդրադառնալով մարզերից ստացվող ներդրումային ծրագրերին՝ վարչապետը նշել է, որ Տնտեսական զարգացման և ներդրումների նախարարությանը հանձնարարված է յուրաքանչյուր օր զեկուցել հավանության արժանացած ծրագրերի իրականացման գործընթացի մասին: «Անհրաժեշտ է մեծ ուշադրություն դարձնել բիզնես օղակի վրա: Դա է մեր երկրի, մեր մարզերի զարգացումը, աշխատատեղերի ստեղծումը»,- Continue reading

ՏԵՂԵԿԱՏՎՈՒԹՅՈՒՆ


Հունվար 12-ին վարչապետի գլխավորությամբ կառավարությունում տեղի է ունեցել հերթական խորհրդակցությունը, որի ընթացքում քննարկվել են Վայոց ձորի մարզից ներկայացված ներդրումային ծրագրերը, որոնք վերաբերում էին օրգանական գյուղմթերքի վերամշակմանը, կաթնամթերքի արտադրության զարգացմանը, ջերմոցային տնտեսությունների ընդլայնմանը, զբոսաշրջային հնարավորությունների կազմակերպմանը և այլն: Ներկայացվել են մանրամասներ ծրագրերի տնտեսական հիմնավորման և ֆինանսական գնահատականների վերաբերյալ: «Ցանկացած գաղափար, որը կարող է հավելյալ արժեք ստեղծել, լավն է, բայց այն պետք է լինի առարկայական՝ քննարկելու և կյանքի կոչելու համար,- ասել է վարչապետը,- Ով ունի նորմալ տրամաբանական նախաձեռնություն և հաջողակ գործարար է, նա պետք է իրականում զգա, որ մենք իր կողքին կանգնած ենք»: Նա նաև կարևորել է բիզնես ծրագրերի կոնկրետացումը՝ ակնկալվող արդյունքների ու ռիսկերի գնահատմամբ և հանձնարարել պատասխանատուներին՝ հավանության արժանացած ծրագրերին ընթացք տալու նպատակով համատեղ ուսումնասիրել աջակցության հնարավորությունները:

Թիվ 1 /153/ Հունվարի 30, 2017թ.


Безымянный

Շարունակել կարդալ →

Թիվ 12/152/, դեկտեմբերի 28, 2016թ.


 

12

Շարունակել կարդալ →

ՍԻՐԵԼԻ′   ՈՒՍՈՒՑԻՉ, ՇՆՈՐՀԱՎՈՐ ՏՈՆԴ


2

Սիրելի′  ուսուցիչներ, մանկավարժներ, դաստիարակներ, կրթության բնագավառի ներկայացուցիչներ, շնորհավորում  ենք  ձեզ «Ուսուցչի օրվա» կապակցությամբ: Մեզ համար ուսուցիչը մեծ արժեք է` գնահատանք, մեծարում: Սերունդների կյանքում  անգնահատելի  հետք թողած և բոլորի կողմից ակնածանքի արժանացած մարդկանց են  ուսուցիչ կոչել, և պատահական չէ, որ մեր պետական տոնացույցում հատուկ նշվում է «Ուսուցչի օրը»: Ուսուցչի մեծարանքը որքան  հաճելի, նույնքան էլ պարտավորեցնող է: Սիրելի ուսուցիչներ, ձեր ամենօրյա աշխատանքով և ձեր օրինակով փորձեք հաստատել, զորացնել ու ամրագրել մեր ինքնատիպությունը, հավատարիմ մնալով` քաղաքակրթական  արժեքներին, ազգային ավանդույթներին և ժամանակակից նորարական մոտեցումներին:  Սա է ուսուցչի  և կրթության առջև ծառացած հիմնական խնդիրն ու առաքելությունը: Շնորհավորելով կրթության բնագավառի բոլոր ներկայացուցիչներին «Ուսուցչի օրվա» կապակցությամբ՝ մաղթում ենք նորանոր հաջողություններ ու ձեռքբերումներ:

ՄԵՐ  ԽՄԲԱԳՐԱԿԱՆԸ


 Հոկտեմբերի 1-ի դրությամբ արդեն ամբողջական դարձավ նոր կառավարության կազմը. ՀՀ Նախագահի հրամանագրերով Պաշտպանության նախարար է նշանակվել Վիգեն Սարգսյանը, Զինված ուժերի գլխավոր շտաբի պետ՝ Մովսես Հակոբյանը, ՀՀ արտաքին գործերի նախարար է վերանշանակվել Էդվարդ Նալբանդյանը, ՀՀ Նախագահի աշխատակազմի ղեկավար է նշանակվել Արմեն Գևորգյանը, իսկ Ազգային անվտանգության խորհրդի քարտուղար՝ Յուրի Խաչատուրովը: Նորանշանակ Պաշտպանության նախարարի նշանակման հետ կապված տարաձայնությունները փարատելու նպատակով ՀՀ Նախագահը հանգամանորեն խոսեց նոր Սահմանադրությամբ մեր երկրի պետական կառավարման համակարգում Պաշտպանության նախարարի, նախարարության և ԶՈւ գլխավոր շտաբի դերակատարության մասին: Այն է, որ մեր երկրի թիվ մեկ զինվորականը կամ ավագ զինվորականը պետք է լինի գլխավոր շտաբի պետը, ոչ թե նախարարը:  Նախարարը պետք է զբաղվի ռազմաքաղաքական դիվանագիտությամբ, Զինված ուժերի ամբողջական մատակարարմամբ, գնումների կազմակերպմամբ ինչպես երկրի ներսում, այնպես էլ արտերկրում: Անհրաժեշտ է ավելի անմիջականորեն զբաղվելու ռազմական կրթությամբ և ռազմահայրենասիրական դաստիարակությամբ: Պաշտպանության նախարարը պետք է շատ քիչ զբաղվի զորքերի առօրյա գործունեությամբ: Հանրապետության Նախագահը ընդգծում է նաև, որ երկրի հնարավորությունների մեծացմանը զուգահեռ ավելանալու են նաև Պաշտպանության նախարարության հնարավորությունները, և հույս է հայտնում, որ Սեյրան Օհանյանը առաջիկայում կվերադառնա հայրենիքին ծառայության և իր օգտակար ու կարևոր ներդրումը կունենա երկրի պաշտպանունակության ամրապնդման գործում: «Պաշտպանունակությունը միայն Պաշտպանության նախարարությունը  չէ»,– ավելացնում է նախագահը: Մնում է մեզ շնորհավորել նոր  նշանակումների կապակցությամբ՝ մաղթելով նրանց հաջողություններ և հուսալ, որ նրանցից յուրաքանչյուրն իր ողջ ներուժը կներդնի հայոց բանակի շարունակական զարգացումն ապահովելու համար: Իսկ ինչ վերաբերվում է ՀՀ կառավարության կառուցվածքին, ապա այստեղ ևս կատարվել է փոփոխություն, ըստ որի քաղաքաշինության նախարարությունը վերանում է, իսկ էներգետիկայի և բնական պաշարների, տրանսպորտի և կապի ու էկոնոմիկայի նախարարություններն անվանափոխվում են. ներկայացնում ենք նոր անվանումներով՝ 1) Աշխատանքի և սոցիալական հարցերի, 2) Առողջապահության, 3) Արդարադատության, 4) Արտաքին գործերի, 5) Արտակարգ իրավիճակների, 6) Բնապահպանության, 7) Գյուղատնտեսության, 8) Ներդրումների և ձեռնարկատիրության աջակցության (էկոնոմիկայի նախարարության փոխարեն) 9) էներգետիկ ենթակառուցվածքների և բնական պաշարների, 10) Կրթության և գիտության, 11) Մշակույթի, 12) Պաշտպանության, 13) Սպորտի և երիտասարդության հարցերի, 14) Սփյուռքի, 15) Տարածքային կառավարման և զարգացման, 16) Տրանսպորտի, կապի և տեղեկատվական տեխնոլոգիաների, 17) Ֆինանսների, 18) ՀՀ կառավարության աշխատակազմի ղեկավար, 19) Միջազգային տնտեսական ինտեգրման և բարեփոխումների նախարարություններ:

Անդրադառնալով խաղողի մթերման խնդիրներին մեզանում գրանցվում է նոր մոտեցում. առաջին անգամ գործադիրի ղեկավարը հայտարարում է, որ պետությունը` ինքը, կարող է վերցնել սննկացող ընկերության կառավարումը` փորձելով առողջացնել այդ ընկերությունը` թույլ չտալով, որպեսզի փակվեն աշխատատեղեր և գյուղացիները զրկվեն իրենց բերքի գումարներից: Պետության կողմից նման մոտեցումը ողջունելի է. «Որքան էլ պետությունը ամենաարդյունավետ կառավարիչը չէ,-իր խոսքում ասել է վարչապետը,-այնուամենայնիվ, ավելի սրտացավ և հետևողական կլինի նման դեպքերում, քան մեր առևտրային բանկերը, որոնք բիզնեսին տրամադրում են այնպիսի ծանր պայմաններով վարկեր, որ գործարարներն ուղղակի հայտնվում են քաոսի մեջ»: Ասածի վառ օրինակն է աղավնաձորցիների խնդրի լուծումը:

6 Continue reading