ՄԱՐԶՊԵՏԱՐԱՆԻ ՏՀԿ ԲԱԺՆԻ ՕՐԱԳՐԻՑ


Մայիսի 28-ին Եղեգնաձորի մարզային մշակույթի տան համերգային դահլիճում տեղի ունեցավ տոնական համերգ, նվիրված Հայաստանի Առաջին Հանրապետության հռչակման 95-րդ տարեդարձին: Մասնակիցներին ողջունեց մարզպետ Էդգար Ղազարյանը: Նա իր խոսքում կարևորեց Հայաստանի Առաջին Հանրապետության գոյությունը, որպես երկրորդ և երրորդ Հանրապետությունների կայացման հիմք: Մարզպետն իր ուրախությունը հայտնեց նաև այն առիթով, որ տոնական համերգին մասնակցում էին մարզում գործող երաժշտական դպրոցների սաները: Նա հորդորեց ավանդույթ ձևավորել և ամեն տարի մայիսի 28-ին կազմակերպել երաժշտական դպրոցների տարեվերջյան հաշվետու համերգը: Ծրագրում ընդգրկված էին Եղեգնաձորի, Ջերմուկի, Վայքի քաղաքային և Աղավնաձորի գյուղական համայնքների արվեստի և երաժշտական դպրոցների լավագույն սաների գործիքային ու վոկալ կատարումները

***
Մայիսի 21-ին մարզպետարանի նիստերի դահլիճում մարզպետ Էդգար Ղազարյանի ղեկավարությամբ անցկացվեց հրամանատարաշտաբային ուսումնավարժություն` «Բնակչության պաշտպանության միջոցառումների իրականացումը ուժեղ երկրաշարժի դեպքում» թեմայով: Օրակարգը ներկայացնելու համար մարզպետը ամբիոնի մոտ հրավիրեց ՀՀ ԱԻՆ ՓԾ Վայոց ձորի մարզային փրկարարական վարչության պետ, փ/ծ գնդապետ Հակոբ Հակոբյանին: Միջոցառման ծրագիրը ներկայացրեց մարզային փրկարարական վարչության ԲՊ բաժնի պետ-պետի տեղակալ փ/ծ փոխգնդապետ Սահակ Ոսկանյանը:

Ուսումնավարժության ուսումնական նպատակներն են.

1. Ստուգել մարզի ղեկավար մարմինների պատրաստականությունն արտակարգ իրավիճակների առաջացման և հետևանքների վերացման դեպքում:

2. Կատարելագործել ղեկավար կազմի ունակությունները արտակարգ իրավիճակներում գործելու դեպքում: Continue reading

ՇԱԽՄԱՏԻ ՄՐՑԱՇԱՐ ԱՌԱՋՆՈՐԴԱՐԱՆՈՒՄ


DSC04230 Վայոց Ձորի թեմի առաջնորդարանում անցկացվեց «Առաջնորդանի փոխանցիկ գավաթ»-ի շախմատի առաջնությունը, որը կազմակերպել էր շախմատի հանրապետական ակադեմիայի Վայոց ձորի մարզի մասնաճյուղի պատասխանատու Աշոտ Խուդավերդյանը: Այս առաջնությանը մասնակցում էին 10-ը մեծահասակ և 27 պատանի շախմատիստներ:

Թեմի փոխառաջնորդ  Տ. Զարեհ վրդ. Կաբաղյանն օրհնության խոսքից և աղոթքից հետո ազդարարեց առաջնության բացումը:DSC04240

Այնուհետև Աշոտ Խուդավերդյանը Հայաստանի պատանիների առաջնությունում հաղթած իր աշակերտուհուն՝ Սիրանուշ Հովհաննիսյանին, հանձնեց շախմատիստի առաջին կարգի վկայական: Մեծահասակներից հաղթող ճանաչվեց Հակոբ Հակոբյանը, իսկ պատանիներից` Տիգրան Բաբայանը: Առաջնության վերջում գավաթը Տիգրան Բաբայանին հանձնեց փոխառաջնորդ Տ. Զարեհ վրդ. Կաբաղյանը: Continue reading

ԱՅՑԵԼՈՒԹՅՈՒՆ ՀԵՆԱԿԵՏԵՐ


ԱԺ պաշտպանության, ազգային անվտանգության եւ ներքին գործերի մշտական հանձնաժողովի նախագահ Կորյուն Նահապետյանն ու մարզպետ Էդգար Ղազարյանը մայիսի 26-ին այցելեցին Արենի և Խաչիկ համայնքների սահմանապահ հենակետեր։ Նպատակն էր ծանոթանալ դիրքերում ծառայություն անցնող զինվորների առօրյային, նրանց մարտական պատրաստվածությանը։ Հանձնաժողովի նախագահը տոնի կապակցությամբ շնորհավորեց սահմանապահներին, մաղթելով խաղաղ երկինք, անվտանգ ծառայություն։  «Հայ սահմանապահները զգոն ու մշտարթուն են, և լավ գիտակցում են, որ հայրենիքի անվտանգության ու անձեռնմխելիության առաջին պահապաններն իրենք են,- ասաց Կ.Նահապետյանն ու հավելեց, որ մեր երկրի սահմաններն ամուր ձեռքերում են»։ Մարտական հերթափոխում կանգնած զինվորներն ու սպաները վստահեցրին, որ օրվա ցանկացած պահի պատրաստ են դիմագրավելու եւ հակահարված հասցնելու հակառակորդին։

ՄԱՅԻՍԻ 8-Ը ԿԱՐՄԻՐ ԽԱՉԻ ՄԻՋԱԶԳԱՅԻՆ ՕՐՆ Է


Մայիսի 8-ի  տոնական  օրվա արթիվ ՀԿԽԸ Վայոց ձորի մարզաին գրասենյակ էին  հրավիրվել կամավորներ, ընկերության անդամներ, ՏԻՄ և  ՀԿ ներկայացուցիչներ: Կազմակերպված երթի ընթացքում կամավորների  կողմից ազգաբնակչությանը բաժանվեց  տեղեկատվական թերթիկներ: Մասնակիցներին ողջունեց  ՀԿԽԸ Վայոց ձորի ՄՄ նախագահը և շնորհավորեց օրվա առթիվ, ներկայացվեց Կարմիր Խաչի Կոմիտեի, միջազգաին Ֆեդերացիայի, Ազգաին ընկերության և մարզային մասնաճյուղի   գործնեությունը, ապա  ցուցադրական ելույթներով հանդես եկավ Առաջին Օգնության թիմը, տարվա ակտիվ խաչականներն արժանացան խրախուսական նվերների:

Վայոց ձորի մարզում Կարմիր Խաչի գործնեությունն սկսվել է 1996-ից: Այս տարիներին կազմակերպության կողմից իրականացվել է բավականին ակտիվ գործունեություն. ուսուցում «Պայքար ՁԻԱՀ-ի դեմ» թեմայով, համակարգչաին դասընթացներ, էկո արշավներ դեպի տեսարժան վայրեր, սոցիալապես անապահով ընտանիքներին ու միայնակ ծերերին օգնության տրամադրում, տուբերկուլյոզով հիվանդների սննդի և հիգիենիկ փաթեթների տրամադրում, անհայտ կորածների և պատերազմի ժամանակ զոհվածների փաստագրական տվյալների հավաքագրում:

ՀԵՏԱՔՐՔԻՐ Է ԻՄԱՆԱԼ


***

Էքստրասենսներ, պայծառատեսներ, հրաշագործներ…

Էքստրասենսներ, պայծառատեսներ, հրաշագործներ. ովքե՞ր են նրանք, ի՞նչ գիտենք նրանց մասին: Ոչինչ կամ գրեթե ոչինչ: Եթե նրանք մեզ համար հանելուկ են, ապա մենք` բաց գիրք նրանց համար. կարողանում են կարդալ, երբեմն սրբագրումներ անել, զգալ մեր էներգիան ոչ միայն մոտ, այլեւ հեռու տարածությունից: Այդպիսի հանելուկային մի անձնավորության մասին մոտ 45րոպեանոց հաղորդում տրվեց ռուսական OPT հեռուստաալիքով: Նա մեր հայրենակիցն է` Սեդա Վարդանյան անունով: Չնայած ապրում է Մոսկվայում, բայց գործունեության աշխարհագրությունը Ռուսաստանից տարածվում է մինչեւ եվրոպական երկրներ: Հավաստագրերում, որոնցով տիկնոջն արտոնվում է աշխատել մի շարք երկրներում, Սեդա Վարդանյանը ներկայացվում է որպես էքստրասենս-պայծառատես: Թեեւ մեր երկրում նրան ճանաչողների շրջանակն այնքան էլ ընդգրկուն չէ, բայց, փոխարենը, մեծ համբավ է վայելում ՌԴ-ում: Անգամ ռուսական 12 հեռուստաալիքներ նրան եթերաժամեր են տրամադրել: Իսկ TNT-ն, տիկին Սեդայի մասնակցությամբ, արդեն սկսել է «Էքստրասենսների մենամարտ»-ի 5-րդ եթերաշրջանը: Շուրջ տարին շրջագայությունների մեջ է Սեդան: Հրավերքներ է ստանում հատկապես այն քաղաքներից, որոնց բնակիչներն ինչ-ինչ պատճառներով սթրես են ապրել: Պարզվում է, որ նա հայտնի է հատկապես իր քաղաքական կանխատեսումներով: Մշտական այցելուների թվում Պետդումայի պատգամավորներ են, քաղաքական եւ պետական գործիչներ, կինոյի եւ շոու-բիզնեսի ներկայացուցիչներ ու պարզապես գործարարներ: «Ռուս շատ գործարարների մոտ սովորույթ է դարձել` որեւէ մեծ գործ սկսելուց առաջ այցելել ինձ,- ասում է Սեդան: Սկսնակ գործարարներին օգնում եմ հարստանալ, իսկ հարուստներին` պահպանել ունեցվածքը»,- պատմում է էքստրասենսը: Սեդա Վարդանյանի գործունեության մասին նույնիսկ ռուսալեզու գրքեր են հրատարակվել: Continue reading