***

 Օգոստոսի 18-ին մարզպետ էդգար Ղազարյանի մասնակցությամբ  Նորավանքում տեղի ունեցավ Սուրբ Աստվածածնի վերափոխման տոնին կամ ինչպես ժողովրդի շրջանում է տարածված, խաղողօրհնեքին նվիրված պատարագ, իսկ Սուրբ Աստվածածին եկեղեցու բակում Վայոց ձորի թեմի Փոխառաջնորդ Տ. Զարեհ վարդապետ Կաբաղյանի ձեռամբ կատարվեց «Խաղողօրհնեքի» կարգ և օրհնված խաղողը բաժանվեց միջոցառման մասնակիցներին: Այնուհետև տեղի ունեցավ ժողովրդական տոնախմբություն:

 Սուրբ Աստվածածնի վերափոխման տոնի

/«Խաղողօրհնեքի»/ մասին մանրամասն  այստեղ

***

Մարզպետ Էդգար Ղազարյանը փոխմարզպետ Սամվել Թարվերդյանի ուղեկցությամբ այցելություն է ունեցել Աղավնաձոր համայնք` քննարկելու 2013 թ. խաղողի մթերումների կազմակերպման հետ կապված խնդիրներ: Մարզպետի կողմից այգետերերին ներկայացվեց տեղեկատվություն ՀՀ գյուղատնտեսության նախարարության և մարզպետարանի կողմից խաղողի մթերումների կազմակերպման ուղղությամբ կատարված աշխատանքների, մթերող կազմակերպությունների հետ ձեռք բերված պայմանավորվածությունների, ինչպես նաև մթերումների հավանական ծավալների և մոտավոր գների վերաբերյալ: Հանդիպման ընթացքում համայնքի բնակիչները ներկայացրին մթերումների հետ կապված իրենց անհանգստություններն ու առաջարկությունները: Continue reading →

Օգոստոսի 9-ին ՀՀ փոխվարչապետ, տարածքային կառավարման նախարար Արմեն Գևորգյանն այցելեց Վայոց ձորի մարզ` ծանոթանալու պետական տարբեր ծրագրերով իրականացվող աշխատանքների ընթացքին:

Մարզպետ Էդգար Ղազարյանի ուղեկցությամբ նա եղավ Սևան-Մարտունի-Գետափ մայրուղու` Քարագլուխ համայնքի մոտ փլուզված հատվածում, ծանոթացավ կատարվող շինարարական աշխատանքներին: Պատասխանատուները զեկուցեցին, որ մոտ մեկ շաբաթից ճանապարհն արդեն երթևեկելի կլինի նաև բեռնատար մեքենաների համար: Ճանապարհահատվածի վերանորոգման համար պետբյուջեից հատկացվել է շուրջ 38 մլն դրամ:

Փոխվարչապետն այցելեց նաև Գետափ, Շատին, Արտաբույնք, Հերմոն համայնքներ: Մարզի առաջնահերթ խնդիրների լուծման չորրորդ ծրագրով մինչև սեպտեմբեր կավարտվեն Արտաբույնքի մշակույթի տան վերանորոգման աշխատանքները, Շատին գյուղում նույն ծրագրով արդեն ավարտվել է համայնքային կենտրոնի շենքի վերակառուցումը, իսկ Գետափում Հայաստանի սոցիալական ներդրումների հիմնադրամի ծրագրով նորոգվում է մանկապարտեզի շենքը:

ՀՀ փոխվարչապետ Արմեն Գևորգյանը, Վայոց ձորի մարզպետ Էդգար Ղազարյանը, Վայոց ձորի թեմի առաջնորդ Աբրահամ Եպս. Մկրտչյանը և մի շարք այլ բարձրաստիճան պաշտոնյաներ, այցելեցին նաև Վայոց ձորի գողտրիկ անկյուններից մեկում՝ Հերմոնում, գտնվող «Սյունիք-Զարգացում» ՀԿ-ի համայնքային կենտրոն: Այստեղ Ա. Գևորգյանը ծանոթացավ զբոսաշրջային նոր համալիրի պայմաններին և հնարավորություններին, որտեղ ստեղծված են անհրաժեշտ ենթակառուցվածքներ` մարզ այցելող զբոսաշրջիկներին որակյալ ծառայություններ մատուցելու համար: Քննարկվեցին Եղեգիսի կիրճում զբոսաշրջության զարգացման հեռանկարները` հաշվի առնելով, այն որ տարածքն ու մարզը հարուստ են պատմամշակութային հուշարձաններով:

Համայնքներում փոխվարչապետը հանդիպումներ ունեցավ նաև բնակիչների հետ, որոնք հիմնականում բարձրացրին գազիֆիկացման, միջհամայնքային ու ներհամայնքային ճանպարհների բարեկարգման, գյուղմթերքի իրացման, նոր գյուղտեխնիկայի անհրաժեշտության, ինչպես նաև համայնքներում հանրապետական հեռուստաալիքների հեռարձակման հնարավորության հետ կապված հարցեր: Փոխվարչապետը բնակիչներին պարզաբանումներ տվեց նաև նրանց հուզող մի շարք խնդիրների` գազի սակագնի բարձրացման հետ կապված սոցիալապես անապահով խավին կառավարության կողմից օժանդակության, կենսաթոշակային բարեփոխումների, ընտանեկան նպաստի համակարգի, ավանդների փոխհատուցման գործընթացի, կադաստրային փաստաթղթերը ձևակերպելու համար չափագրումների նոր կարգի և այլ հարցերի վերաբերյալ:

Եղեգնաձորում փոխվարչապետին զեկուցվեց քաղաքի ճանապարհների բարեկարգման աշխատանքների ընթացքի մասին: Մարզի առաջնահերթ խնդիրների լուծման չորրորդ ծրագրով հատկացված մոտ 60 մլն դրամով արդեն ավարտվել է Մոմիկի փողոցի նորոգումը, պետբյուջեից շուրջ 231 մլն դրամ է հատկացվել Նարեկացի և Սպանդարյան փողոցների բարեկարգման համար: Պատասխանատուները նշեցին, որ Սպանդարյան փողոցի վերանորոգման աշխատանքներն սկսելու համար ոռոգման ենթակառուցվածքների հետ կապված որոշակի խնդիրներ են առաջացել: Continue reading →

***

Ինտեգրված սոցիալական ծառայությունների տրամադրման համակարգի ներդրման ծրագիրը մարզում իրականացնելու համար հուլիսի 19-ին աշխատանքային այցով Վայոց ձորի մարզում էր ՀՀ Աշխատանքի և սոցիալական հարցերով նախարար Արտեմ Ասատրյանը: Մարզպետ Էդգար Ղազարյանի ուղեկցությամբ նախարարը եղավ Եղեգնաձոր և Վայք քաղաքներում, ուսումնասիրեց մարզում ինտեգրված սոցիալական ծառայություններ կազմակերպելու նպատակով հատկացվող շենքերի պայմանները, որոնք արժանացան նախարարի հավանությանը: Հանդիպմանը մասնակցում էին Վայոց ձորի մարզպետարանի աշխատակազմի առողջապահության և սոցիալական ապահովության վարչության պետ Խաչիկ Գևորգյանը և պատասխանատու այլ անձիք:

***

Հուլիսի 18-ին աշխատանքային այցով ԱՄՆ ՄԶԳ մի շարք աշխատակիցների ուղեկցությամբ Վայոց ձորի մարզում էր գտնվում ԱՄՆ ՄԶԳ հայաստանյան առաքելության ղեկավար տիկին Կարեն Հիլարդը: Նա Արենիում այցելել է ՔԱՐԴ ամերիկյան կազմակերպության աջակցությամբ վերանորոգված գինու համտեսի սրահ: Այնուհետև նրա գլխավորած պատվիրակությունը ներկա է գտնվել Վայքի քաղաքապետի կիսամյակային հանրային հաշվետվությանը, որից հետո մարզպետ Էդգար Ղազարյանը հանդիպել է ԱՄՆ ՄԶԳ հայաստանյան առաքելության ղեկավար Կարեն Հիլարդի հետ: Հանդիպմանը մասնակցել են ԱՄՆ ՄԶԳ մի շարք աշխատակիցներ և մարզպետի տեղակալ Արամ Գրիգորյանը: Քննարկվեցին Վայոց ձորի մարզում ԱՄՆ ՄԶԳ-ի հետ հետագա համագործակցության հարցեր:

***

Հուլիսի 19-ին մարզպետը հյուրընկալել էր ՀՀ-ում Հնդկաստանի արտակարգ և լիազոր դեսպան Սուրեշ Բաբուին: Մարզպետի մոտ տեղի ունեցած հանդիպման ընթացքում քննարկվեցին փոխադարձ հետաքրքրություն ներկայացնող մի շարք հարցեր: Այնուհետև դեսպանը մարզպետի տեղակալ Մելս Հարությունյանի ուղեկցությամբ այցելեց Եղեգնաձորի թիվ 1 հիմնական, Ջերմուկի թիվ 2 ավագ, թիվ 3 հիմնական, Վայքի թիվ 2 հիմնական և Գնդեվազի միջնակարգ դպրոցներ: Նշենք, որ 2014թ. դեսպանատունը «Հայաստան» համահայկական հիմնադրամի հետ համատեղ Վայոց ձորի մարզի բոլոր դպրոցներում կիրականացնի համակարգիչներով հագեցած ինտերնետային դասարաններ ստեղծելու ծրագիր: Continue reading →

***

ՀՀ կառավարության որոշմամբ առաջնահերթ հիմնախնդիրների լուծման նպատակով, մարզին հատկացված 260 մլն. դրամ գումարից Եղեգնաձոր համայնքի Մոմիկի փողոցի բարեկարգման և ասֆալտապատման աշխատանքները իրականացնելու համար մարզպետի որոշմամբ տրամադրվեց 59.2 մլն. դրամ: ՀՀ պետական բյուջեի միջոցների հաշվին կիրականացվի նաև Եղեգնաձորի Սպանդարյան, Նարեկացի և Արսենյան փողոցների հիմնանորոգման աշխատանքները: Ներհամայնքային ճանապարհների բարեկարգումը մարզպետարանի պատվիրատվությամբ կունենա շարունակական բնույթ:

***

2013-ի գարնանը պետ. աջակցության ծրագրերի շրջանակում ՀՀ կառավարության կողմից մարզի հողօգտագործողներին մատչելի գներով հատկացվեց 440տ ազոտական պարարտանյութ` պարկը 6000 դրամ, 353,877լ դիզ. վառելիք՝ լիտրը 350դրամ, 40տ գարնանացան գարու սերմացու՝  կգ-ը  200դրամ, 1տ կորնգանի սերմացու՝  կգ-ը 370դրամ, 150կգ առվույտի սերմացու՝ կգ 1500դրամ և 225կգ եգիպտացորենի սերմացու՝ կգ-ը 350դրամ: Մատակարարներն առանց փոխադրավարձի ազոտական պարարտանյութը և դիզ. վառելիքը հասցրել են համայնքներ, իսկ սերմացուները՝ մինչև մարզկենտրոն: Մարզպետարանի աշխատակազմի գյուղատնտեսության և բնապահպանության վարչությունից հայտնում են, որ ըստ օպերատիվ տվյալների՝ հուլիսի 30-ի դրությամբ մարզի տարածքում հնձված 340 հա հացահատիկի ցանքատարածությունից ստացվել է 8500 ց հացահատիկի բերք: Մարզում  արտադրվել է 1500 ց բանջարեղեն, 8400 ց կարտոֆիլ, 13000 ց պտուղ:  Կուտակվել է 140000 ց խոտ: Continue reading →

Նոր դարաշեմին դարձել ենք վկան,

Ազատ ու անկախ պետականության,

Ոսոխների դեմ տարած հաղթության:

Մեր սուրը փառքով դրեցինք պատյան,

Մեծ հաղթանակի օրն է ցնծալից,

Պարտվեց մահաշունչ ոսոխը դաժան,

Երգեր են հորդում զվարթ սրտերից:

ՀՀ պաշտպանության նախարարության 4-րդ զորամիավորումը կազմավորվել է 1997թ. հուլիսի 4-ին: Զորամիավորման առաջին հրամանատարն էր գեներալ-գնդապետ Յուրի Խաչատուրովը, այնուհետև` գեներալ-լեյտենանտ Մարտին Կարապետյանը, գեներալ-մայոր Սեյրան Սարոյանը, գեներալ-լեյտենանտ Արշալույս Փայտյանը, գեներալ-լեյտենանտ Վալերի Գրիգորյանը, գեներալ-մայոր Կամո Քոչունցը, գեներալ-մայոր Պողոս Պողոսյանը: Ներկայիս հրամանատարն է գեներալ-մայոր Անդրանիկ Մակարյանը:

Հուլիսի 28-ը տոնական օր էր Եղեգնաձորում, մեծ շուքով նշվելու էր 4-րդ զորամիավորման կազմավորման 16-րդ տարեդարձը: Դա իր բնույթով եզակի տոնակատարություն էր, որ նշվում էր մարզում, այլ ոչ թե զորամասերում: ՀՀ պաշտպանության նախարար Սեյրան Օհանյանի խոսքերով ասած  «նման որոշումը պատահական չէր, ժողովրդի ծոցից ծնունդ առած և նրա անվտանգության երաշխավորը հանդիսացող ազգային բանակն իր ժողովրդի հետ պետք է դիմավորի բանակային յուրաքանչյուր տոն»: Ասվածի վկայությունն է այն փաստը, որ այդ օրվա եղեգնաձորյան լուսաբացը ուղեկցվեց զինվորական քայլերգերի ու ազգային մեղեդիների ելևէջներով,  որոնք և բնականաբար հիշեցրին բնակչությանը օրվա տոնակատարության, օրվա խորհրդի մասին և անկախ տարիքից` յուրաքանչյուր եղեգնաձորցի շտապեց մասնակցելու հաղթանակների բովով անցած բանակի տոնակատարությանը:

Տոնահանդեսն սկսվեց առավոտ վաղ, մարզկենտրոն Եղեգնաձորի հրապարակը տոնական հանդերձանք ուներ հանդիսավոր պայմաններում էր նշվում 4-րդ բանակային կորպուսի կազմավորման 16-րդ տարեդարձը: Միջոցառմանը ՀՀ պաշտպանության նախարար Սեյրան Օհանյանի գլխավորությամբ մասնակցում էին նաև զինված ուժերի գլխավոր շտաբի պետ գեներալ-գնդապետ Յու. Խաչատուրովը, պաշտպանության նախարարի, զինված ուժերի գլխ. շտաբի պետի տեղակալներ, պաշտպանության բանակի, բանակային կորպուսների հրամանատարներ, զինված ուժերի վարչությունների պետեր, միավորումների և զորամասերի հրամանատարներ:

Մարզպետ Էդգար Ղազարյանի գլխավորությամբ այստեղ էին մարզային իշխանության ներկայացուցիչներ, համայնքային ու ուժային կառույցների ղեկավարներ, աշխատողներ: Հրավիրված հյուրերի կազմում էին նաև Արարատի մարզպետ Էդիկ Բարսեղյանը, Սյունիքի նորանշանակ մարզպետ Վահե Հակոբյանը և նշված մարզերի համայնքապետեր, ուժային կառույցների ղեկավարներ, արցախյան պատերազմի վետերաններ:

Զորահանդեսն սկսվում է ԲԿ հրամանատարի ՄՊ գծով տեղակալի «Զորահանդես հավսար, զգա՛ստ, դեպի հրապարակ, քայլով մա՛րշ» հրահանգով, հետևում է հայկական մարշի հնչյունները, որի ներքո բոլոր զորամասերը շարային քայլով մտնում են հրապարակ ու շարվում ըստ հերթականության:

«ԼԵՅԲ ԳՎԱՐԴԻԱՅԻ ՊՐԵՈԲՐԱԺԵՆՍԿՈՒ ԳՆԴԻ» քայլերգի խրոխտ հնչյունների ներքո փոխգնդապետ Արման Ոսկանյանի գլխավորությամբ հրապարակ է բերվում 4-րդ զորամիավորման մարտական դրոշը, որպես մարտական փառքի ու արիության խորհրդանիշ և ի հիշեցում` բանակային կորպուսի յուրաքանչյուր զինծառայողի ու իր սրբազան պարտքի մասին:

Իսկ ինչո՞ւ այդ երաժշտության ներքո… Continue reading →

Նախորդ համարում տպագրվեց «Օգնենք 1-ին կարգի հաշմանդամին` հուսահատ վիճակից դուրս գալու» թղթակցությունը, որն ավարտվում էր հետևյալ տողով. «Այն մարդիկ, ովքեր ցանկություն կունենան օգնել, կարող են զանգահարել… Անկեղծ ասած հոդվածագիրը` մեր երիտասարդ թղթակից Սիրան Սարգսյանը, չէր էլ սպասում արագ արձագանքման: Բայց կատարվեց անսպասելին. թերթի տպագրվելու հաջորդ օրն իսկ Մալիշկա գյուղի բնակիչ  Արմեն Ռազմիկի Հակոբյանին զանգահարում են և առաջարկում իրենց օգնությունը` տրամադրելով լվացքի մեքենա: Պարզվում է այդ բարեգործը «Վարդաձորի» մշտական ընթերցող Սամվել Հայրապետյանն է:

Արմեն Հակոբյանի ու նրա ընտանիքի անունից շնորհակալություն ենք հայտնում Ս. Հայրապետյանին, ու նաև շնորհակալ ենք ու հպարտ թերթի խնդրանքին արձագանքելու համար: Դա խոսում է այն մասին, որ դեռ մամուլն ի զօրու է խնդիրներ լուծելու: Շնորհակալ ենք…

2013թ. 6 ամիսների ընթացքում Վայոց ձորի մարզի տարածքում  պահպանվել  է կայուն  և  վերահսկելի  օպերատիվ իրավիճակ: Ոստիկանության մարզային վարչությունը և նրա  ենթակա ստորաբաժանումները   հիմնականում  կատարել  են  իրենց  առջև  դրված  խնդիրները`  պատշաճ կերպով ապահովելով  հասարակական  կարգի  պահպանությունն  ու  հասարակական  անվտանգությունը:

Տեղի ունեցած քաղաքական կարևորագույն միջոցառման` ՀՀ նախագահական  ընտրությունների  ընթացքում  մարզի  ոստիկանությունը  հավուր  պատշաճի  ապահովեց  հասարակական կարգն  ու օրինականությունը և ընտրություններն անցան առանց  միջադեպերի:

Դրա հետ մեկտեղ մարզի ոստիկանությունը հանցագործությունների նախականխման ու բացահայտման  ուղղությամբ  ձեռնարկել  է  համապատասխան  կանխարգելիչ  և  օպերատիվ  հետախուզական  միջոցառումներ:

Նախորդ  տարվա  առաջին  կիսամյակի  համեմատ  արձանագրվել  է  հանցագործության դեպքերի  33-ով կամ  31.7 %  նվազում: Գրանցված 71 դեպքերից  բացահայտվել  են  68-ը,  չի  բացահայտվել 3-ը: Բացահայտումը  կազմել է 95.8 %,  ինչը միջին հանրապետականից բարձր է 15.8 %-ով:

Նախորդ տարվա համեմատությամբ  8-ով նվազել է ծանր հանցագործությունների քանակը` կազմելով 5 դեպք:

Հանցավորության շարժընթացում և կառուցվածքում արձանագրված դրական միտումներից պետք է նշել, որ  հաշվետու  ժամանակաշրջանում առանձնապես  ծանր  հանցագործության  դեպքեր  չեն  գրանցվել:

Որպես բացասական միտում, պետք է նշել, որ հաշվետու ժամանակաշրջանում  արձանագրվել է անչափահասների կողմից  կատարված հանցագործությունների  աճ 1 դեպքով /2-ից 3/:

Ներկայացնելով հանցագործությունների բացահայտման ուղղությամբ կատարված աշխատանքները, պետք է նշել, որ 6 ամիսների ընթացքում արձանագրված  հանցագործությունների բացահայտման արդյունավետությունը մարզում  աճել  է  0.6%-ով /95.2-ից 95.8%/: Միևնույն ժամանակ նվազել է անձի դեմ ուղղված այլ հանցագործությունների  բացահայտման  ցուցանիշը  /100-ից  93.3 %/:

 Նախորդ տարվա 1-ին կիսամյակի  համեմատությամբ  արձանագրվել է  հասարակական  կարգի  և անվտանգության  դեմ ուղղված հանցագործությունների նվազում 33-ից 16: 2-ով նվազել են հրազենի ապօրինի պահման և  շրջանառության  /6-ից 4/, 4-ով խուլիգանության  /6-ից 2/, 9- ով թմրամիջոցների ապօրինի  շրջանառության  դեպքերը /11-ից 2/:  Միաժամանակ  15-ով  ավելացել է  ոստիկանության   բաժիններ  կամավոր  հանձնված  զենքի,  զինամթերքի  քանակը` 30-ից  45:

Թմրամիջոցների ապօրինի շրջանառության դեպքերի նվազումը, պայմանավորված է այն  հանգամանքով,  որ  նախորդ  տարի ոստիկանության Վայքի բաժնում արձանագրված  մեկ  դեպքով  հետագայում հայտնաբերվեց  հանցավոր  խումբ  և  կատարված  նախաքննությամբ ի հայտ  եկան  հանցագործության  ևս  7  դրվագներ:

Հաշվետու ժամանակաշրջանում, նախորդ տարվա  համեմատությամբ արձանագրվել  է սեփականության դեմ  ուղղված  հանցագործություների 16 դեպքով կամ 44.4 % – ով  նվազում /36-ից 20/:  Հատկապես   նվազել  են  անձնական  գույքին  խարդախությամբ տիրանալու  դեպքերը  /18-ից  3/:  Նվազումը  պայմանավորված  է այն  հանգամանքով,  որ  2012թ. 1-ին կիսամյակում  ոստիկանության  Եղեգնաձորի  ու Վայքի  բաժիններում  խարդախության 4 դեպքերով  հարուցված քրեական  գործերի  նախաքննության  ընթացքում  բացահայտվել  էին  ևս  14  նոր  դրվագներ:

Չնայած 2012թ.  6  ամիսների  համեմատությամբ  արձանագրվել  է գողության  դեպքերի  աճ  /5-ից 12/, սակայն  պետք  է նշել, որ դրանցից 5-ը կատարվել են նախկին տարիներին, որոնց մասին ոստիկանությանը հայտնի չի եղել:  Գողության  դեպքերից  չի  բացահայտվել 1-ը,  բացահայտումը  կազմել  է  90,9 %:

Որպես  դրական  միտում,  պետք  է նշել, որ  մարզում  բնակարանային  գողության դեպքեր չեն արձանագրվել  /2012թ.-ին  արձանագրվել էր 1 դեպք/: Continue reading →