ՈՍՏԻԿԱՆՈՒԹՅԱՆ ՎԱՅՈՑ ՁՈՐԻ ՄԱՐԶԱՅԻՆ ՎԱՐՉՈՒԹՅԱՆ , ՆՐԱ ՍՏՈՐԱԲԱԺԱՆՈՒՄՆԵՐԻ ՀԱՇՎԵՏՎՈՒԹՅՈՒՆԸ


2013թ. 6 ամիսների ընթացքում Վայոց ձորի մարզի տարածքում  պահպանվել  է կայուն  և  վերահսկելի  օպերատիվ իրավիճակ: Ոստիկանության մարզային վարչությունը և նրա  ենթակա ստորաբաժանումները   հիմնականում  կատարել  են  իրենց  առջև  դրված  խնդիրները`  պատշաճ կերպով ապահովելով  հասարակական  կարգի  պահպանությունն  ու  հասարակական  անվտանգությունը:

Տեղի ունեցած քաղաքական կարևորագույն միջոցառման` ՀՀ նախագահական  ընտրությունների  ընթացքում  մարզի  ոստիկանությունը  հավուր  պատշաճի  ապահովեց  հասարակական կարգն  ու օրինականությունը և ընտրություններն անցան առանց  միջադեպերի:

Դրա հետ մեկտեղ մարզի ոստիկանությունը հանցագործությունների նախականխման ու բացահայտման  ուղղությամբ  ձեռնարկել  է  համապատասխան  կանխարգելիչ  և  օպերատիվ  հետախուզական  միջոցառումներ:

Նախորդ  տարվա  առաջին  կիսամյակի  համեմատ  արձանագրվել  է  հանցագործության դեպքերի  33-ով կամ  31.7 %  նվազում: Գրանցված 71 դեպքերից  բացահայտվել  են  68-ը,  չի  բացահայտվել 3-ը: Բացահայտումը  կազմել է 95.8 %,  ինչը միջին հանրապետականից բարձր է 15.8 %-ով:

Նախորդ տարվա համեմատությամբ  8-ով նվազել է ծանր հանցագործությունների քանակը` կազմելով 5 դեպք:

Հանցավորության շարժընթացում և կառուցվածքում արձանագրված դրական միտումներից պետք է նշել, որ  հաշվետու  ժամանակաշրջանում առանձնապես  ծանր  հանցագործության  դեպքեր  չեն  գրանցվել:

Որպես բացասական միտում, պետք է նշել, որ հաշվետու ժամանակաշրջանում  արձանագրվել է անչափահասների կողմից  կատարված հանցագործությունների  աճ 1 դեպքով /2-ից 3/:

Ներկայացնելով հանցագործությունների բացահայտման ուղղությամբ կատարված աշխատանքները, պետք է նշել, որ 6 ամիսների ընթացքում արձանագրված  հանցագործությունների բացահայտման արդյունավետությունը մարզում  աճել  է  0.6%-ով /95.2-ից 95.8%/: Միևնույն ժամանակ նվազել է անձի դեմ ուղղված այլ հանցագործությունների  բացահայտման  ցուցանիշը  /100-ից  93.3 %/:

 Նախորդ տարվա 1-ին կիսամյակի  համեմատությամբ  արձանագրվել է  հասարակական  կարգի  և անվտանգության  դեմ ուղղված հանցագործությունների նվազում 33-ից 16: 2-ով նվազել են հրազենի ապօրինի պահման և  շրջանառության  /6-ից 4/, 4-ով խուլիգանության  /6-ից 2/, 9- ով թմրամիջոցների ապօրինի  շրջանառության  դեպքերը /11-ից 2/:  Միաժամանակ  15-ով  ավելացել է  ոստիկանության   բաժիններ  կամավոր  հանձնված  զենքի,  զինամթերքի  քանակը` 30-ից  45:

Թմրամիջոցների ապօրինի շրջանառության դեպքերի նվազումը, պայմանավորված է այն  հանգամանքով,  որ  նախորդ  տարի ոստիկանության Վայքի բաժնում արձանագրված  մեկ  դեպքով  հետագայում հայտնաբերվեց  հանցավոր  խումբ  և  կատարված  նախաքննությամբ ի հայտ  եկան  հանցագործության  ևս  7  դրվագներ:

Հաշվետու ժամանակաշրջանում, նախորդ տարվա  համեմատությամբ արձանագրվել  է սեփականության դեմ  ուղղված  հանցագործություների 16 դեպքով կամ 44.4 % – ով  նվազում /36-ից 20/:  Հատկապես   նվազել  են  անձնական  գույքին  խարդախությամբ տիրանալու  դեպքերը  /18-ից  3/:  Նվազումը  պայմանավորված  է այն  հանգամանքով,  որ  2012թ. 1-ին կիսամյակում  ոստիկանության  Եղեգնաձորի  ու Վայքի  բաժիններում  խարդախության 4 դեպքերով  հարուցված քրեական  գործերի  նախաքննության  ընթացքում  բացահայտվել  էին  ևս  14  նոր  դրվագներ:

Չնայած 2012թ.  6  ամիսների  համեմատությամբ  արձանագրվել  է գողության  դեպքերի  աճ  /5-ից 12/, սակայն  պետք  է նշել, որ դրանցից 5-ը կատարվել են նախկին տարիներին, որոնց մասին ոստիկանությանը հայտնի չի եղել:  Գողության  դեպքերից  չի  բացահայտվել 1-ը,  բացահայտումը  կազմել  է  90,9 %:

Որպես  դրական  միտում,  պետք  է նշել, որ  մարզում  բնակարանային  գողության դեպքեր չեն արձանագրվել  /2012թ.-ին  արձանագրվել էր 1 դեպք/:

Տնտեսության  ոլորտում  կատարվող  և  կոռուպցիոն  բնույթի  հանցագործությունների  հայտնաբերման  ուղղությամբ  տարված  աշխատանքների  վերլուծությունը  ցույց  է  տալիս,  որ  այդ  ուղղությամբ  դեռևս  անելիքներ  կան:

Հաշվետու ժամանակաշրջանում արձանագրվել են տնտեսության ոլորտում կատարված 6 հանցագործության դեպքեր,  նախորդ  տարվա  6-ի  դիմաց:  Բացահայտվել են վաշխառության 5 դեպքեր:

     ՀՀ  ոստիկանության ԿՀԴՊԳ  վարչության հետ համագործակցության արդյունքում բացահայտվել է  պաշտոնեական լիազորությունների  չարաշահման  2 դեպք:

    Հանցագործությունների  բացահայտման ուղղությամբ տարվող  աշխատանքներում  պետք  է  արձանագրել  նախկին  տարիներին կասեցված քրեական գործերով հանցագործությունների բացահայտման արդյունավետությունը:  Բացահայտվել  է նախկին  տարիներին   կատարված   3 հանցագործության  դեպք,  այդ  թվում`  Եղեգնաձորի  բաժին – 1,  Վայք – 1,  Ջերմուկ  1 :

     Հանցավորության սոցիալ – ժողովրդագրական  բնութագրին  անդրադառնալով,  պետք  է  նշել, որ  արձանագրված  71  հանցագործության  դեպքերով  քրեական  պատասխանատվության  են  ենթարկվել  12  անձինք` մեկը  կին: Հանցագործություն  կատարած  անձանցից  2-ը եղել  են  նախկինում  դատապարտված  / 2012թ. –ին 8-ը /:  Որպես  դրական  միտում  պետք  է  նշել,  որ  հաշվետու  ժամանակաշրջանում  6-ով  նվազել  են խմբերի  կողմից  կատարված  հանցագործության  դեպքերը / 7-ից 1 – Եղեգնաձորի  բաժին`  խարդախություն/:  6-ով նվազել է  հարբած  վիճակում  կատարված  հանցագործությունների  քանակը  / 8-ից  2  /:

   Ոստիկանության  բաժինների  կողմից  կիսամյակի  ընթացքում  հետախուզվել  են  87  անձինք,  որոնցից  80-ը  զինակոչից  խուսափողներ  և  7-ը առանց  ՀՀ քր. օր-ի 327 հոդվածով  հետախուզվողներ  են:  Իրականացված օպերատիվ – հետախուզական միջոցառումների  արդյունքում  հայտնաբերվել  են  զինակոչից  խուսափող 4 և  այլ հանցագործություններ կատարած 2 հետախուզվողներ:

  Հաշվետու ժամանակաշրջանում ոստիկանության  Եղեգնաձորի  բաժնի  կողմից  հայտնաբերվել են 4 հետախուզվողներ, որոնցից 3  զինակոչից  խուսափող,   ոստիկանության  Վայքի  բաժնի  կողմից`  2, որոնցից  1  զինակոչից խուսափող:

  Ներկայումս   հետախուզման  մեջ  են  մնացել  76  զինակոչից  խուսափող, 5  հանցագործ:

ԱԱՐՏԱՇՅԱՆ

ՀՀ ՈՍՏԻԿԱՆՈՒԹՅԱՆ ՎԱՅՈՑ ՁՈՐԻ 
ՄԱՐԶԱՅԻՆ ՎԱՐՉՈՒԹՅԱՆ ՊԵՏԻ ՏԵՂԱԿԱԼ,
ՇՏԱԲԻ ՊԵՏ, ՈՍՏԻԿԱՆՈՒԹՅԱՆ ԳՆԴԱՊԵՏ

                         

                                                                                                  

Advertisements

ՄԵԿՆԱԲԱՆԵԼ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s