ՀՀ ՆԱԽԱԳԱՀ ՍԵՐԺ ՍԱՐԳՍՅԱՆԻ ԱՇԽԱՏԱՆՔԱՅԻՆ ԱՅՑԸ ՎԱՅՈՑ ՁՈՐԻ ՄԱՐԶ


Նախագահ Սերժ Սարգսյանը հոկտեմբերի 5-ին աշխատանքային այցով Վայոց ձորի մարզում էր։  Հանրապետության Նախագահը Ջերմուկ քաղաքում մասնակցեց հոկտեմբերի 3-ից մեկնարկած Գյուղական համայնքների 3-րդ համաժողովին, որի ընթացքում քննարկվեցին տեղական ինքնակառավարման համակարգի և գյուղական համայնքների ամենաարդիական խնդիրները` ոլորտում ներգրավված բոլոր շահագրգիռ կողմերի` պետական, տեղական ինքնակառավարման մարմինների (ՏԻՄ), մարզերում տարբեր ծրագրեր իրականացնող տեղական և միջազգային կազմակերպությունների ներկայացուցիչների, փորձագետների մասնակցությամբ:

ՀՀ ՆԱԽԱԳԱՀ  ՍԵՐԺ   ՍԱՐԳՍՅԱՆԻ   ԱՇԽԱՏԱՆՔԱՅԻՆ  ԱՅՑԸ ՎԱՅՈՑ  ՁՈՐԻ ՄԱՐԶ

Համաժողովի ընթացքում հնչած զեկույցներից հետո տեղի ունեցավ մտքերի փոխանակում համայնքների արդյունավետ կառավարմանն ուղղված վարչատարածքային բարեփոխումների, ակնկալվող արդյունքների ու խնդիրների վերաբերյալ: Հանրապետության Նախագահն ընդգծեց, որ իրականացվելիք բարեփոխումների հիմքում պետք է առաջին հերթին դիտարկել բնակիչների հարմարավետությունը, նրանց կենցաղային պայմանների բարելավումը, համայնքներում կրթական, առողջապահական և այլ ծառայությունների որակյալ մատուցումը: Նախագահի համոզմամբ, վարչատարածքային բարեփոխումների առավելությունները պետք է տեսանելի լինեն բնակիչներին, որոնց ցանկության պարագայում էլ բարեփոխումները կարող են առաջ ընթանալ:

457Նախագահ Սերժ Սարգսյանն այնուհետև այցելել է «Ջերմուկ ռեզորթ» հանգստյան տան շինհրապարակ, ծանոթացել իրականացված ներդրումներին, ընթացիկ աշխատանքներին, որոնք, ըստ ծրագրի, կավարտվեն 2014թ. տարեվերջին: Հանրապետության Նախագահին զեկուցել են նաև Ջերմուկ քաղաքի զարգացման ծրագրերի ընթացքի մասին:

Հոկտեմբերի 5-ին Ջերմուկում աշխատանքներն ամփոփեց Գյուղական համայնքների երրորդ համաժողովը, որի ավարտին մամուլի ասուլիսով հանդես եկավ ՀՀ տարածքային կառավարման նախարարի առաջին տեղակալ Վաչե Տերտերյանը:

«Համաժողովը լավ հնարավորություն էր ՏԻՄ-երին ներկայացնելու ոլորտում ՀՀ կառավարության կողմից վերջին տարիներին որդեգրած քաղաքականության հիմնական շեշտադրումները, խոշոր ծրագրերը, օրենսդրական նախաձեռնությունները եւ լսելու նրանց կարծիքները` գործնականում դրանց կիրարկման հնարավոր ռիսկերի եւ դրական ազդեցությունների վերաբերյալ»,-ասաց Վ.Տերտերյանը` ավելացնելով, Continue reading

ԳՅՈՒՂԱԿԱՆ ՀԱՄԱՅՆՔՆԵՐԻ ԵՐՐՈՐԴ ՀԱՄԱԺՈՂՈՎԻ ՇՐՋԱՆԱԿՈՒՄ


***

Սեպտեմբերի 5-ին` համաժողովի ամփոփումից հետո, ՀՀ փոխվարչապետ, տարածքային կառավարման նախարար Արմեն Գեւորգյանը  մարզպետների մասնակցությամբ անցկացրել է խորհրդակցություն, որի ընթացքում քննարկվել է 2014թ. բյուջետավարման գործընթացի հետ կապված հարցեր:

ՀՀ ֆինանսների առաջին փոխնախարար Պավել Սաֆարյանը մարզպետներին տեղեկացրել է 2014թ. ֆինանսական տարում փոփոխությունների, մասնավորապես` հուլիսի 1-ից սպասվող նվազագույն աշխատավարձի բարձրացման, 2014թ. պետական բյուջեից ֆինանսական համահարթեցման սկզբունքով համայնքներին տրամադրվող դոտացիաների հաշվարկման սկզբունքների մասին:

Փոխվարչապետը մարզպետներին հանձնարարեց հաշվարկել նշված փոփոխություններով պայմանավորված ծախսերը, եւ հաշվարկները ներկայացնել կառավարություն: Նշվեց, որ կառավարությունը նվազագույն աշխատավարձերի բարձրացմամբ պայմանավորված ծախսերի դեֆիցիտը նպատակային սուբվենցիաների միջոցով ծածկելու հնարավորություն է նախատեսում:

Ինչ վերաբերում է ՀՀ պետական բյուջեից ֆինանսական համահարթեցման սկզբունքով համայնքներին տրամադրվող դոտացիաների հաշվարկման կարգին, ապա տեղեկացվեց, որ 2014թ-ի համար եւս կառավարությունն առաջարկում է այն հաշվարկել նախորդ տարվա սկզբունքով, սակայն գալիք տարիներին արդեն հաշվարկ կատարվելու է` հիմնվելով Բնակչության պետական ռեգիստրի տվյալների վրա:

Այս կապակցությամբ փոխվարչապետը կարեւորեց համայնքների ղեկավարների եւ ՀՀ ոստիկանության համապատասխան ստորաբաժանումների հետ համատեղ աշխատանքը` բնակչության թվաքանակի տվյալների ճշգրտման ուղղությամբ: Նա մարզպետներին հանձնարարեց առաջիկայում հրավիրել մարզխորհրդի նիստեր` այս եւ բյուջետային խնդիրների հետ կապված հարցերը քննարկելու նպատակով: Continue reading

Թիվ 9 /113/, Սեպտեմբերի 30, 2013թ.


ՀՀ  ՆԱԽԱԳԱՀ  ՍԵՐԺ  ՍԱՐԳՍՅԱՆԻ  ԱՇԽԱՏԱՆՔԱՅԻՆ  ԱՅՑԸ  ՎԱՅՈՑ  ՁՈՐԻ ՄԱՐԶ

 

ՀՀ Նախագահը սեպտեմբերի 25-ին այցելեց Վայոց ձորի մարզ: Մարզպետ Էդգար Ղազարյանի  ուղեկցությամբ եղավ Նորավանքի ճանապարհին գտնվող «Արենի 1» քարանձավում, ծանոթացավ ՀՀ ԳԱԱ հնագիտության և ազգագրության ինստիտուտի, Երևանի պետական համալսարանի, Քորքի (Իռլանդիա) և Կալիֆորնիայի համալսարանների, Կոտսենի հնագիտության ինստիտուտի (ԱՄՆ) գիտաշխատողների, պրոֆեսորական կազմի և ուսանողների ներգրավմամբ համատեղ արշավախմբի կողմից կատարված պեղման աշխատանքներին ու մինչ օրս արձանագրված արդյունքներին:

Մասնագետների կողմից ընդգծվեց, որ Արփա գետի հովտի քարայրի պեղումների արդյունքները կարևոր նշանակություն ունեն ինչպես Հայկական լեռնաշխարհի, այնպես էլ Առաջավոր Ասիայի սահմաններում ձևավորված քաղաքակրթությունների ելակետային փուլի ուսումնասիրության և արժևորման առումով:

 ՇԱՐՈՒՆԱԿԵԼ…

ԻՐԱԿԱՆԱՑՎԵՑ ՀՀ ՆԱԽԱԳԱՀԻ ՆԱԽԸՆՏՐԱԿԱՆ ԽՈՍՏՈՒՄՆԵՐԻՑ ՄԵԿԸ


ԻՐԱԿԱՆԱՑՎԵՑ  ՀՀ  ՆԱԽԱԳԱՀԻ ՆԱԽԸՆՏՐԱԿԱՆ  ԽՈՍՏՈՒՄՆԵՐԻՑ  ՄԵԿԸ

ՀՀ Նախագահ Սերժ Սարգսյանի նախընտրական խոստումներից մեկը վերաբերում էր Եղեգնաձոր քաղաքի կենտրոնական փողոցների հիմնանորոգմանն ու բարեկարգմանը: Մեր նախորդ համարից դուք տեղեկացել եք փողոցների հիմնանորոգման հետ կապված մանրամասներին: Մնում է մեզ ավելացնել, որ ամբողջությամբ հիմնանորոգված Մոմիկի փողոցի պաշտոնական բացումը տեղի ունեցավ սեպտեմբերի 19-ին: Վերաբացման կարմիր ժապավենը կտրեցին ՀՀ Վայոց ձորի մարզպետ Էդգար Ղազարյանը և ՀՀ տրանսպորտի և կապի նախարարության ծրագրերի իրականացման գրասենյակի ղեկավարի տեղակալ Կարեն Բադալյանը: Երկարամյա և բարեխիղճ աշխատանքի համար մարզպետի շնորհակալագրով պարգևատրվեցին Եղեգնաձորի ճանապարհաշինական ընկերության բանվորներ Ռուբեն Ավետիսյանն ու Թորոս Օրդոյանը:

ՎԱՅՈՑ ՁՈՐԻ ԹԵՄԻ ԱՌԱՋՆՈՐԴ ԳԵՐԱՇՆՈՐՀ Տ. ԱԲՐԱՀԱՄ ԵՊԻՍԿՈՊՈՍ ՄԿՐՏՉՅԱՆԻՆ ՇՆՈՐՀՎԵԼ Է ԱՐՔՈՒԹՅԱՆ ՊԱՏԻՎ


 

Գերաշնորհ Տ. Աբրահամ արքեպիսկոպոս Մկրտչյան

Գերաշնորհ Տ. Աբրահամ արքեպիսկոպոս Մկրտչյան

Սեպտեմբերի 15-ին՝ Խաչվերացի տոնին, Մայր Աթոռ Սբ. Էջմիածնում մատուցվեց Սուրբ և Անմահ Պատարագ, որից  հետո մասնավոր արարողության ընթացքում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսն արքության պատիվ շնորհեց Վայոց Ձորի թեմի առաջնորդ Տ. Աբրահամ եպիսկոպոս Մկրտչյանին` ի գնահատություն Հայաստանյայց Առաքելական Սուրբ Եկեղեցու անդաստանում իր նվիրյալ ծառայության և տարիների վաստակի:

Վայոց Ձորի թեմի Առաջնորդ Գերաշնորհ Տ. Աբրահամ արքեպիսկոպոս Մկրտչյանին ուղղված Հայրապետական Սրբատառ Կոնդակում մասնավորաբար գրված է. «…Գնահատանքով ենք անդրադառնում տասնամյակների Ձեր ծառայությանը: Դուք քաջեռանդությամբ արդյունավորել եք Ձեր սպասավորությունը` նոր սերնդի եկեղեցականաց պատրաստության կարևոր գործին գովելի ավանդ բերելով ճեմարանում դասավանդությամբ, Մայր Աթոռի պաշտոնական «Էջմիածին» ամսագրում ժրաջան աշխատանքով: Ձեր տերունապատվեր ծառայությունը բարեզարդել եք հատկապես Քրիստոնեական քարոզչության կենտրոնի տնօրենի պաշտոնում, նախանձախնդրությամբ ու նվիրումով ջանքեր բերելով նոր սերնդի քրիստոնեական դաստիարակության, մեր ժողովրդի մեջ սրբազան արժեքների հանդեպ հավատարմությունն առավել զորացնելու առաքելության մեջ: Առանձնակի գոհունակությամբ ենք անդրադառնում, որ հանրակրթական դպրոցների համար «Հայ Եկեղեցու պատմություն»  առարկայի դասագրքերի պատրաստման աշխատանքը կյանքի կոչվեց Ձեր գովելի ջանքերով և նախանձախնդրությամբ:

Նվիրյալ եկեղեցականիդ ծառայության վաստակը հավելվեց առաջնորդական քաջեռանդ գործունեությամբ Սյունյաց թեմում, ուր բոլորանվեր ծառայություն բերեցիք թեմի կարգավորությանն ու շինությանը, հոգևորականաց սպասավորության արդյունավորմանը, հավատացյալ հայորդյաց հոգևոր խնամքի բարվոք իրականացմանը: Այսօր Դուք` որպես Վայոց Ձորի թեմի առաջնորդ, շարունակում եք նույն նվիրումով պատասխանատու գործունեություն իրականացնել` ի փառս Աստուծո, ի պայծառություն Առաքելական մեր Սուրբ Եկեղեցու»:

Նորին Սրբությունը մաղթել է, որ Բարին Աստված Ամենախնամ Իր Սուրբ Աջով պահի ու պահպանի Գերաշնորհ Աբրահամ արքեպիսկոպոսին և զորացնի նրան քրիստոսապատվեր իր առաքելության մեջ՝ շնորհելով արևշատություն և նորանոր հաջողություններ:

Ուրախալի այս առիթով Վայոց Ձորի թեմի  կոլեկտիվը ևս շնորհավորում է Թեմակալ Առաջնորդին` Տ. Աբրահամ արքեպիսկոպոս Մկրտչյանին, Հայ Առաքելական Սուրբ Եկեղեցու բազմավաստակ ու նվիրյալ սպասավորին` մաղթելով, որ Ամենակալ Տերն առավել զորացնի Սրբազան Հորն իր եկեղեցաշեն և ազգանվեր առաքելության մեջ:

Տ. Աբրահամ արքեպիսկոպոս Մկրտչյանը ծնվել է 1961թ. նոյեմբերի 27-ին Եղեգնաձորի շրջանի Ռինդ գյուղում: Նախնական կրթությունը ստացել է տեղի միջնակարգ դպրոցում: 1982 թ. ընդունվել է Մայր Աթոռ Ս. Էջմիածնի Գեւորգայն Հոգեւոր Ճեմարան: 1986 թ. գերազանց գնահատականներով ավարտել է ճեմարանը` պաշտպանելով «Սյունյաց Աթոռը Օրբելյանների իշխանության ժամանակ» ավարտաճառը: 1987թ., ձեռամբ Տ. Ներսես արքեպիսկոպոս Պոզապալյանի, ձեռնադրվել է կուսակրոն քահանա: 1989 թ. նոյեմբերի 6-ին ստացել է մասնավոր վարդապետական աստիճան:

1992թ. պաշտպանել է վարդապետական թեզ`«Հայր Մեր» -ի մեկնությունները հայ մեկնողական գրականության մեջ»  թեմայով: 1989-92թթ. սովորել է Երեւանի պետական համալսարանի բանասիրական ֆակուլտետում: Դասավանդել է Գեւորգայն Հոգեւոր Ճեմարանում, աշխատել Քրիստոնեական քարոզչության կենտրոնում` որպես տնօրեն, «Էջմիածին»  ամսագրի խմբագրությունում: 1993թ. աշնանը Ամենայն Հայոց Կաթողիկոս Վազգեն Ա-ի Սրբատառ կոնդակով նշանակվել է Սյունյաց թեմի Առաջնորդ: 1996թ., Ձեռամբ Գարեգին Ա Ամենայն Հայոց Կաթողիկոսի, ձեռնադրվել է եպիսկոպոս: Հեղինակ է մի շարք հոդվածների եւ գրքերի, որոնցից են`«Նախաշավիղ քրիստոնեական կրթության»  (Սբ. Էջմիածին, 1990, վերահրատ. Երևան, 1991), «Հայր Մեր»-ի մեկնություններն ըստ Գրիգոր Տաթևացու»  (Երևան, 1992), «Էջեր Սյունյաց Աթոռի պատմությունից»: 2006թ.-ին պաշտպանել է թեկնածուական՝ «Սյունյաց մետրոպոլիտական Աթոռը» թեմայով: Այսօր էլ տպագրության է պատրաստում նոր աշխատություն: 2010թ. դեկտեմբերի 10-ից առ այսօր Վայոց Ձորի թեմի Առաջնորդն է:

 Խմբագրության կողմից.

 Վայոց Ձորի թեմի Առաջնորդ Գերաշնորհ Տ. Աբրահամ արքեպիսկոպոս Մկրտչյանի ավանդը մեծ է նախ և առաջ մարզի սոցիալապես անապահով ընտանիքների երեխաների, երիտասարդների հանգիստը կազմակերպելու, նրանց ուսմանն ու  մշակութային զարգացվածությանը խթանելու գործում: Իրականացվող ծրագրերում, հիմնված խմբերում ու սոցիալական խնդիրներին ուղղված ծառայություններում աշխատատեղերն զբաղեցնում են երիտասարդները, որը և խթան է հանդիսանում նրանց զբաղվածության խնդրի լուծմանը: Նրա նախաձեռնությամբ մեծ աշխատանք է տարվում նաև տեղական զբոսաշրջության զարգացման գործում: Հերմոնում հիմնադրված «Լյուսի տուր»  զբոսաշրջային նոր համալիրում ստեղծված են անհրաժեշտ բոլոր պայմանները` մարզ այցելող զբոսաշրջիկներին որակյալ ծառայություններ մատուցելու համար: Այս տարվա գարնանից իրականացվեց «Տեղական զբոսավարների վերապատրաստում Վայոց ձորի մարզում» ծրագիրը, մարզից 15 երիտասարդներ վերապատրաստվեցին որպես զբոսավարներ, որոնք  մասնագետ զբոսավարների ուղեկցությամբ այցելեցին Վայոց ձորի և Սյունիքի մարզերում գտնվող պատմամշակութային կոթողներ՝  զբոսավարության գործնական աշխատանքներ իրականացնելու: Continue reading

ՎԱՅՈՑ ՁՈՐԻ ԹԵՄԻՑ ՄԵՐ ԹՂԹԱԿՑԻ ՏԵՂԵԿԱՑՄԱՄԲ


ԽԱՉՎԵՐԱՑԻ ՏՈՆԸ ԱՐԿԱԶԻ ՍՈՒՐԲ  ԽԱՉ ՎԱՆՔՈՒՄ

Խաչվերացը Հայ Եկեղեցու հինգ տաղավար տոներից վերջինն է: Այն Խաչին նվիրված տոներից ամենակարևորն է, որովհետև նվիրված է գերությունից խաչի վերադարձի և փառաբանության հիշատակին:

ԽԱՉՎԵՐԱՑԻ ՏՈՆԸ ԱՐԿԱԶԻ ՍՈՒՐԲ  ԽԱՉ ՎԱՆՔՈՒՄ

Սեպտեմբերի 15-ին Արկազի Սուրբ Խաչ վանքում այս տարի առանձնակի հանդիսավորությամբ ու մեծ շուքով նշվեց Խաչվերացի տոնը: Խաչվերացը Վայոց ձորի տարածքում համարվում է Սբ. Խաչ վանքի ուխտի օր, ինչը հատկանշական է նրանով, որ վանքի հարավ-արևելյան ավանդատանն ամփոփված է Հիսուս Քրիստոսի  խաչելության փայտի մասունք, ինչի պատճառով էլ վանքը կոչվում է Սուրբ Խաչ:

Խաչվերացին նախորդող շաբաթ երեկոյան Սբ. Խաչ վանքում, գլխավորությամբ Եղեգնաձորի տարածաշրջանի հոգևոր հովիվ Տ. Վազգեն քահանա Հովհաննիսյանի, տեղի ունեցավ կիրակնամտից ժամերգություն: Հաջորդ օրը Խաչվերացի տոնի առիթով ուխտագնացություն կազմակերպվեց դեպի Սուրբ Խաչ վանք: Տարբեր մարզերից և Վայոց ձորից ուխտի եկած բազմաթիվ ուխտավորներ, Վայոց Ձորի թեմի փոխառաջնորդ Տ. Զարեհ վարդապետ Կաբաղյանի, Սևանի Վազգենյան դպրանոցի տեսուչ Տ. Հարություն աբեղա Կիրակոսյանի, Տ. Վազգեն քահանա Հովհաննիսյանի, Նորավանքի խորհրդակատար քահանա Տ. Սեպուհ Հարությունյանի, Սևանի դպրանոցի սաների ու դպրաց դասի գլխավորությամբ Մալիշկա գյուղի մոտակայքից, շարականներ երգելով, եկան Սուրբ Խաչ վանք: Այնուհետև մատուցվեց Սուրբ և Անմահ Պատարագ: Օրվա պատարագիչն էր Տ. Զարեհ վրդ. Կաբաղյանը, ով հավուր պատշաճի քարոզ խոսեց «Թող Քո Խաչը ապավեն լինի մեզ, Տե′ր Հիսուս»  բնաբանով:

Հոգեշնորհ Հայր Սուրբը հավատացյալներին ներկայացրեց տոնի պատմությունը, ինչն անմիջականորեն կապված է վանքի պատմության հետ, խոսեց Խաչի սրբազան խորհրդի, նշանակության ու դերի մասին մեր կյանքում, ապա ներկայացրեց սեպտեմբերի 24-27-ը Մայր Աթոռ Սբ. Էջմիածնում գումարվելիք Եպիսկոպոսաց Ժողովի մասին: Հայր Սուրբը կոչ արեց միասնականորեն աղոթել առաջիկա ժողովի արդյունավոր ընթացքի համար, աղոթել մեր ժողովրդի, մեր հայրենիքի, մեր Եկեղեցու, մարզային իշխանությունների` ի դեմս ՀՀ Վայոց ձորի մարզպետ Էդգար Ղազարյանի ու նրա բարենորոգ գործունեության համար, եկեղեցի կառուցողների, ի մասնավորի՝ Սուրբ Խաչ վանքի վերակառուցման բարերարների` Վարդան և Ռուզաննա Հայրապետյանների: Վերջում պատարագիչ Հայր Սուրբը մաղթեց, որ Տիրոջ նվիրական Սուրբ Խաչը և Խաչի մասունքը կրող Սբ. Խաչ նշանավոր վանքը պահապան և զորավիգ լինի մեր ազգին, մեր ժողովրդին և Ամենակալ Աստված իրականացնի ուխտավոր ժողովրդի ուխտը: Continue reading

ՄԱՐԶՊԵՏԱՐԱՆԻ ՏՀԿ ԲԱԺՆԻ ՕՐԱԳՐԻՑ


 

***

Մարզպետ Էդգար Ղազարյանի հրավերով Վայոց ձորի մարզ էր այցելել Բելառուսի Հանրապետության Մինսկի մարզային գործադիր կոմիտեի նախագահ (նահանգապետ) Բորիս Բատուրայի գլխավորած պաշտոնական պատվիրակությունը, որի կազմում էին մարզի տնտեսական կոմիտեի նախագահ Դմիտրի Պավլովիչը, «ԲելԱԶ»  ավտոգործարանի տնօրեն Պյոտր Պարխոմչիկը: Պատվիրակությանը մշտապես ուղեկցում էր ՀՀ-ում Բելառուսի Հանրապետության արտակարգ և լիազոր դեսպան Ստեփան Սուխորենկոն: Հաշվի առնելով այն հանգամանքը, որ Մինսկի մարզը 2004թ. բարեկամության և համագործակցության հուշագիր է ստորագրել Սյունիքի մարզի հետ` հյուրերը սեպտեմբերի 16-ին և 17-ին այցելեցին  նաև ՀՀ Սյունիքի մարզ: Հյուրերին ՀՀ Վայոց ձորի մարզպետ Էդգար Ղազարյանը դիմավորեց Տաթևի վանական համալիրում, որտեղ Սյունիքի մարզպետ Վահե Հակոբյանի և պատվիրակության անդամների հետ միասին շրջայց կատարեցին վանքի տարածքում, ծանոթացան համալիրի պատմությանն ու այդ տարածաշրջանում իրականացվող ծրագրերին: Այնուհետև հյուրերը Էդգար Ղազարյանի ուղեկցությամբ այցելեցին Ջերմուկ, որտեղ հանդիպում ունեցան Ջերմուկ քաղաքի տուրիստական ոլորտի ներկայացուցիչների հետ: Հանդիպմանը մասնակցում էին Ջերմուկի քաղաքապետի տեղակալ Սամվել Մարգարյանը, Ջերմուկի առողջարանների և հյուրանոցների ղեկավարները: Հանդիպման ընթացքում քննարկվեցին զբոսաշրջային ոլորտում համագործակցության, մասնավորապես, Ջերմուկի առողջարաններում Բելառուսի քաղաքացիների բուժման և հանգստի կազմակերպման հեռանկարներին առնչվող հարցեր:

DSC_1834

Սեպտեմբերի 18-ին պատվիրակության անդամներն այցելեցին Եղեգնաձոր, որտեղ տեղի ունեցավ պաշտոնական հանդիպում մարզպետարանի ղեկավար կազմի ներկայացուցիչների հետ: Հանդիպման ընթացքում քննարկվեցին ՀՀ Վայոց ձորի և ԲՀ Մինսկի մարզերի միջև համագործակցության հեռանկարներն ու ուղղությունները: Նույն օրը հյուրերն այցելեցին Գետափ համայնքում գտնվող «Վեդի Ալկո» ընկերությանը պատկանող գինու գործարան, որտեղ ընկերության սեփականատեր Մանվել Ղազարյանը ծանոթացրեց գինու արտադրության պայմաններին և պատմությանը: Գործարանի արտադրամասերից մեկում հյուրերը համտեսեցին ընկերության տարբեր տարիներին արտադրված կարմիր և սպիտակ անուշահամ գինիներ: Հյուրերի այցի հաջորդ կանգառը Նորավանքի վանական համալիրն էր, որտեղ Տեր Սահակ քահանա Մարտիրոսյանի կողմից ներկայացվեց Նորավանքի համառոտ պատմությունը: Վանական համալիրի տարածքում շրջայց կատարելուց և մոմավառությունից հետո` պատվիրակության անդամները ՀՀ Վայոց ձորի մարզպետ Էդգար Ղազարյանի ուղեկցությամբ մեկնեցին Երևան, որտեղ ՀՀ Սյունիքի մարզպետ Վահե Հակոբյանի հետ միասին պետք է հանդիպեին ՀՀ փոխվարչապետ, ՀՀ տարածքային կառավարման նախարար Արմեն Գևորգյանին: Continue reading

ՀԻՇԱՏԱԿԻ ԽՈՍՔ


Ֆիլիպ Հարությունի Բալոյան

Ֆիլիպ Հարությունի Բալոյան

Ֆիլիպ Հարությունի Բալոյան

Ծնվել է 1952թ. Վայոց ձորի մարզի Եղեգնաձոր քաղաքում:

1968թ. ավարտել է Եղեգնաձորի թիվ 1 միջն. դպրոցը:

1976թ. ավարտել է Երևանի Ա. Բաբաջանյանի անվան երաժշտական ուսումնարանը:

1971-73թթ. ծառայել է խորհրդային բանակում:

1976-78թթ աշխատել է  Դոնեցկի  օպերային  թատրոնում  որպես  մեներգիչ:

1978-1982թթ. սովորել և ավարտել է Երևանի Կոմիտասի անվան պետական կոնսերվատորիայի վոկալի բաժինը:

1982թ.-ից Եղեգնաձորի երաժշտական դպրոցի տնօրենն է:

2007թ. ՀՀ Նախագահի հրամանագրով Ֆիլիպ Բալոյանն արժանացել է ՀՀ մշակույթի վաստակավոր գործչի կոչման:

2012 թվականին, ծննդյան 60-ամյակի կապակցությամբ, պարգևատրվել է ՀՀ մշակույթի նախարարի ոսկե հուշամեդալով:

Վայոց ձորը ծանր կորուստ կրեց: Կյանքից անժամանակ  հեռացավ ՀՀ մշակույթի վաստակավոր գործիչ, Եղեգնաձորի երաժշտական դպրոցի երկարամյա տնօրեն Ֆիլիպ Հարությունի Բալոյանը: Ընդամենը մեկ տարի առաջ, հոկտեմբերի 1-ին, մենք մեծագույն սիրով և ոգևորությամբ տոնում էինք նրա ծննդյան 60-ամյա հոբելյանը: Կարճ ապրեց նա, սակայն մեծ հետք թողեց մեր մշակութային կյանքի պատմության մեջ: Continue reading

ՎԱՅՈՑ ՁՈՐԻ ԹԵՄԻՑ ՄԵՐ ԹՂԹԱԿՑԻ ՏԵՂԵԿԱՑՄԱՄԲ


 

ԿՈՄԻՏԱՍՅԱՆ ՕՐԵՐ ՎԱՅՈՑ ՁՈՐԻ ԹԵՄՈՒՄ

Սեպտեմբերի 28-29-ը հոգևոր-մշակութային անմոռանալի օրեր էին վայոցձորցիների համար: Այդ օրերին, Երևանի ՙՄխիթար Սեբաստացի՚ կրթահամալիրի հիմնադիր տնօրեն Աշոտ Բլեյանի նախաձեռնությամբ և Վայոց Ձորի թեմի հետ համագործակցությամբ, թեմից ներս անցկացվեց «Կոմիտասյան օրեր» հոգևոր-մշակութային նախագիծը:

ԿՈՄԻՏԱՍՅԱՆ ՕՐԵՐ ՎԱՅՈՑ ՁՈՐԻ ԹԵՄՈՒՄ

Կրթահամալիրի ուսուցչաց «Սեբաստացիներ» երգչախումբը (գեղ. ղեկավար` Երևանի կամերային պետական երգչախմբի հիմնադիր, խմբավար` Հարություն Թոփիկյան) եկեղեցիներում և վանքերում հրաշալի կատարումներով ժողովրդին ներկայացրին Կոմիտասի հիասքանչ ստեղծագործությունները:

Հոգևոր-մշակութային այս ծրագիրն սկսվեց Արենիի Սբ. Աստվածածին եկեղեցուց, որից հետո ուխտավորները մեկնեցին Նորավանք, ուր նրանց դիմավորեց Նորավանքի հոգևոր հովիվ Տ. Սահակ քահանա Մարտիրոսյանը, ապա օրհնության խոսքով հանդես եկավ թեմի փոխառաջնորդ Տ. Զարեհ վրդ. Կաբաղյանը: Այնուհետև այդ հրաշալի ծրագիրը շարունակվեց Մալիշկա համայնքի Սուրբ Աննա եկեղեցում, ժամը 16:30` Արկազի Սուրբ Խաչ վանքում, որից հետո` Եղեգնաձորի Սբ. Աստվածածին եկեղեցում: Continue reading