ՄԱՐԶՊԵՏԱՐԱՆԻ ՏՀԿ ԲԱԺՆԻ ՕՐԱԳՐԻՑ


 

***

2014թ. փետրվարի 6-ին մարզպետ Էդգար Ղազարյանն աշխատանքային հանդիպում է ունեցել <<Հայջրմուղկոյուղի>> ՓԲԸ գլխավոր տնօրեն Պատրիկ Լորենի և ընկերության պատասխանատուների հետ: Հանդիպմանը մասնակցում էին նաև փոխմարզպետ Սամվել Թարվերդյանը և մարզպետարանի աշխատակազմի քաղաքաշինության վարչության պետ Ազատ Հովսեփյանը: Նախ Է.Ղազարյանի կողմից մտահոգություն հայտնվեց 2013թ. դեկտեմբեր և 2014թ. հունվար ամիսների ընթացքում Եղեգնաձոր քաղաքում խմելու ջրամատակարարման խափանումների և մատակարարվող ջրի որակի կապակցությամբ, որի առնչությամբ ներկայացվեցին համապատասխան պարզաբանումներ: Պայմանավորվածություն ձեռք բերվեց գարնան ամիսներին վերստին անդրադառնալ Եղեգնաձորի ջրամատակարարման խափանումները ծնող պատճառների վերացման խնդրին: Քննարկվեցին նաև 2014թ. ընթացքում Ջերմուկ քաղաքում կեղտաջրերի մաքրման կայանի կառուցման, ինչպես նաև Վայք և Զառիթափ համայնքներում իրականացվելիք ներդրումային ծրագրերին վերաբերող հարցեր:

***

2014թ. փետրվարի 12-ին Մարտիրոսի միջն. դպրոցում տոնական տրամադրություն էր: Արտերկրում ապրող ծնունդով Մարտիրոսից Դավիթ Գրիգորյանի նվիրաբերած միջոցներով դպրոցի համար ձեռք է բերվել տարբեր մարզաձևերին համապատասխան մարզական գույք, սարքավորումներ, սպորտային պարագաներ, ինչպես նաև դպրոցականներին անվճար տրվող տաք սննդի ծրագրի համար անհրաժեշտ սպասք և միջոցներ: Նվիրատվության հանձնման արարողությանը ներկա էին մարզպետ Էդգար Ղազարյանը, գյուղապետ Կամո Մկրտչյանը, բարերարի հայրը և հարազատները, դպրոցի աշակերտներն ու ուսուցիչները, համայնքի բնակիչներ: Է.Ղազարյանը դպրոցի տնօրենի և համայնքի ղեկավարի ուղեկցությամբ ծանոթացավ նվիրաբերված գույքին, որից հետո շնորհակալական ելույթներով հանդես եկան դպրոցի տնօրենը, մարզպետը, բարերարի հայրը, ուսուցիչներ: Միջոցառման ավարտին մարզպետը շրջայց կատարեց դպրոցի տարածքում, այցելեց նախակրթարան, ծանոթացավ ուսումնական գործընթացի կազմակերպման պայմաններին:

***

Մարզպետարանի նախաձեռնությամբ 2014թ. փետրվաի 10-ից  մարզի բոլոր  դպրոցներում մեկնարկել է  Ազգային հերոս Վազգեն Սարգսյանի ծննդյան 55 ամյակին նվիրված դպրոցականների հրաձգության մրցույթը, որը անցկացվելու է երեք փուլով, առաջին փուլը փետրվարի 10-15-ը /ներդպրոցական/, երկրորդը՝ փետրվարի 25-27-ը /տարածաշրջանային/ և երրորդը՝  մարտի 5-ին /մարզային/:

Տարածաշրջանային փուլին կմասնակցեն յուրաքանչյուր դպրոցից  4 աշակերտ /3տղա,1աղջիկ/, 9-12-րդ դասարանցիներ: Մարզային փուլին` տարածաշրջաններում 1-5-րդ տեղ գրաված  տղաները և 1-3-րդ  տեղ գրաված աղջիկները: Յուրաքանչյուր տարածաշրջանից  8 մասնակից /5 տղա, 3 աղջիկ/: Մարզը բաժանվելու է երեք տարածաշրջանի /Ջերմուկ, Վայք, Եղեգնաձոր/:

1-3-րդ տեղեր գրավածները կպարգևատրվեն պատվոգրերով և հուշանվերներով:

***

Հայոց բանակի օրվան նվիրված միջոցառումների շրջանակում Ջերմուկի թիվ1 հիմնական դպրոցի 4-րդ դասարանի աշակերտները դասվար Լիա Աբրահամյանի ղեկավարությամբ գեղեցիկ համերգային ծրագրով հյուրընկալվեցին Վայքի զորամասում: Միջոցառմանը մասնակցում էին դպրոցի տնօրեն Լաուրա Բաղդասարյանը, մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը և վարչության գլխավոր մասնագետ Աղասի Հովհաննիսյանը: Աշակերտներն իրենց գեղարվեստական կատարումներով ուրախություն պարգևեցին զորամասի զինվորներին: Միջոցառումը լավագույնս կազմակերպելու համար Ջերմուկի թիվ 1 հիմնական դպրոցն արժանացավ Վայքի զորամասի հրամանատար, փոխգնդապետ Ս. Պողոսյանի պատվոգրին:

Advertisements

ՏՅԱՌՆԸՆԴԱՌԱՋԻ ԵՎ ՍՈՒՐԲ ՍԱՐԳՍԻ ՏՈՆԵՐԸ ՄԱՐԶԻ ԳՈՐԾՈՂ ԵԿԵՂԵՑԻՆԵՐՈՒՄ


 

ՏԵՂԵԿԱՑՆՈՒՄ Է ՎԱՅՈՑ  ՁՈՐԻ  ԹԵՄԻՑ  ՄԵՐ  ԹՂԹԱԿԻՑ

ՍԻՐԱՆ  ՍԱՐԳՍՅԱՆԸ

***

ՏՅԱՌՆԸՆԴԱՌԱՋԻ  ԵՎ   ՍՈՒՐԲ  ՍԱՐԳՍԻ  ՏՈՆԵՐԸ ՄԱՐԶԻ  ԳՈՐԾՈՂ  ԵԿԵՂԵՑԻՆԵՐՈՒՄ

Փետրվարի 13-ին՝ ժամը 17:30-ին, Եղեգնաձորի Սուրբ Աստվածածին եկեղեցում տեղի ունեցավ Տյառնընդառաջին նվիրված եկեղեցական արարողություն, որին ներկա էին Վայոց ձորի մարզպետ Էդգար Ղազարյանը, մարզպետարանի պատասխանատու աշխատողներ, թեմի կառույցների աշխատակիցներ և հավատացյալներ: Երեկոյան ժամերգության ավարտին հավաքված հավատացյալները դուրս եկան եկեղեցու բակ, ուր վառեցին խորհրդանշական կրակը, ապա ներկաներին բաժանվեց Տյառնընդառաջի տոնին բնորոշ ավանդական քաղցրավենիքներ:

ՏՅԱՌՆԸՆԴԱՌԱՋԻ  ԵՎ   ՍՈՒՐԲ  ՍԱՐԳՍԻ  ՏՈՆԵՐԸ ՄԱՐԶԻ  ԳՈՐԾՈՂ  ԵԿԵՂԵՑԻՆԵՐՈՒՄ

Սբ. Խորանի վրայից իրենց մոմերը վառեցին հավատացյալներ,  մարզպետ Է. Ղազարյանն ու Տ.Վազգեն քահանա Հովհաննիսյանի առաջնորդությամբ երթով շարժվեցին դեպի <<Արագիլ>> կինոթատրոնի բակ, ուր նույնպես վառեցին Տյառնընդառաջի խարույկը, ապա ողջույնի խոսքով հանդես եկան Տեր  Հայրը և Է. Ղազարյանը: Continue reading

ԳԼԱՁՈՐ – ՏՈՐՈՆՏՈ ԴՊՐՈՑԱԿԱՆՆԵՐԻ ՀԱՄԱԳՈՐԾԱԿՑՈՒԹՅՈՒՆ


 

Մարտի 7-ին Գլաձորի միջն. դպրոցում տոնական տրամադրություն էր: Ամենուր եռագույն դրոշներ էին ու փուչիկներ: Մանկավարժական կոլեկտիվը, ու հատկապես 10 և 11-րդ դասարանների աշակերտներն անհամբերությամբ սպասում էին Կանադայի Տորոնտո քաղաքի հայկական վարժարանի սաներին:
Առավոտյան ժամը 10-ին արդեն Կանադահայ դպրոցականները Գլաձորի միջն. դպրոցում էին:
Հուզիչ էր հանդիպումը, առաջին իսկ պահից բակում թևածեց հայկական երաժշտությունը, որն ուղեկցվեց շուրջպարով: Հյուրերին շատ հետաքրքրեց 1503թ. կառուցված խաչքարը, որի մոտ բարեկամական խմբերով նկարվեցին և’ երեխաները, և’ մանկավարժները: Թերևս ամենահետաքրքիրն ու հուզիչը «Փառքի սրահ» -ում էր. փոքրիկ Լիանան պատմեց այն հերոսների մասին, ովքեր հայրենական Մեծ պատերազմում ու արցախյան գոյամարտում իրենց կյանքն են նվիրել հանուն հայրենիքի, այստեղ հյուրերը ծանոթացան ցուցադրված ռազմական զենքերին, երգեցին ՀՀ հիմնը և փոխանակեցին իրենց դրոշները: Դպրոցի դահլիճում ամենքին էլ սպասվում էր փոքրիկ մշակութային պահեր: Նախ փոքրիկ համերգով ելույթ ունեցան Գլաձորի դպրոցի աշակերտները, ապա բեմահարթակ բարձրացան կանադահայերը: Նրանք մեծ ոգևորությամբ ասմունքեցին Պ.Սևակի, Դ.Վարուժանի ստեղծագործություններից ու միջոցառման մասնակիցներին զարմացրին հայկական պարի գեղեցիկ կատարմամբ:

ԾԱՆՈԹԱՆՈՒՄ ԵՆՔ ՀԵՌԱՎՈՐ ԳՅՈՒՂԻ ԿԱՆԱՆՑ ԽՆԴԻՐՆԵՐԻՆ


 


Վերջին շրջանում շատ է խոսվում տղամարդկանց արտագնա աշխատանքի մեկնելու մասին, ու հանրապետական լրատվամիջոցներն էլ հաճախ են հետաքննություն անցկացնում գյուղական բնակավայրերի նման ընտանիքների խնդիրների վերաբերյալ: Նման հարցումով մեզ ևս որպես մարզային լրատվամիջոց դիմել էին և խնդիր էր դրված ուսոմնասիրություն անցկացնել Հերմոն գյուղում: Այն ներկայացնում ենք նաև Ձեզ.

244 բնակչություն ունեցող Հերմոնն ունի շատ պատասխանատու գյուղի կարգավիճակ: Մարզկենտրոնից 29կմ հեռավորության վրա գտնվող այս համայնքի բնակչության հիմնական զբաղմունքն անասնապահությունն ու դաշտավարությունն է: Մենք տեղեկացանք, որ գյուղում կան երիտասարդներ /ու ոչ միայն/ որ տարվա մեծ մասը գնում են արտագնա աշխատանքի, որի արդյունքում հոգում են ընտանիքի հոգսը: Այդ խնդիրներին քիչ թե շատ տեղեկանալու համար որոշեցինք այցելել նրանց, բայց օրվա երկրորդ կեսին, որ նրանք ազատված լինեն օրվա գործերից, որ մեր զրույցը ստացվի:

… Եվ արդեն Հերմոնում ենք… այստեղ էլ կյանքն արթնանում ու քուն  է մտնում մարզի մյուս գյուղերին բնորոշ տրամադրությամբ: Տարիքով տղամարդիկ հավաքվում են գյուղամիջում, ակտիվ զրույցի բռնվում, երեխաներն էլ ավարտած դասերը փոքրիկ խմբերով հեռանում են դպրոցից: Այստեղ էլ հանդիպեցինք ուսուցչուհի Նաիրա Մնացականյանին, որի ուղեկցությամբ էլ առաջինն այցելեցինք Ասյա Մարտիրոսյանին:

Այո, իմ որդին գտնվում է Մոսկվայում,- ասաց նա,- արդեն երրորդ տարին է: Շատ մոտիկ բարեկամի ընկերակցությամբ տարվա 3-4 ամիսն աշխատեցնում է ավտոլվացման կետ …

Մինչ մենք զրուցում էինք, սուրճի սկուտեղով մեզ մոտեցան երկու երետասարդ կանայք:

– Հարսս է,- շարունակեց Ասյան,- Սվետլանան, երեխայի է սպասում, մյուսն էլ աղջիկս է` Արփինեն: Նա Երևանում է բնակվում, եկել է մեզ մոտ մինչև  ծնվի թոռնիկս, որ նեղություն չքաշենք: Continue reading

ՓՈԽՎԱՐՉԱՊԵՏՆ ԱՅՑԵԼԵՑ ՎԱՅՈՑ ՁՈՐԻ ՄԱՐԶ


 

5361

Փետրվարի 4-ին մարզպետարանում կայացած խորհրդակցության ընթացքում ՀՀ փոխվարչապետ, տարածքային կառավարման նախարար Արմեն Գեւորգյանին ներկայացվեցին 2013թ. կատարված աշխատանքներն ու 2014թ. մարզում իրականացվելիք ծրագրերը: Խորհրդակցությանը մասնակցում էին մարզպետ Էդգար Ղազարյանը, քաղաքային համայնքների ղեկավարներ, Տարածքային կառավարման նախարարության եւ մարզպետարանի պատասխանատուներ:

Զեկուցվեց, որ մարզային զարգացման ծրագրով 2013թ. համար նախատեսվել է 47 միջոցառում, որից իրականացվել է 36-ը, 7-ն ընթացքում է: 2013թ. մարզում ընդհանուր առմամբ կատարվել է շուրջ 7 մլրդ դրամի ներդրում, որից 3,8 մլրդ դրամն ուղղվել է ենթակառուցվածքներին, 2,2 մլրդ դրամը` սոցիալական ոլորտներին, 613 մլն դրամը` ՓՄՁ եւ մասնավոր հատվածին, 126 մլն դրամը` գյուղատնտեսությանը:

Մարզի համայնքների բյուջեների 2013թ. ընդամենը եկամուտների կատարողականը կազմել է 101%: 2012թ. համեմատությամբ եկամուտների ցուցանիշն աճել է 17,3%-ով կամ 194,4 մլն դրամով: Սեփական եկամուտների կատարողականը (5 հարկատեսակների գծով) կազմել է 104,7%: 2012թ. համեմատությամբ սեփական եկամուտներն աճել են 42%-ով: Հողի հարկի հավաքագրումը կատարվել է 99,3%-ով, գույքահարկինը` 110,2%-ով: Փոխվարչապետը դրական գնահատելով հավաքագրումների ցուցանիշները` պատասխանատուներին հորդորեց շարունակել այդ ուղղությամբ մշտական հետեւողական աշխատանքները:

Քննարկվեցին նաեւ մարզի համայնքների 2014թ. բյուջեների կատարմանը, մարզպետարանի եւ համայնքային ենթակայության հիմնարկներում, համայնքապետարաններում աշխատանքների արդյունավետ կազմակերպմանը, մարզի համայնքներում 2013թ. կատարված վարչական հսկողության արդյունքներին, համայնքային ծառայության ոլորտին վերաբերող եւ ընթացիկ մի շարք այլ հարցեր: Զեկուցվեց, որ մարզի 44 համայնքից Համայնքային կառավարման տեղեկատվական համակարգ է ներդրված 17-ում: Continue reading

ՄԵՐ ԹՂԹԱԿԻՑ ՆԵԿՏԱՐ ՀՈՎՀԱՆՆԻՍՅԱՆԻ ՀԱՐՑԱԶՐՈՒՅՑԻ ԱՐԴՅՈՒՆՔՆԵՐԸ


 

 

***

Համագյուղացիներից  տեղեկացանք,  որ  Պիրվերդյան  Արտյոմն  արտագնա  աշխատանքի  մեկնողներից  մեկն  է  և, որ հիմա  գտնվում  է գյուղում: Իմանալովայդ  մասին  մենք  գնացինք  Արտյոմենց  տուն, մեզ  դիմավորեց  երիտասարդի  փոքրամարմին  մայրը  իր  բարի ու անկեղծ  ժպիտով, նա  մեզ  սիրալիր  ընդունեց, հրավիրեց  ներս: Մենք  տեղավորվեցինք  վառարանի  կողքին,  նկատեցինք,  որ  փոքրիկ  սեղանիկի  վրա  դրված  է  մեխանիկական սարքավորումներ,  որոնց աշխատանքով  զբաղված  էր  հենց  ինքը՝  Արտյոմը: Սկսվեց  մտերմիկ  զրույցը, մենք  հարցրեցինք  Արտյոմին, թե  արդյոք  նա  պատրաստվո՞ւմ  է  մեկնել  արտագնա  աշխատանքի:

Երեք  ամիս  է  ինչ  ամուսնացել  եմ  և  ձեռք եմ բերել  աշխատանք,– ասաց նա ,- աշխատանքի եմ   անցել  զորամասում  որպես  պայմանագրային  զինծառայող  և  այլևս  չեմ  պատրաստվում  դուրս  գնալու  իմ հայրենի  երկրից,-  մի  փոքր  զայրացած, հայրենասերի  ոքով    շեշտեց  նա, ու նույն ոգով էլ շարունակեց,-  ափսոսում  եմ, որ  այդքան  տարի  ուրիշի  հողում եմ աշխատել: Հիմա աշխատանք ունեմ ու արդեն  կարողանում  եմ  հոգալ   ընտանիքիս  հոգսը:  Հայրենիքից   թանկը  միայնհայրենիքն  է,- իր խոսքը եզրափակեց Արտյոմը: Նա  հաճելի զրուցակից էր ու կարելի է  ասել բավականին երկար զրուցեցինք և պարզվեց, որ իր դիրքորոշումը հայտնել է նաև գյուղի  երիտասարդությանը` խորհուրդ տալով,  չանցնել  այդ  խրթին  ճանապարհով   և  չէր   ցանկանում, որ   ոչ  մի   հայ  զավակ  օտարի հողում  քրտինք  թափի: Այդ  զրույցից  մենք  մեծ  բավականություն  ստացանք.  Արտյոմը  իրոք  հայրենասերի  ոգիուներ  նրա  նոր  կազմավորված  ընտանիքին  համերաշխություն  ցանկացանք,  քաջ  առողջություն, ապագա  բալիկներ, և  այդպիսի  անկոտրուն  ոգի:

***

Մենք այցելեցինք նաև Կամոյենց   բազմանդամ  ընտանիքին: Դարպասից  ներս  մտանք  և  մեզ  դիմավորեց  հենց  ինքը՝  Կամոն, նրա  զարմացած  հայացքը  կարծես  թե  հարցնում  էր  ովքեր  եք,  մենք  ներս  մտնելուն  պես  ներկայացանք, ապա  նա  մեզ  տուն  հրավիրեց ու սկսեցինք  մեր   զրույցը:

Կամոի  ընտանիքը 1988թ. Ղարաբաղից տեղափողվել  է Հերմոն  գյուղ: Այսօր արդեն նրա   ընտանիքը  բաղկացած  է 7 շնչից՝  ծեր  մայրը, կինը  և  4  երեխաները,  որից  3-ըանչափահասներ  են: Միակ  աշխատուժը՝  պատմում   է  Կամոն, եղելէ  հենց   ինքը,   ապա  իրեն  օգնության  է  եկել   մեծ  տղան: Կամոն  ասաց, որ պատրաստվում է այս անգամ  որդու   հետ   մեկնել  արտագնա  աշխատանքի: Զրույցի  ընթացքում  նա  պարզաբանեց, որ  երկար տարիներ  շարունակ   աշխատել  է տարբեր կազմակերպություններում  որպես  բանվոր, որընտանիքը շատ մեծ  դժվարությամբ  է  հարմարվել  գյուղին, ավելի դժվար է  եղել  հանապազորյա  հացի  վաստակը: Մենք  ևս  մեկ  հարց  ուղղեցինք  Կամոյին,  սակայն  այդ  հարցին  պատասխանեց  կինը, հարցն  այսպիսին  էր  արդյո՞ք   իր  բացակայությունը  չի  ազդում ընտանիքի  վրա: Հնչեցվածպատասխանըայսպիսին  էր. <<Իհարկե ազդում է, այն էլ  ինչպես.  խոտը  դաշտում է, այգին  չորացել  է,  երեխաների  դաստիրակության  հարցում  հոր  պակասն զգացվում>>: Continue reading