Կառավարությունն աջակցում է ցրտահարությունից տուժած գյուղացիներին. Հողօգտագործողներին կտրամադրվի տարբեր մշակաբույսերի սերմացու, կզեղչվեն հողի հարկը և ջրի վարձավճարը


 

ՀՀ կառավարությունն իր հերթական նիստում արձանագրել է, որ 2014թ. մարտի 30-ից ապրիլի 1-ն ընկած ժամանակահատվածում հանրապետության մարզերում տեղի ունեցած ցրտահարության՝ բնական աղետի հետևանքով մարզերի մի շարք համայնքներին պատճառված վնասը հասել է աղետալի աստիճանի՝ ստեղծելով արտակարգ իրավիճակ: Այդ վնասը մեղմելու նպատակով հրատապ անհրաժեշտություն է առաջացել գյուղատնտեսական մշակաբույսերի սերմացուի վաճառքով զբաղվող տնտեսվարողներից ձեռք բերել տարբեր սերմացու և հատկացնել մարզպետարաններին՝ ցրտահարությունից առավել տուժած համայնքների հողօգտագործողներին տրամադրելու նպատակով: Սերմացու ձեռք բերելու համար ՀՀ գյուղատնտեսության նախարարին թույլատրվել է «Սերմերի գործակալություն» ՊՈԱԿ-ի նպատակային հաշվեհամարից օգտագործել 85 մլն դրամ: Նույն ՊՈԱԿ-ի միջոցով սերմացուն տրամադրվելու է Արագածոտնի, Արարատի, Արմավիրի, Լոռու, Վայոց ձորի և Տավուշի մարզպետարաններին, որոնք 10-օրյա ժամկետում համայնքների ղեկավարների միջոցով սերմացուն ըստ բաշխացուցակի հասցնելու են հողօգտագործողին:
Պատճառված վնասը մեղմելու նպատակով կառավարության հաջորդ որոշմամբ 2014թ. գարնանացանի համար գարու, եգիպտացորենի, առվույտի և կորնգանի արտադրության զարգացման ծրագրով հողօգտագործողներին տրամադրվող գարնանացան գարու սերմացուի գինը 200 դրամից իջեցվել է 130 դրամի: Բացի այդ, ազոտական պարարտանյութի և դիզելային վառելանյութի վաճառքը ցրտահարությունից տուժած հողօգտագործողներին կիրականացվի առանց առավելագույն չափաքանակի՝ փաստացի ունեցած հողատարածքի չափով: Continue reading

ԼՈՒՐԵՐ ՄԱՐԶԻ ԱՌՕՐՅԱՅԻՑ


***

Մարտի 28-ին մարզպետարանում կազմակերպվեց խորհրդակցություն` առաջիկա օրերին հանրապետությունում սպասվող ջերմաստիճանի կտրուկ նվազման առիթով կանխարգելիչ միջոցառումների կազմակերպման վերաբերյալ: Մարզ ժամանած ՀՀ գյուղատնտեսության փոխնախարար Ռոբերտ Մակարյանը ներկայացրեց ՀՀ գյուղ. նախարար Սերգո Կարապետյանի հանձնարարականը, ըստ որի անհրաժեշտ է մարզի այն համայնքներում, որտեղ արդեն ծաղկել են կորիզավոր պտղատու այգիները /հիմնականում վերաբերում է ծիրանենուն/, գյուղացիներին իրազեկել, որ ծխահարման միջոցով պայքարեն ցրտահարության դեմ և հնարավորինս բերքը փրկեն սպասվելիք ցրտահարությունից: Քննարկվեց նաև ոռոգման նախապատրաստական աշխատանքները:

Խորհրդակցությանը մասնակցում էին մարզպետարանի աշխատակազմի գյուղատնտեսության և բնապահպանության վարչության աշխատակիցները, Վայոց ձորի ԳԱՄԿ-ի աշխատակազմը, մարզի համայնքապետեր, բնապահպանության և ոռոգման ոլորտների աշխատակիցներ, շահագրգիռ ֆերմերներ:
Ցրտահարությունը հիմնականում սպասվում էր մարտի 30-ից 31-ը:
Մարտի 31-ին փոխնախարար Ռոբերտ Մակարյանը կրկին կայցելի մարզ և մարզպետ Էդգար Ղազարյանի հետ վերջնական շրջայց կկատարեն համայնքներում:

***

– Վայոց ձորի մարզում ցրտահարության վնասն այնքան էլ մեծ չէ, որքան Արարատյան հարթավայրում,- ասում է մարզպետ Էդգար Ղազարյանը,- դեռեւս ուսումնասիրվում է վնասների չափը, բայց քանի որ մարզում տարբեր գոտիներ կան, բնականաբար, ծիրանենիների ծաղկման ժամանակները տարբեր են, ուստի վնաս են կրել ցածրադիր համայնքներում գտնվող այգիները: Իսկ միջին ու բարձր լեռնային գոտիներում մասնագետների կարծիքով, ցրտահարությունն այնքան շատ վնաս չի պատճառել: Մեր այգիները, հիմնականում, գտնվում են միջին լեռնային ու բարձր լեռնային գոտիներում, որտեղ ցրտահարության հասցրած վնասի չափը պետք է որ մեծ չլինի: Կա նաեւ եզրակացություն, թե պետք է որ վնասված չլինեն նաեւ խաղողի այգիները, որովհետեւ մեր մարզում խաղողի բողբոջման շրջանը դեռ չի սկսվել: Կեռաս, դեղձ, սալոր եւ այլ պտղատեսակները հիմնականում գտնվում են բարձր լեռնային գոտիներում: Դեղձի մի մասը կարող է վնասված լինել: Բայց, օրինակ, մենք Գնդեվազում ունենք բավականին շատ ծիրանի այգիներ, դրանց տեղը բարձր է, չեն ծաղկել, ու, ըստ էության, այնտեղ ընդհանրապես այգիները չեն վնասվել: Continue reading

ՏԵՂԵԿԱՑՆՈՒՄ Է ՎԱՅՈՑ ՁՈՐԻ ԹԵՄԻՑ ՄԵՐ ԹՂԹԱԿԻՑ ՍԻՐԱՆ ՍԱՐԳՍՅԱՆԸ


***

Ուսուցչաց հավաք Վայքում

DSC02439Մարտի 21-ին Վայքի ավագ դպրոցում Վայոց ձորի մարզի Վայքի և Ջերմուկի տարածաշրջանների Հայոց եկեղեցու պատմության ուսուցիչների հավաք էր: Այն նախաձեռնել էր Մայր Աթոռ Սբ. Էջմիածնի Քրիստոնեական դաստիարակության կենտրոնի Եղեգնաձորի պատասխանատու Հուսիկ Հարությունյանը:

Աղոթքից հետո «Պահքը և քրիստոնյայի հոգևոր բարոյական դիմագիծը» թեմայով բանախոսությամբ հանդես եկավ Վայոց ձորի թեմի փոխառաջնորդ Տ. Զարեհ վրդ. Կաբաղյանը: Ապա թեմայի վերաբերյալ և ուսուցիչներին հուզող հարցերին պատասխանեց Հայր Սուրբը: Ուսուցիչների որակավորման, դասավանդման մեթոդների ակտիվացման և այլ խնդիրների մասին խոսեց Հ. Հարությունյանը: Եղան առաջարկներ, քննարկումներ:
Հավաքն ավարտվեց աղոթքով:

***

Եկեղեցասիրաց երիտասարդաց ժողով Ջերմուկում

Մարտի 15-ին Ջերմուկի Ս. Գայանե եկեղեցու եկեղեցասեր երիտասարդները ժողով հրավիրեցին, որի ընթացքում քննարկեցին անցած տարվա գործողությունների պլանը, ընդգծեցին թերությունները, բացթողումները և համատեղ առաջարկություների հիման վրա ու տեղի քահանա Տեր Գալուստ Սահակյանի հավանությումբ, կազմեցին 2014թ. գործողությունների պլանը: Continue reading

ՄԱՐԶՊԵՏԱՐԱՆԻ ՏՀԿ ԲԱԺՆԻ ՕՐԱԳՐԻՑ


 

***

Փետրվարի 28-ին մարզպետ Էդգար Ղազարյանը Ջերմուկ քաղաքում աշխատանքային հանդիպում ունեցավ ՀՀ-ում Ռուսաստանի Դաշնության արտակարգ և լիազոր դեսպան Իվան Վոլինկինի հետ: Հանդիպման ընթացքում քննարկվեցին Վայց ձորի մարզի և ՌԴ Արխանգելսկի ու Նիժեգորոդի մարզերի միջև միջտարածաշրջանային համագործակցության, ՌԴ կառավարության աջակցությամբ Պարենի համաշխարհային կազմակերպության միջոցով մարզի հանրակրթական դպրոցներում իրականացվող ծրագրի ընթացքին, մարզում ռուսական կապիտալի մասնակցությամբ իրականացվող ներդրումային ծրագրերին վերաբերող հարցերի լայն շրջանակ: Քննարկվեցին նաև հիշյալ ուղղություններով, ինչպես նաև զբոսաշրջության, գյուղատնտեսության բնագավառում համագործակցության հնարավորություններն ու հեռանկարները: Մարզպետի կողմից ՌԴ դեսպանին ներկայացվեցին մարզի սոցիալ-տնտեսական իրավիճակի ընդհանուր բնութագիրը և զարգացման ծրագրերը:Առանձին անդրադարձ եղավ Ջերմուկ քաղաքի, որպես զբոսաշրջության կենտրոնի, զարգացման խնդիրներին ու ներդրումային ծրագրերին:

***

ՀՀ Վայոց ձորի մարզպետ Էդգար Ղազարյանը Հայաստանի շախմատի ֆեդերացիայի հրավերով մարտի 2-ին Ալ. Սպենդիարյանի անվան օպերայի և բալետի ազգային ակադեմիական թատրոնում ներկա է գտնվել հայ մեծանուն շախմատիստ Տիգրան Պետրոսյանի ծննդյան 85-ամյակին նվիրված մարտի 2-15-ը Երևանում անցկացվելիք Եվրոպայի շախմատի 15-րդ անհատական առաջնության բացման արարողությանը: Աշխարհի 9-րդ չեմպիոն Տիգրան Պետրոսյանի հիշատակին նվիրված Եվրոպայի շախմատի 15-րդ անհատական առաջնությանը մասնակցում է 27 երկրների 263 շախմատիստ, այդ թվում` 130 գրոսմայստեր:

***

Մարտի 14-ին մարզպետ Էդգար Ղազարյանը մի շարք հանդիպումներ է ունեցել, որոնց ընթացքում քննարկվել են մարզի տնտեսության տարբեր ոլորտների զարգացման խնդիրները:
Առաջին հանդիպումը կայացել է Զարգացման հայկական գործակալության գլխավոր տնօրեն Ռոբերտ Հարությունյանի հետ, ուր քննարկվել և պայմանավորվածություն է ձեռք բերվել մարզում տնտեսության զարգացման նպատակով ներդրումային ծրագրերի մշակման, ինչպես նաև մարզի տնտեսական գործունեության տարբեր ոլորտներում և տարածաշրջաններում ներդրումային ծրագրեր ներգրավելու նպատակով 2014թ. աշնանը կազմակերպվելիք համաժողովի նախապատրաստական աշխատանքների կազմակերպման վերաբերյալ:
Երկրորդ հանդիպումը տեղի է ունեցել Հայաստանի համայնքների միության գրասենյակում, որին մասնակցել են նաև ՀՀ էկոնոմիկայի նախարարության Արդյունաբերության զարգացման հիմնադրամի տնօրեն Հայկ Միրզոյանը, Ռինդ և Արենի համայնքների ղեկավարները: Քննարկվել է Հայ – ֆրանսիական համագործակցության շրջանակում Վայոց ձորի մարզում տնային գինեգործների կոոպերատիվ ստեղծելու, ինչպես նաև գինու լաբորատորիա և շշալցման արտադրամաս հիմնելու հարցերը: Continue reading

ԼՈՒՐԵՐ ՄԱՐԶԻ ԱՌՕՐՅԱՅԻՑ


***

53Հերհեր համայնքի բնակիչներն իշխանությունների առջև բարձրացրել էին համայնքի առաջնահերթ լուծում պահանջող խնդիրներից մեկը` միջպետական մայրուղուց դեպի համայնք տանող ավտոճանապարհի հիմնանորոգման հարցը: Համայնքի մի քանի տասնյակ բնակիչներ ցանկություն էին հայտնել այցելել մարզկենտրոն և ներկայացնել իրենց խնդիրները: Քաղաքացիներին անհանգստություն չպատճառելու համար մարզպետը մարտի 4-ին ինքն այցելեց համայնք` բնակիչներին հանդիպելու, նրանց հուզող խնդրին ևս մեկ անգամ տեղում ծանոթանալու և պարզաբանումներ ներկայացնելու նպատակով: Բնակիչների հետ հանդիպմանը մասնակցում էին նաև մարզպետի տեղակալներ Սամվել Թարվերդյանն ու Արամ Գրիգորյանը, մարզպետարանի աշխատակազմի քաղաքաշինության վարչության տրանսպորտի և ճանապարհաշինության բաժնի պետ Խաչիկ Ասլանյանը, Հերհեր և Կարմրաշեն համայնքների ղեկավարները, ՀՀ ոստիկանության Վայոց ձորի մարզային վարչության պետ Լևոն Յազիչյանը: Ծանոթանալով քաղաքացիների կողմից առաջ քաշված խնդիրներին` Է.Ղազարյանը ներկայացրեց դրանց լուծման ուղղությամբ ձեռնարկված քայլերն ու առաջիկա ծրագրերը:

***

Մարտի 10-ին մարզպետ Է.Ղազարյանը փոխմարզպետներ Ս.Թարվերդյանի ու Ա.Գրիգորյանի ուղեկցությամբ այցելեց մարզում գործող այծաբուծական «Արիդ»  և պանրագործական «Ոսկե այծ» կազմակերպություններ:

Ծանոթանալով նշված կազմակերպությունների աշխատանքային պայմաններին «Արիդ»-ի տնօրեն Նունե Բաբայանի և «Ոսկե այծ» կազմակերպության տնօրեն Խաչիկ Մարտիրոսյանի հետ քննարկեցին կազմակերպությունների հետ առնչվող խնդիրներ, արտադրության ընդլայնման հնարավորությունները և արտադրանքի իրացման հեռանկարները: Continue reading

«Կոռուպցիայի դեմ պայքարի բազմակողմանի խթանում» ծրագրի շրջանակում


Մարտի 18-ին Կապան քաղաքում տեղի ունեցավ Եվրոպական միության կողմից ֆինանսավորվող «Կոռուպցիայի դեմ պայքարի բազմակողմանի խթանում» ծրագրի իրազեկման սեմինարը:

Ողջույնի խոսքով հանդես եկավ «Կոռուպցիայի դեմ պայքարի բազմակողմանի խթանում» ծրագրի օգնական Նվարդ Լոռյանը: Բացման խոսքով հանդես եկավ ծրագրի ռեգիոնալ համակարգող – փորձագետ Արշավիր Խալափյանը: Այնուհետև ծրագրային օգնական Նվարդ Լոռյանը ներկայացրեց «Կոռուպցիայի դեմ պայքարի բազմակողմանի խթանում» ծրագիրը, դրա նպատակը և ուղղությունները:
Ծրագրի հիմնական նպատակն է մեծացնել քաղաքացիական հասարակության կազմակերպությունների (ՔՀԿ) դերը հակակոռուպցիոն բարեփոխումների խթանման և իրականացման գործում: Ծրագրի շրջանակներում կհզորացվեն ՔՀԿ-ների և ԶԼՄ-ների մոնիթորինգի և վերահսկողության կարողությունները: Կկազմակերպվեն հակակոռուպցիոն դասընթացներ բոլոր մարզերի ՔՀԿ-ների և ԶԼՄ-ների համար` կոռուպցիոն բնույթի և տեղեկատվության ազատության խնդիրներն առավել լավ ըմբռնելու համար: Այս միջոցառումների նպատակը հակակոռուպցիոն գործողությունների իրականացման առկա հնարավորությունների խորացումն է: Հանրային վերահսկողության արդյունավետության բարձրացման և համապատասխան մոնիթորինգային, վերահսկողական և հետաքննական ծրագրերի իրականացման նպատակով կտրամադրվեն փոքր դրամաշնորհներ: Հակակոռուպցիոն ինստիտուցիոնալ մեխանիզմների ամրապնդման համար ՔՀԿ-ների մասնակցությամբ կմշակվի ՔՀԿ-կառավարություն կայուն երկխոսություն:
Միջոցառմանը մասնակցում էին Սյունիքի և Վայոց Ձորի մարզերի քաղաքացիական հասարակության կազմակերպությունների և ԶԼՄ-ների երկայացուցիչներ: Continue reading

ՀԱՄԱՅՆՔՆԵՐԻ ՂԵԿԱՎԱՐՆԵՐԸ ՀԱՆԴԵՍ ԵՆ ԳԱԼԻՍ ՀԱՇՎԵՏՎՈՒԹՅՈՒՆՆԵՐՈՎ


***

84Մարտի 13-ին Վայքում մարզպետ Էդգար Ղազարյանի մասնակցությամբ տեղի ունեցավ համայնքային ժողով, որի օրակարգում էր համայնքի ղեկավարի գործունեության 2013թ-ի հաշվետվությունը: Ժողովին մասնակցում էին համայնքի մոտ 150 բնակիչներ:
Համայնքի ղեկավար Հարություն Սարգսյանի բացման խոսքից հետո քաղաքապետարանի առաջատար մասնագետ, ֆինանսիստ Նատալիա Հովհաննիսյանը ներկայացրեց համայնքային բյուջեի կատարողականը` մանրամասնելով բոլոր եկամուտներն ու ծախսերը:
Համայնքապետարանի աշխատակազմի ղեկավար Գագիկ Մուշկամբարյանը ներկայացրեց 2013թ-ի իրականացված ծրագրերը, ինչպիսիք էին քաղաքի արվեստի դպրոցի հիմնանորոգումը և ջեռուցումը, փողոցների լուսավորությունը, բազմաբնակարան շենքերի տանիքների վերանորոգումը, թիվ 3 մանկապարտեզի ջեռուցումը, մշակույթի տան փոքր դահլիճի վերանորոգումը, արվեստի դպրոցի համար երաժշտական գործիքների և մանկական սեղծագործական կենտրոնի համար` պարային հագուստների ձեռքբերումը: Նշված ծրագրերն իրականացվել են մարզպետարանի, Քաունթրփարթ Ինթերնեշնլ միջազգային կազմակերպության, Էներգախնայողության հիմնադրամի աջակցությամբ: Ներկայացվեցին նաև համայնքային իրադարձությունները և նվաճումները մարզական, մշակութային ոլորտներում, ինչպես նաև բոլոր համայնքային ենթակայության հիմնարկների գործունեությունը:
Մարզպետ Էդգար Ղազարյանը բարձր գնահատեց քաղաքապետարանի, մասնավորապես քաղաքապետի գործունեությունը, առհասարակ այդ համայնքում հանրային կյանքի կազմակերպվածությունը և պատահական չհամարեց, որ 2013թ-ին Վայքը մարզպետարանի կողմից ճանաչվել է որպես լավագույն համայնք:

***

80Մարտի 13-ին Բարձրունի համայնքում տեղի ունեցավ համայնքային ժողով, որի օրակարգում էր համայնքի ղեկավարի գործունեության 2013թ-ի հաշվետվությունը: Ժողովը կայացավ համայնքային կենտրոնի նոր վերանորոգված դահլիճում` մոտ 100 բնակիչների մասնակցությամբ: Հաշվետու ժողովին մասնակցում էր նաև մարզպետ Էդգար Ղազարյանը:
Համայնքի զեկավար Գագիկ Գևորգյանը մանրամասն ներկայացրեց 2013թ-ին համայնքում իրականացված ծրագրերը` իր խոսքը զուգակցելով տպավորիչ ֆոտոպրեզենտացիայով: Համայնքում իրականացված երիտասարդական ծրագրերը ներկայացրեց համայնքային երիտասարդական նախաձեռնությունների ակումբի անդամ Աիդա Գրիգորյանը:
2013թ-ին Բարձրունի համայնքում մարզպետարանի, Քաունթրփարթ Ինթերնեշնլ միջազգային կազմակերպության, Ջինիշյան հիշատակի հիմնադրամի աջակցությամբ իրականացվել են մի շարք ծրագրեր: Դրանցից են խմելու ջրի ջրահավաք ավազանի, համայնքային կենտրոնի շենքի վերանորոգումները և հարակից տարածքների բարեկարգումը, երիտասարդների համար համակարգչային կենտրոնի հիմնումը, տեխնիկական միջոցների, ձայնային սարքավորումների և երաժշտական գործիքների ձեռքբերումը: Continue reading

ՈՒՍԱՆԵԼՈՒ ՀՆԱՐԱՎՈՐՈՒԹՅՈՒՆ ՌԴ ՀՅՈՒՍԻՍԱՅԻՆ ԴԱՇՆԱՅԻՆ ՀԱՄԱԼՍԱՐԱՆՈՒՄ


Մեր նախորդ համարներից տեղեկացել եք Վայոց ձորի և ՌԴ Արխանգելսկի մարզերի միջև բազմակողմ համագործակցության մասին, որի շրջանակում հունվարի 16-ին Եղեգնաձոր էր ժամանել Մ. Լոմոնոսովի անվ. Հյուսիսային (Արկտիկական) դաշնային համալսարանի պատվիրակությունը` միջազգային համագործակցության զարգացման վարչության պետ Լ.Ա. Զարուբինայի գլխավորությամբ: Հյուրերը հանդիպումներ ունեցան ՀՊՏՀ Եղեգնաձորի մասնաճյուղի տնօրինության, պրոֆեսորադասախոսական անձնակազմի և ուսանողների հետ: Մարզպետի մոտ պաշտոնական ընդունելության ժամանակ խոսվեց կրթության և գիտության բնագավառներում համագործակցության, համատեղ ծրագրերի իրագործման, ուսանողների փոխանակման, վայոցձորցի ուսանողների և դիմորդների՝ այդ ԲՈՒՀ-ում ուսանելու հնարավորությունների մասին:
Ի դեպ Հյուսիսային (Արկտիկական) դաշնային համալսարանը Ռուսաստանի խոշորագույն ԲՈՒՀ-երից է, ՌԴ ինը համալսարաններից մեկն է, որն ունի բուհերի համար հատուկ, ամենաբարձր՝ դաշնային կարգավիճակ:
Ուրախությամբ տեղեկացնում ենք, որ 2014թ. ԲՈՒՀ-ը հայտարարել է օտարերկրյա քաղաքացիներ հանդիսացող դիմորդների ընդունելություն հատուկ քվոտավորման պայմաններով: Ուսուցման ծախսերը հոգալու է Ռուսաստանի Դաշնության կառավարությունը՝ սահմահված քվոտաներին համամապատասխան: Continue reading

ՀՀ ՈՍՏԻԿԱՆԱՊԵՏ, ԳԵՆԵՐԱԼ-ԼԵՅՏԵՆԱՆՏ ՎԼԱԴԻՄԻՐ ԳԱՍՊԱՐՅԱՆԻ ԱՅՑԸ ՎԱՅՈՑ ՁՈՐԻ ՄԱՐԶ


 

52Մարտի 12-ին ՀՀ ոստիկանության պետ, գեներալ-լեյտենանտ Վլադիմիր Գասպարյանը մարզային այցերի ծրագրով Վայոց ձորի մարզում էր: Նա իր այցի շրջանակում նախ աշխատանքային խորհրդակցություն անցկացրեց ոստիկանության մարզային վարչությունում, ապա Վայոց ձորի մարզպետարանի նիստերի դահլիճում հանդիպում ունեցավ մարզի ակտիվի հետ:

Հանդիպման սկզբում մարզպետ Էդգար Ղազարյանի առաջարկով ներկաները մեկ րոպե լռությամբ հարգեցին մարտի 1-ին վախճանված ՀՀ Վայոց ձորի նախկին մարզպետ (2001-2003թթ.) Վաղինակ Մաթևոսյանի հիշատակը: Այնուհետև Է.Ղազարյանը ողջունեց ոստիկանապետի այցը և ձայնը փոխանցեց նրան:

Ներկայացնելով իր այցի նպատակը և ոստիկանության ծրագրերը՝ Վլադիմիր Գասպարյանը նշեց, որ Վայոց ձորի մարզն աչքի է ընկնում խաղաղ կենսակերպով և այլ մարզերի համեմատ Վայոց ձորում նկատելի է հանցագործությունների թվի պակասը: Ոստիկանապետն իր խոսքում կարևորեց աճող սերնդի դաստիարակության գործում կրթական հաստատությունների և ոստիկանության համագործակցված աշխատանքը, ինչպես նաև տեղական ինքնակառավարման և իրավապահ մարմինների համագործակցությունը, համայնքային խնդիրների լուծման գործում: Նա նշեց, որ միշտ լինելու է գյուղացու կողքին և հանդիսանալու է հողի մշակի շահերի պաշտպանը: Continue reading