ՋԵՐՄՈՒԿԻ ԴԵՍՊԱՆՆԵՐԻ ԱԿՈՒՄԲԻ ՀԱՆԴԻՊՈՒՄԸ


 

72

Ջերմուկում մարտի 2-ին՝ ՀՀ դիվանագետի օրը, ԱԳ նախարար Էդվարդ Նալբանդյանի ներկայությամբ տեղի ունեցավ Ջերմուկի դեսպանների ակումբի հանդիպումը:

Դեսպանների ակումբը հիմնադրվել է անցյալ տարի Հայաստանի արտաքին քաղաքական գերատեսչության ղեկավարի նախաձեռնությամբ: Ակումբի նախագահն է ի պաշտոնե Հայաստանում հավատարմագրված դիվանագիտական կորպուսի դուայեն (ավագ) Ղազախստանի դեսպան Այիմդոս Բոզժիգիտովը:

Ավանդույթի համաձայն` ակումբի ամենամյա հանդիպումները հյուրընկալվում են Վայոց Ձորի մարզպետ Էդգար Ղազարյանի և Ջերմուկի քաղաքապետ Վարդան Հովհաննիսյանի կողմից:

Հանդիպմանը մասնակցում էին ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը, ՀՀ արտգործնախարարի տեղակալները, Հայաստանում հավատարմագրված դեսպանները:

Էդվարդ Նալբանդյանն ակումբի անդամների հետ քննարկեց 2013 թ. Հայաստանի արտաքին քաղաքական բնագավառում տեղի ունեցած զարգացումները, միջազգային կազմակերպություններում ներգրավվածության խորացման և համագործակցության սերտացման ուղղությամբ իրականացվող աշխատանքները, ղարաբաղյան հիմնախնդրի խաղաղ կարգավորման ուղղությամբ Հայաստանի և միջազգային հանրության կողմից գործադրվող քայլերը, միջազգային և տարածաշրջանային օրակարգային խնդիրների վերաբերյալ Հայաստանի մոտեցումները:

Է.Նալբանդյանը և դեսպանները մտքեր փոխանակեցին Հայաստանի և ներկայացված երկրների միջև հարաբերությունների զարգացման նպատակով իրականացված ծրագրերի և ընթացիկ տարվա անելիքների վերաբերյալ:

Այդ օրը նշանավորվեց նաև «Հրաժեշտ ձմռանը» վայոցձորյան մարզա-մշակութային տոնակատարությամբ, որին մասնակցեցին նաև  ՀՀ դիվանագետի օրվա կապակցությամբ Ջերմուկի դեսպանների ակումբի հանդիպմանը մասնակից Հայաստանում հավատարմագրված դեսպանները և ՀՀ Սյունիքի մարզպետ Վահե Հակոբյանը:

Մարզային տոնախմբությունը մեկնարկեց Հայ Առաքելական Եկեղեցու Վայոց ձորի թեմի  Ջերմուկի Սբ. Գայանե եկեղեցու հոգևոր հովիվ Տեր Գալուստ քահանա Սահակյանի օրհնությամբ  ու մարզպետ Է.Ղազարյանի բացման խոսքով:

«Հրաժեշտ ձմռանը» մարզա-մշակութային տոնակատարության շրջանակներում կազմակերպվել են Նավասարդյան ազգային խաղեր, մրցույթներ՝  շուրջ 10 տարբեր մարզաձևերից:

Միջոցառման ընթացքում մարզի համայնքները ներկայացել են նաև իրենց մշակութային համույթներով ու անհատ կատարողներով:

Տոնական հանդիսության ավարտին մարզպետ  Էդգար Ղազարյանի կողմից պարգևատրվել են բոլոր մրցաձևերից հաղթող ճանաչված մարզիկներն ու թիմերը, ինչպես նաև միջոցառմանը ակտիվ մասնակցություն ցուցաբերած մի շարք համայնքների մշակութային համույթներ:

Մարզա-մշակութային տոնակատարությունն ամփոփվել է ավանդական խարույկով և հայկական քոչարիով:

Advertisements

ՄԵԿՆԱԲԱՆԵԼ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s