«ԹՈՂԵՔ ՄԱՆԿՈՒԹՅՈՒՆԸ ՀԱՍՈՒՆԱՆԱ ՄԱՆԿՈՒԹՅԱՆ ՄԵՋ»


Ժ.Ժ.Ռուսո

27
Հունիսի 1-ին մարդաշատ էր Եղեգնաձորի քաղաքային մարզադաշտը: Եղեգնաձորցիները հավաքվել էին տոնելու երեխաների պաշտպանության միջազգային օրը: Քաղաքապետարանի նախաձեռնությամբ տոնը նշվեց հավուր պատշաճի:

22

 

Միջոցառման մասնակից մանուկներն իրենց ուժերն էին չափում տարբեր մարզաձևերում: Մասնակցում էին Եղեգնաձորի, Վերնաշենի, Ռինդի, Արփիի, Գլաձորի, Թառաթումբի և Աղավնաձորի թիմերը:

36
Միջոցառումն սկսվեց տակ-վոնդո մարզաձևի սաների ցուցադրական ելույթով (մարզիչ` Վահան Վարդանյան), այնուհետև ցուցադրական ելույթ ունեցան շոտական կարատեի սաները (մարզիչներ` Կարեն Սարգսյան և Յուրա Վարդանյան), ելույթ ունեցան նաև կուլտուրայի տան պարի համույթները և գեղարվեստական մարմնամարզության սաները: Մի քանի ժամ տևած մրցությունն անցավ բարձր մակարդակով, թեժ պայքար ծավալվեց բոլոր մարզաձևերում:

24

Ֆուտբոլի մրցաշարում մասնակցեցին 1997-2001 թ. ծնված մարզիկները:

21
Փոքրերի մրցաշարում 1-ին տեղը գրավեց Եղեգնաձորի, 2-րդը` Գլաձորի և 3-րդը` Արփիի թիմերը: Մեծ տարիքային խմբի պայքարում 1-ին տեղը գրավեց Եղեգնաձորի, 2-րդը` Գլաձորի և 3-րդը` Ռինդի թիմերը:

33
Շախմատի մրցաշարին մասնակցում էր 16 շախմատիստ: Լարված պայքարում անցած մրցույթում 1-ին տեղը գրավեց Սիրանուշ Հովհաննիսյանը, 2-րդը` Տիգրան Բաղդասարյանը և 3-րդը` Անի Կարապետյանը:
100մ վազքի մրցույթում հաղթեց Աշոտ Արամյանը, 2-րդ և 3-րդ տեղերը` համապատասխանաբար Վարդան Հովհաննիսյան ու Աշոտ Ղազարյանը:
1000մ վազքի մրցույթում հաղթեց Դավիթ Բոյաջյանը, իսկ 2-րդ և 3-րդ տեղերը` Նարեկ Վարդանյանն ու Վահե Գևորգյանը:
Հաղթանակի բերկրանքը ցնծություն էր պարգևում ոչ միայն երեխաներին, այլ նրանց ծնողներին ու հարազատներին, ուսուցիչներին ու կազմակերպիչներին:
Մրցույթում մրցանակային տեղեր գրաված մարզիկները և թիմերը պարգևատրվեցին ժամացույցներով, մարզահագուստներով, գնդակներով և դիպլոմներով:
Ուրախ ու սրտառուչ այս միջոցառման կազմակերպման ու իրականացման աշխատանքները հովանավորել էին Վարդան Հարությունյանը, Նաիրի Վարդանյանը, Թաթուլ Առաքելյանը, Սուրիկ Ավագյանը և Հարութ Հարությունյանը: Բարեգործությունը խրախուսելի է ցանկացած տեսքով ու ցանկացած պահի, բայց այն առանձնապես կարևորվում է երբ այն ուղղվում է մանուկներին: Եթե ուզում ես ունենալ առողջ ու բարեկեցիկ կյանքով ապրող հասարակություն պետք է ավելի լրջորեն ու սրտացավ մտածենք մատղաշ սերնդի կրթության ու դաստիարակության մասին: Ամեն ինչ անենք նրանց կյանքը անհոգ, երջանիկ ու հագեցած դարձնելու, յուրաքանչյուր օրը տոնի վերածելու համար:
Շնորհակալություն թե՛ նախաձեռնողներին, թե՛ հովանավորներին և թե՛ միջոցառմանն իրեն նպաստը բերած բոլոր մասնակիցներին:

Լուսանկարներն ու տեքստը՝ Սամվել Հարությունյանի

Advertisements

ՄԵԿՆԱԲԱՆԵԼ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s