Թիվ 8 /136/, Օգոստոսի 31, 2015թ.


Թիվ 8 /136/, Օգոստոսի 31,   2015թ.

Շարունակել կարդալ →

 

ՀՀ ՎԱՐՉԱՊԵՏԻ ԱՇԽԱՏԱՆՔԱՅԻՆ ԱՅՑԸ ՎԱՅՈՑ ՁՈՐԻ ԱՐՏԱԴՐԱԿԱՆ ՁԵՌՆԱՐԿՈՒԹՅՈՒՆՆԵՐ


16262
Օգոստոսի 9-ին Հովիկ Աբրահամյանն աշխատանքային այցով Վայոց ձորում էր: Նա այցելեց արտադրական ձեռնարկություններ, ծանոթացավ համայնքներում իրականացված և ընթացքի մեջ գտնվող տարբեր ենթակառուցվածքային ծրագրերին: Կառավարության ղեկավարի առաջին կանգառը Արենիի «Հին Արենի» գինու գործարանն էր, որտեղ ծանոթացավ արտադրական գործընթացին և ներդրումային ծրագրերին: Գործարանը վերջին երկու տարիների ընթացքում իրականացրել է շուրջ 3,5միլիոն դոլարի ներդրում, ինչի արդյունքում այն համալրվել է ֆրանսիական և իտալական բարձրակարգ սարքավորումներով: Ընթացիկ տարում կարտադրվի 120 հազար շիշ բարձրորակ գինի, հաջորդ տարի նախատեսվում է այն հասցնել 250 հազարի:

Արտադրանքի հիմնական մասը կարտահանվի Կանադա, ԱՄՆ, ապագայում նաև Եվրոպա: Ձեռնարկությունը պատրաստվում է ընթացիկ տարում մթերել շուրջ 280տ խաղող: Վարչապետն այցելեց նաև Գետափ, Մալիշկա, Զառիթափ և Գլաձոր համայնքներ, զրուցեց բնակիչների հետ, ծանոթացավ առկա խնդիրներին, գյուղատնտեսական աշխատանքների և ենթակառուցվածքային ծրագրերի ընթացքին: Գետափում Գյուղական կարողությունների զարգացման ծրագրով ավարտին են մոտենում 8,5 կմ երկարությամբ գազատարի կառուցման աշխատանքները, ինչի արդյունքում համայնքը 100%-ով կգազիֆիկացվի: Ծրագրի իրականացման համար ներդրվել է 96մլն դրամ: Գետափցիները շնորհակալություն հայտնեցին վարչապետին ինչպես գազիֆիկացման աշխատանքների, այնպես էլ ոռոգման և խմելու ջրագծերի կառուցմանն օժանդակելու, մանկապարտեզի հիմնանորգման աշխատանքները կառավարության ֆինանսավորմամբ իրականացնելու համար:

Մալիշկայում վարչապետը ծանոթացավ 32կմ երկարությամբ գազատարի կառուցման աշխատանքներին: Այդ նպատակով Գյուղական կարողությունների զարգացման ծրագրով ներդրվել է 355 մլն դրամ: Համայնքի բնակիչները գոհունակություն հայտնեցին կատարվող աշխատանքների համար և դիմեցին մանկապարտեզի երրորդ մասնաշենք կառուցելու խնդրանքով: Խնդրին լուծում տալու նպատակով վարչապետը խոստացել է հարցը քննարկել կառավարությունում:

16259 Continue reading

ՀԱՆՐԱԿՐԹԱԿԱՆ ՀԱՍՏԱՏՈՒԹՅՈՒՆՆԵՐԻ ՂԵԿԱՎԱՐՆԵՐԻ ՕԳՈՍՏՈՍՅԱՆ ԱՄԵՆԱՄՅԱ ԽՈՐՀՐԴԱԿՑՈՒԹՅՈՒՆՈՒՄ


 

Օգոստոսի 28-ին մարզպետարանի նիստերի դահլիճում տեղի ունեցավ մարզի հանրակրթական հաստատությունների ղեկավարների օգոստոսյան ամենամյա խորհրդակցությունը, որը վարում էր մարզպետ Հարություն Սարգսյանը: Խորհրդակցությանը մասնակցում էին նաև ՀՀ ԿԳ նախարարի տեղակալ Կարինե Հարությունյանն ու ԿԳՆ ԾՒԳ-ի տնօրեն Հասմիկ Ղազարյանը:

68

Մարզպետը նախ ներկայացրեց հյուրերին, ապա շնորհավորեց ներկաներին նոր ուսումնական տարվա առթիվ՝ մաղթելով արդյունավետ ուսումնական տարի: Մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը խոսելով մարզի կրթական համակարգի 2014-2015 ուսումնական տարում հանրակրթության ոլորտում իրականացված աշխատանքների, առկա խնդիրների և նոր ուսումնական տարվա անելիքների մասին նշեց, որ մարզում գործում է 50 հանրակրթական դպրոց, այդ թվում` 14 հիմնական, 36 միջնակարգ, որոնցից 2 վարժարան և 3 ավագ դպրոց, 24 նախակրթարան: Քաղաքային և գյուղական համայնքներում գործում է 17 մանկապարտեզ, որոնցում ընդգրկված է 1052 երեխա 41 խմբով: 2014-2015 ուստարում մարզի դպրոցներում սովորել է 6683 աշակերտ 491 դասարանով: Մարզային ենթակայությամբ գործող 47 դպրոցներում աշխատում է 983 ուսուցիչ, որից 851-ը ունի բարձրագույն կրթություն (86%): Տարբեր առարկաների գծով իրականացվել է 130 ուսուցչի վերապատրաստում: Առաջին աստիճանի տարակարգ է ստացել 41 ուսուցիչ:
Դպրոցականների առարկայական օլիմպիադաների հանրապետական փուլին տարբեր առարկաների գծով մասնակցել է 42 աշակերտ, որից 7-ը արժանացել է դիպլոմների և գովասանագրերի: Վարչության պետը փաստեց, նաև որ մարզում հանրակրթությունից դուրս մնացած, ինչպես նաև երկտարեցի երեխաներ չկան: Պետական ԲՈՒՀ դիմած շրջանավարտների 30%-ն ընդունվել է տարբեր ուսումնական հաստատություններ: 2015-2016 ուս.տարում 1-ին դասարան կհաճախի 696 երեխա: Continue reading

ՇԱՐՈՒՆԱԿՎՈՒՄ ԵՆ ՄԱՐԶՊԵՏԻ ԱՅՑԵԼՈՒԹՅՈՒՆՆԵՐԸ ՀԱՄԱՅՆՔՆԵՐ


15409

ՀՀ սահմանամերձ համայնքները մշտապես գտնվում են մեր պետության և իշխանությունների ուշադրության կենտրոնում: Այդ մասին է վկայում ՀՀ Վայոց ձորի մարզպետ Հարություն Սարգսյանի հուլիսի 31-ի աշխատանքային այցը Խաչիկի համայնք: Այցի ընթացքում մարզպետին ուղեկցում էին փոխմարզպետ Սամվել Թարվերդյանը, խորհրդական Վասիլ Ասլանյանը և Խաչիկի համայնքապետ Վարդան Ներսիսյանը: Խաչիկի բնակչությունը զբաղվում է հացահատիկի, կերային կուլտուրաների մշակությամբ, այգեգործությամբ և անասնաբուծությամբ: Գյուղի հացահատիկի ցանքատարածքները գտնվում են Նախիջևանի հետ սահմանագծային հատվածում:

OLYMPUS DIGITAL CAMERA

Մարզպետ Հ.Սարգսյանն այցելեց Continue reading

Ստեփան Ավագյանի հուշամրցաշարը Ջերմուկում


15325shaxmat15324 shaxmat

Հունիսի 26-ից հուլիսի 5-ը Ջերմուկում տեղի ունեցավ Վայոց ձոր մարզի շախմատային ֆեդերացիայի նախկին նախագահ, շախմատային ընտանիքի բարեկամ, երջանկահիշատակ Ստեփան Ավագյանի հուշամրցաշարը: Ներկաները, մինչ միջոցառման սկիզբը, 1 րոպե լռությամբ հարգեցին Հայաստանի շախմատային ֆեդերացիայի պատասխանատու քարտուղար Գագիկ Հովհաննիսյանի և Ստեփան Ավագյանի հիշատակը:

Վերջինիս հիշատակին նվիրված հուշամրցաշարում հանդես էին գալիս շուրջ 300 մասնակիցներ՝ Հայաստանից և արտերկրից: Հուլիսի 5-ին տեղի ունեցավ փակման արարողությունը, որի ընթացքում հուշանվերներ հանձնվեցին հաղթողներին: Մինչև 10տ. խմբում 1-ին տեղը գրավեց Սևակ Մանուկյանը, 2-րդ և 3-րդ տեղերը համապատասխանաբար՝ Վահան Միրզախանյանն ու Սեդա Բադալյանը: Մինչև 12տ. խմբում մրցաշարի հաղթող ճանաչվեց Ալեքս Մանուկյանը, 2-րդ տեղը գրավեց Գոռ Սեյրանյանը, իսկ 3-րդ տեղը՝ Հրաչյա Անանյանը: Մինչև 14տ. խմբում 1-ին մրցանակը նվաճեց Արմեն Բարսեղյանը, 2-րդ տեղը՝ Գոռ Մելքոնյանը, իսկ 3-րդ տեղը՝ Դավիթ Խաչատրյանը: Եվ մինչև 18տ. մրցաշարում պայքարն ավարտվեց Սարգիս Մկրտչյանի հաղթանակով: 2-րդ և 3-րդ տեղերը գրավեցին Հայկ Երիցյանն ու Ալեքսանդր Բաղդասարյանը: Continue reading

Վիտրաժի անվճար դասընթացների արդյունքում


Հուլիսի 22-ին մարզպետ Հ.Սարգսյանը մասնակցեց Հայաստանի Երիտասարդական Հիմնադրամի (ՀԵՀ) Վայոց ձորի մարզային երիտասարդական կենտրոնի կողմից “Վիտրաժի անվճար դասընթացներ” ծրագրի շրջանակներում կազմակերպված վիտրաժի (նկարչություն ապակու վրա) ցուցահանդեսին, որտեղ ցուցադրված էին մայիսի 18-ից հունիսի 25-ը անցկացված դասընթացին մասնակցած 11 անապահով ընտանիքների երիտասարդների ավելի քան 50 աշխատանքներ:

Միջոցառմանը ներկա էին մարզպետարանի պատասխանատու աշխատողներ, դպրոցների, մշակութային հաստատությունների տնօրեններ, ծնողներ և երիտասարդներ: Մարզպետը ողջունելեով նախաձեռնությունը, կարևորեց երիտասարդների բազմակողմանի մասնագիտական հմտությունների ձեռք բերման և զարգացման հնարավորությունները: Նա նշեց նաև, որ նման դասընթացների առաքելությունը կայանում է ոչ միայն մասնագիտություն և նոր գիտելիքներ ձեռք բերելու մեջ, այլև սա հիանալի հնարավորություն է նոր ծանոթությունների և երիտասարդների` միմյանց հետ շփվելու համար: Մարզային երիտասարդական կենտրոնի համակարգող Հասմիկ Մարգարյանն իր խոսքում նշեց, որ սա կենտրոնի կողմից կիրառական արվեստի ոլորտում իրականացրած միակ դասընթացը չէ. Կենտրոնում կազմակերպվել են նաև բատիկայի (նկարչություն կտորի վրա) ու պլաստիկ կավի անվճար դասընթացներ: Նա տեղեկացրեց նաև, որ դասընթացներն անվճար են և ֆինանսավորվում են ՀԵՀ-ի կողմից: Ցուցահանդեսի ավարտին մարզպետ Հ. Սարգսյանը դասընթացի մասնակիցներին հավաստագրեր հանձնեց, որոնք պատրաստվել էին ՀԵՀ-ի կողմից: Դասընթացի մասնակիցներն իրենց հերթին անակնկալ էին պատրաստել: Երիտասարդները հայկական բնաշխարհը պատկերող վիտրաժի աշխատանք նվիրեցին մարզպետ Հարություն Սարգսյանին:

Թիվ 7 /135/, Հուլիսի 30, 2015թ.


Безымянный

 Շարունակել կարդալ →

«Hyatt» ՀԱՄԱՇԽԱՐԱՅԻՆ ՀՅՈՒՐԱՆՈՑԱՅԻՆ ՑԱՆՑԸ ՎԱՅՈՑ ՁՈՐՈՒՄ


006
Օրեր առաջ Ջերմուկում իսկական տոնախմբություն էր, որին ներկա էր նաև ՀՀ նախագահ Սերժ Սարգսյանը: Այստեղ էին նաև հանրապետությունից ու արտերկրից ժամանած հյուրեր, բիզնես աշխարհի ներկայացուցիչներ. տեղի էր ունենում «Hyatt» համաշխարհային հյուրանոցային ցանցի հերթական շքեղ հյուրանոցի բացումը: Հյուրանոց, որի հիմնադրումն ու կառուցումը կապված է Վայոց ձորի նախկին մարզպետ ու ԱԺ պատգամավոր, հայտնի գործարար, Մոսկվայի ամենաշքեղ հյուրանոցներից մեկի՝ «Ararat Park Hyatt»-ի սեփականատեր Սամվել Սարգսյանի անվան հետ: Ի դեպ ուրախալի է այն փաստը, որ մեկ տարի առաջ մեր հայրենակցի ներդրումների շնորհիվ «Hyatt»-ը հայտնվեց Երևանում, իսկ այսօր բարձրակարգ ու համաշխարային այս ցանցն արդեն իր ուրույն տեղն է գտել Ջերմուկ առողջաքաղաքում: Նման բարձրակարգ հյուրանոցը խթան կհանդիսանա ոչ միայն Ջերմուկում, այլ ողջ հանրապետությունում տուրիզմի զարգացման համար, ավելին «Hyatt» համաշխարհային հյուրանոցային ցանցի շնորհիվ Ջերմուկի անունն արդեն տեղ է գտել համաշխարհային առաջատար առողջարանային քաղաքների շարքում, և օր-օրի ավելանում են հանգստացողների շարքերը:

Ձևավորվեց “Բազե-2015”-ի Վայոց ձորի ջոկատը


Հուլիսի 10-12-ը Եղեգիսի գողտրիկ կիրճում գտնվող “Սիրանույշ” ճամբարում անցկացվեց “Բազե-2015” համահայկական երիտասարդական հավաքի Վայոց ձորի ջոկատի ընտրական փուլը: Այս տարի ճամբար-հավաքն իրականություն դարձավ ՀՀ Վայոց ձորի մարզպետարանի և Հայաստանի Երիտասարդական Հիմնադրամի (ՀԵՀ) Վայոց ձորի մարզային կենտրոնի համագործակցությամբ: Ճամբարի բացման հանդիսավոր արարողությանը ներկա էր մարզպետի տեղակալ Մելս Հարությունյանը, ով իր խոսքում երիտասարդներին մաղթեց բարի երթ, արդար մրցակցություն և “Բազե 2015”-ում հաղթանակ:

Երիտասարդներին ողջունեցին նաև Եղեգնաձորի տարածաշրջանի հոգևոր հովիվ Տեր Վազգեն քահանա Հովհաննիսյանը, ՀՀ կենտրոնական ընտրական հանձնաժողովի քարտուղար, նախկին բազեական Արմեն Սմբատյանը, ՀԵՀ Վայոց ձորի մարզային երիտասարդական կենտրոնի համակարգող Հասմիկ Մարգարյանը, ճամբար-հավաքի Գետափ և Ջերմուկ ջոկատների մասնակիցները: Երիտասարդական հավաքին մասնակցում էին մարզի 8 համայնքներ` Եղեգնաձոր, Վայք, Ջերմուկ, Արենի, Ազատեկ, Գետափ, Վերնաշեն, Մալիշկա և 2 ուսումնական հաստատություններ` Հայաստանի պետական տնտեսագիտական համալսարանի Եղեգնաձորի մասնաճյուղ և Վայոց ձորի տարածաշրջանային պետական քոլեջ: Մրցութային երեք օրերի ընթացքում երիտասարդներն իրենց ուժերը փորձեցին ինտելեկտուալ խաղերում, երգի, պարի, նորաձևության, նկարչության, վոլեյբոլի, շախմատի, պարանի ձգման, բազկամարտի, սեղանի թենիսի, սպորտլանդիա և “Գերի բանալի” մրցույթներում: Այդ ընթացքում հավաքած բալերի հաշվարկման արդյունքում 1-ին պատվավոր տեղը գրավեց Եղեգնաձորի ջոկատը, 2-րդը՝ Ջերմուկը, 3-րդը՝ Վերնաշեն համայնքը: Լավագույնները պարգևատրվեցին ու հենց նրանցից էլ կազմվեց “Բազե 2015” համահայկական երիտասարդական հավաքի Վայոց ձորի մարզի ջոկատը, որն այս տարի հանդես է գալու նարնջագույն ճակատում:

Ի ՊԱՏԻՎ ՀԱՄԱՀԱՅԿԱԿԱՆ ԱՄԱՌԱՅԻՆ 6-ՐԴ ԽԱՂԵՐԻ


4
Հուլիսի 28-ին տոնական տրամադրություն էր Եղեգնաձորի ամֆիթատրոնում: Չնայած օրվա տապին` հավաքվածների շարքերը գնալով համալրվում էր ու տեղեր էին զբաղեցնում բացօթյա դահլիճում՝ դիմավորելու Համահայկական ամառային 6-րդ խաղերի խորհրդանշական ջահը: Երկար ժամանակ ամֆիթատրոնում իշխում էր տոնական երաժշտությունը, երգն ու պարը:

14
Continue reading