ԼՈՒՐԵՐ ՄԱՐԶԻ ԱՌՕՐՅԱՅԻՑ


220ԿՎ ԲԱՐՁՐԱՎՈԼՏ ԷԼԵԿՏՐԱՀԱՂՈՐԴՄԱՆ ԳԾԻ ՎԵՐԱԿԱՌՈՒՑՄԱՆ ԾՐԱԳՐԻ ՀԱՆՐԱՅԻՆ ԼՍՈՒՄՆԵՐԸ ՄԱՐԶՈՒՄ

Հոկտեմբերի 13-ին մարզպետարանի նիստերի դահլիճում մարզպետ Հ.Սարգսյանի ու փոխմարզպետ Ս.Թարվերդյանի մասնակցությամբ տեղի ունեցավ հանդիպում Հրազդան ՋԷԿ-ը Շինուհայր ենթակայանին միացնող 220ԿՎ բարձրավոլտ էլէկտրահաղորդման գծի վերակառուցման ծրագրի կազմակերպիչների հետ: Հանրային լսումների շրջանակում քննարկվեց կառուցվող ծրագրի 4-րդ հատվածի վերաբնակեցման գործողության պլանը:

Խոսվեց Ծրագրի նպատակների, Ազդակիր անձանց համար վնասների փոխհատուցման կարգի և սկզբունքների ու Առաջացած անհամաձայնությունների դեպքում բողոքրկման կարգի մասին: Մարզպետը ողջունեց նախաձեռնությունը և կարևորեց բանախոսների կողմից գործարկման գոտու յուրաքանչյուր համայնքի ղեկավարի և բնակչի իրազեկվածության ապահովումը: Բանախոսները՝ ,,Բարձրավոլտ էլեկտրացանցեր,, ՓԲԸ-ի սոցիալական մասնագետ Լուսինե Զաքարյանը և ,,Էներջի Ադվիյզորի,, խորհրդատվական ու ,,Կալպատարու Փաուեր Թրանզմիշն,, ընկերությունների մասնագետները պատասխանեցին ներկաներին հուզող հարցերին:

ԼՈՒՐԵՐ ՄԱՐԶԻ ԱՌՕՐՅԱՅԻՑ


Հոկտեմբերի 1-ին մարզպետ Հարություն Սարգսյանի մոտ փոխմարզպետներ Սամվել Թարվերդյանի և Մելս Հարությունյանի մասնակցությամբ տեղի ունեցավ հանդիպում Հայաստանում Եվրոպական միության պատվիրակության խորհրդական Դիրկ Լորենցի հետ: Նրան մարզ էին ուղեկցել միության պատվիրակության քաղաքական հարցերի պատասխանատու Անդրեա Խալուպովան, մամուլի և տեղեկատվության պատասխանատու Անահիտ Ազատյանը, Հայաստանում Իտալիայի Հանրապետության արտակարգ և լիազոր դեսպան Ջովաննի Ռիչուլլին, Գերմանիայի Դաշնային Հանրապետության արտակարգ և լիազոր դեսպան Մաթիաս Կիսլերը, Շվեդիայի Թագավորության գործերի հավատարմատար Մորթեն Էնբերգը, Մեծ Բրիտանիայի Թագավորության փոխդեսպան Ըմայաս Մորսը: Հանդիպումը հանրապետության մարզեր ամենամյա այցելության շրջանակում կազմակերպվել էր Հայաստանում Եվրոպական միության պատվիրակության խորհրդական Դիրկ Լորենցի կողմից:

Մարզպետ Հ.Սարգսյանը շնորհակալություն հայտնեց հյուրերին այցելության և մարզի նկատմամբ ցուցաբերած հետաքրքրության համար, ապա համառոտ ներկայացրեց մարզի տնտեսությունն ու զարգացման հնարավոր ուղիները՝ գյուղատնտեսության, անասնապահության, արդյունաբերության, զբոսաշրջության, ինչպես նաև բուժական զբոսաշրջության բնագավառներում, նշելով Ջերմուկի հանքային ջրի բուժական հատկությունների և ձյունառատ ու մեղմ ձմռան մասին: Հյուրերն առանձնապես հետաքրքրվեցին արտաքին ներդրումների շնորհիվ տնտեսության զարգացման հնարավորություններուվ, նշելով իրենց կողմից հայտարարված Տարածքային Զարգացման Պիլոտային Ծրագրի մասին, որն իրականացվելու է ՀՀ մարզերում, այդ թվում և Վայոց ձորում: Մարզպետը կարևորեց նաև դրամաշնորհային ծրագրերով տնտեսության զարգացման հնարավորությունները և հավելեց, որ ՀՀ կառավարությունն ու ՀՀ ԳՀ-ն նույնպես ծրագրեր են իրականացնում մարզերում գյուղացիական կոոպերատիվների ձևավորման նպատակով: Նա հույս հայտնեց, որ տնտեսության զարգացման համար նման ծրագրերի իրականացման արդյունքում կհաղթահարվի անկախության տարիներին օբյեկտիվ պատճառներով ստեղծված դժվարությունները:
Կողմերը երկուստեք հայտնեցին հետագա համագործակցության պատրաստակամություն: Վերջում հյուրերը դիտեցին Վայոց ձորի տնտեսության ոլորտները ներկայացնող պաստառներ:

***

17780 Continue reading