ԹԻՎ 8 /112/, ՍԵՊՏԵՄԲԵՐԻ 3, 2013Թ.


ԱՐՄԵՆ  ԳԵՎՈՐԳՅԱՆԻ  ՀԵՐԹԱԿԱՆ   ԱՅՑԸ  ՎԱՅՈՑ  ՁՈՐԻ  ՄԱՐԶ

Օգոստոսի 9-ին ՀՀ փոխվարչապետ, տարածքային կառավարման նախարար Արմեն Գևորգյանն այցելեց Վայոց ձորի մարզ` ծանոթանալու պետական տարբեր ծրագրերով իրականացվող աշխատանքների ընթացքին:

Մարզպետ Էդգար Ղազարյանի ուղեկցությամբ նա եղավ Սևան-Մարտունի-Գետափ մայրուղու` Քարագլուխ համայնքի մոտ փլուզված հատվածում, ծանոթացավ կատարվող շինարարական աշխատանքներին: Պատասխանատուները զեկուցեցին, որ մոտ մեկ շաբաթից ճանապարհն արդեն երթևեկելի կլինի նաև բեռնատար մեքենաների համար: Ճանապարհահատվածի վերանորոգման համար պետբյուջեից հատկացվել է շուրջ 38 մլն դրամ:

Փոխվարչապետն այցելեց նաև Գետափ, Շատին, Արտաբույնք, Հերմոն համայնքներ: Մարզի առաջնահերթ խնդիրների լուծման չորրորդ ծրագրով մինչև սեպտեմբեր կավարտվեն Արտաբույնքի մշակույթի տան վերանորոգման աշխատանքները, Շատին գյուղում նույն ծրագրով արդեն ավարտվել է համայնքային կենտրոնի շենքի վերակառուցումը, իսկ Գետափում Հայաստանի սոցիալական ներդրումների հիմնադրամի ծրագրով նորոգվում է մանկապարտեզի շենքը:

ՀՀ փոխվարչապետ Արմեն Գևորգյանը, Վայոց ձորի մարզպետ Էդգար Ղազարյանը, Վայոց ձորի թեմի առաջնորդ Աբրահամ Եպս. Մկրտչյանը և մի շարք այլ բարձրաստիճան պաշտոնյաներ, այցելեցին նաև Վայոց ձորի գողտրիկ անկյուններից մեկում՝ Հերմոնում, գտնվող «Սյունիք-Զարգացում» ՀԿ-ի համայնքային կենտրոն: Այստեղ Ա. Գևորգյանը ծանոթացավ զբոսաշրջային նոր համալիրի պայմաններին և հնարավորություններին, որտեղ ստեղծված են անհրաժեշտ ենթակառուցվածքներ` մարզ այցելող զբոսաշրջիկներին որակյալ ծառայություններ մատուցելու համար: Քննարկվեցին Եղեգիսի կիրճում զբոսաշրջության զարգացման հեռանկարները` հաշվի առնելով, այն որ տարածքն ու մարզը հարուստ են պատմամշակութային հուշարձաններով:

ՇԱՐՈՒՆԱԿԵԼ…

«Սյունիք – Զարգացում» ՀԿ-ի մեր թղթակցի օրագրից


***

Օգոստոսի 19-ից 26-ն ընկած ժամանակահատվածում Ֆրանսիահայ 9 բժիշկների կողմից` «Սյունիք-Զարգացում» ՀԿ-ի օժանդակությամբ, մարզում իրականացվեց «Ակնոցներ Հայաստանի համար» ծրագիրը, որն ընթանում էր երեք փուլով: Առաջինն իրականացվեց ապրիլ ամսին, որի ընթացքում բժիշկ Լեոն Արթինյանն այցելեց մարզ, անցկացրեց վերապատրաստական դասընթաց նախապես ընտրված 26 գյուղական և քաղաքային համայնքների բուժքույրերի համար, որպեսզի նրանք կարողանան ճիշտ ախտորոշել տեսողական խնդիրներ ունեցող երեխաներին:  Արդեն երկրորդ փուլի ընթացքում վերապատրաստված բուժքույրերը ստուգումներ կազմակերպեցին տեղի դպրոցներում և մանկապարտեզներում ու ցուցակագրեցին տեսողական խնդիրներ ունեցող երեխաներին:

Ծրագրի վերջին փուլը նվիրված էր երեխաների տեսողական խնդիրների հայտնաբերմանը, ակնոցի նշանակմանը, դրանց պատրաստմանն ու հանձնմանը:

Ծրագրի ընթացքում զննում անցած 700 երեխաներից 314-ի համար տեղում պատրաստվեցին ակնոցներ: Զննում անցկացվեց նաև 55-ից բարձր տարիք ունեցողների, և ըստ անհրաժեշտության տրվեց 1100 ակնոց:

***

Կալիֆորնիա – Հայաստան ատամնաբույժների ասոցիացիայի փորձառու բժիշկները շարունակում են անվճար ծառայություններ մատուցել մարզի երեխաներին…

Կազմակերպության առաքելությունը Հայաստանի սոցիալապես անապահով ընտանիքների երեխաներին անվճար ծառայություն  մատուցելն ու տեղի երիտասարդ ատամնաբույժների կարողությունների զարգացումն է:

Ատամնաբուժական ասոցիացիայի և «Սյունիք-Զարգացում» ՀԿ-ի միջև ձևավորված համագործակցության արդյունքում արդեն երկար տարիներ «Սիրանույշ» ճամբարում հիմնվել է ատամնաբուժական կլինիկա: Continue reading

ՏԵՂԵԿԱՑՆՈՒՄ Է «ԳԻՏԵԼԻՔ» ՀԱՄԱԼՍԱՐԱՆԻՑ ՄԵՐ ԹՂԹԱԿԻՑԸ


***
Օրերս Եղեգնաձորի «Գիտելիք» համալսարանում DAAD (Գերմանական Ակադեմիական Փոխանակման Կենտրոն)-ի կողմից կազմակերպվեց սեմինար-դասընթաց, որին մասնակցում էին 33 երիտասարդներ: Մասնակիցներից 20-ը եկել էին Հայաստանի տարբեր շրջաններից, իսկ 13-ը` Վրաստանից: Սեմինար-դասընթացը բաղկացած էր հինգ առանձին մասերից (ներկայացում, ակադեմիական հմտություն, միջմշակութային հաղորդակցում, բանաստեղծական արվեստ (պոեզիա) և գերմաներեն լեզվի ապագա մանկավարժների վերապատրաստում):

Դասընթացի նպատակն էր գերմաներեն լեզվի միջոցով համախմբել հայ և վրացի երիտասարդներին և ստեղծել նրանց միջև միջմշակութային հաղորդակցություն, ինչպես նաև աջակցել նրանց ավելի մանրամասն հասկանալ և ընկալել երկու երկրների մշակույթը: Սեմինարն անցկացնում էին Գերմանիաից, Ավստրայից, Հայաստանից և Վրաստանից եկած փորձառու դասախոսներ: Սեմինար-դասընթացի ընթացքում կազմակերպված միջոցառումներից մեկի ժամանակ մասնակիցները հանդիպում ունեցան Վայոց ձորի մարզպետ պրն. Էդգար Ղազարյանի և թեմի առաջնորդ Սրբազան Աբրահամ Մկրտչյանի հետ: Հյուրերի մաղթանքներից հետո մասնակիցները հանդես եկան դասընթացի ընթացքում իրենց իսկ գրած բանաստեղծություններով: Իսկ Նարինե Ադունցը հյուրերին ուղղակի ապշեցրեց իր կատարումներով` հրաշք ձայնային տվյալներով:

***
«Սյունիք Զարգացում» հասարակական կազմակերպութունը Եղեգնաձորի «Գիտելիք» համալսարանում Գերմանական EED (Evangelischer Entwicklungsdienst) կազմակերպության կողմից ֆինանսավորվող Սոցիալական Զարգացում Հարավային Հայաստանում ծրագրի շրջանակներում իրականացրեց «Ես Կարող Եմ» խորագրով ցուցահանդես: Continue reading