ԱՅԼ ԼՈՒՐԵՐ


***

Հուլիսի 10-ին մարզպետ Էդգար Ղազարյանն աշխատանքային հանդիպում ունեցավ Ասիական զարգացման բանկի խորհրդատուներ Յորգ Ֆիշերի և Սամվել Բարեյանի հետ: Հանդիպման ընթացքում քննարկվեցին Ասիական զարգացման բանկի կողմից Ջերմուկ քաղաքում իրականացվելիք ներդրումային ծրագրերի հնարավորություններն ու ուղղությունները: Ասիական զարգացման բանկը ՀՀ կառավարության հետ ձեռք բերված համաձայնության շրջանակում պատրաստակամություն հայտնեց ներդումներ կատարել Ջերմուկ քաղաքի ենթակառուցվածնքների զարգացման ծրագրերում: Մարզպետի կողմից ներկայացվեց մի շարք նախագծեր, որոնք բխում են Շվեյցարական փորձագիտական ուսումնասիրությունների հիման վրա մշակված Ջերմուկ քաղաքի զարգացման ռազմավարական ծրագրից: Պայմանավորվածություն ձեռք բերվեց, այդ ծրագրերի նախնական քննարկում կազմակերպել Ջերմուկի բնակչության ակտիվ խմբերի և մասնավոր հատվածի ներկայացուցիչների հետ, որից հետո դրանք ներկայացնել բանկի պատասխանատուների քննարկմանը:

***

Ջերմուկում իրականացվում է ջրամատակարարման և ջրահեռացման նոր համակարգի, ինչպես նաև կեղտաջրերի մաքրման նոր, ժամանակակից կայանի կառուցման աշխատանքներ: Նորակառույց համակարգը հնարավորություն կտա առավել արդյունավետ կազմակերպելու քաղաքի ջրամատակարարումն ու ջրահեռացումը, իսկ կեղտաջրերի մաքրման կայանի շնորհիվ կլուծվի Արփա-Սևան թունելով Սևանա լիճ թափվող ջրի մաքրության խնդիրը, որն ունի չափազանց կարևոր բնապահպանական նշանակություն:

7886

Հուլիսի 16-ին մարզպետ Էդգար Ղազարյանը մարզպետարանի աշխատակազմի քաղաքաշինության վարչության պետ Ազատ Հովսեփյանի ուղեկցությամբ այցելեց առողջաքաղաք` ծանոթանալու նշված շինարարական աշխատանքների ընթացքին և տեղեկանալու ու շահառու կազմակերպությունների հետ քննարկելու կազմակերպական առկա խնդիրները:

***

ՀՀ Կառավարության որոշմամբ անհրաժեշտ է կազմակերպել ծնողազուրկ, սոցիալապես անապահով բազմազավակ ընտանիքների երեխաների ամառային հանգիստը: Այդ նպատակով 2014թ. Վայոց ձորի մարզին հատկացվել է 195 տեղ: Այն նախատեսված էր անցկացնել 3 փուլով, 20-ական օր տևողությամբ:
Երեխաների հանգստի կազմակերպման առաջին փուլն սկսվեց հունիսի 20-ին: Մարզից 55 երեխա մեկնեց Հանքավանի ՙՀասմիկ՚ ճամբար: Նրանք իրենց հանգիստն անցկացրին մինչև հուլիսի 9-ը: Ճամբարային հանգստի երկրորդ փուլը մեկնարկել է հուլիսի 9-ին` ճամբար է մեկնել 70 երեխա, հանգստացել են մինչև հուլիսի 28-ը, որից հետո այս երեխաներին փոխարինեցին ևս 70-ը, որոնց հանգիստը կկազմակերպվի մինչև օգոստոսի 16-ը:
Երեխաների տեղափոխությունը կազմակերպվում է մարզպետարանի կողմից: Ճամբար մեկնող երեխաներին տեղափոխող տրանսպորտային միջոցներին ուղեկցել են ճանապարհային ոստիկանության մարզային աշխատակիցները:

ՄԱՐԶՊԵՏԱՐԱՆ ԴԻՄԱԾ ՔԱՂԱՔԱՑԻՆԵՐԻ ԴԻՄՈՒՄՆԵՐԻ, ԲՈՂՈՔՆԵՐԻ 2014Թ. ԱՌԱՋԻՆ ԿԻՍԱՄՅԱԿԻ ԱՄՓՈՓԱԳԻՐ


2014թ-ի առաջին կիսամյակում ստացվել է 530 դիմում:
ա/ Դրամական օգնություն է խնդրել 373 քաղաքացի: Դրական պատասխան է ստացել 363-ը, մերժվել` 3-ը, ընթացքի մեջ է 7 դիմում: /Դրամական օգնության դիմումները մերժվել են հիմնականում կրկնակի լինելու կամ ընթացիկ եռամսյակում օգնություն ստացած լինելու հիմքով/:
բ/ Բնակարանային և քաղաքաշինական հարցերով դիմել է 32 քաղաքացի, որից 19-ի խնդրանքը բավարարվել է, 12-ինը` մերժվել, 1 դիմում ընթացքի մեջ է: /Բնակարանային պահանջի դիմումները մերժվել են մարզպետարանի իրավասությունից դուրս լինելու պատճառով/:
գ/ Առողջապահական բնույթի 60 դիմումից դրական պատասխան է ստացել 52-ը, մերժվել է` 5-ը, 3 դիմում ընթացքի մեջ է: /Առողջապահական հարցերով դիմած քաղաքացիները մերժվել են պետ. պատվերի և առողջարանային ուղեգրերի սահմանափակ լինելու պատճառով:
դ/ Աշխատանքի հարցերով դիմած 14 քաղաքացիներ
ից 7-ի պահանջին դրական ընթացք է տրվել, 7 դիմում մերժվել է, /դիմումները մերժվել են աշխատատեղ չլինելու պատճառով/:
ե/ Գյուղատնտեսական հարցերով դիմած 7 քաղաքացիներից 6-ը ստացել են դրական պատասխան, 1 դիմում ընթացքի մեջ է:
զ/ Կրթության և մանկական հիմնարկներին առնչվող հարցերով դիմել է 15 քաղաքացի և բոլորն էլ ստացել են դրական պատասխան:
է/ հողաշինության հարցերով դիմած 13 քաղաքացիներից 12-ը ստացել են դրական պատասխան, 1 դիմում ընթացքի մեջ է: Continue reading

ՀՀ ԱՐԴԱՐԱԴԱՏՈՒԹՅԱՆ ՆԱԽԱՐԱՐ ՀՈՎՀԱՆՆԵՍ ՄԱՆՈՒԿՅԱՆԻ ԱՅՑԸ ՎԱՅՈՑ ՁՈՐԻ ՄԱՐԶ


 

Հուլիսի 25-ին Վայոց ձորի մարզ այցելեց ՀՀ արդարադատության նախարար Հովհաննես Մանուկյանը: Նախ նախարարն առանձնազրույց ունեցավ մարզպետ Էդգար Ղազարյանի հետ, որից հետո մարզպետարանում կազմակերպվեց քաղաքացիների ընդունելություն: Նախարարի հետ հանդիպած մարդիկ ողջունեցին իրե066նց մարզում ընդունելություն կազմակերպելու միտքը: Հիմնականում քաղաքացիները ներկայացրին իրենց իրավունքների պաշտպանությանն առնչվող խնդիրներ, եղել են նաև աշխատանքի ընդունման համար դիմողներ: Քաղաքացիներից ոմանք հետաքրքրվեցին իրավական խորհրդատվությամբ, փորձեցին անձամբ նախարարից ճշտել ոչ միայն իրենց, այլ նաև հարևանների, ծանոթների խնդիրների լուծման ուղիները:
Ընդունելությունից հետո մարզպետ Է.Ղազարյանի մասնակցությամբ մարզպետարանի նիստերի դահլիճում նախարարը հանդիպեց ՀՀ ԱՆ աշխատակազմի դատական ակտերի հարկադիր կատարման ծառայության Վայոց ձորի մարզային բաժնի, քաղաքացիական կացության ակտերի գրանցման գործակալության Եղեգնաձորի և Վայքի մարզային բաժինների պետերի, մարզի տարածաշրջանային պետ ռեգիստրի պատասխանատուների, դատարանի ներկայացուցիչների ու նոտարների հետ: Մասնակցում էին նաև ԶԼՄ ներկայացուցիչներ:
Հանդիպումը կրում էր ընկերական բնույթ: Հ.Մանուկյանը զրուցեց յուրաքանչյուր ոլորտի ներկայացուցիչների հետ, ծանոթացավ առկա խնդիրներին, ըստ ոլորտների քննարկվեցին օրենսդրական կարգավորման և կազմակերպական հարցեր: Continue reading

ՏԵՂԻ ՈՒՆԵՑԱՎ ՀՀ ՍԱՀՄԱՆԱԴՐԱԿԱՆ ԲԱՐԵՓՈԽՈՒՄՆԵՐԻ ՀԱՅԵՑԱԿԱՐԳԻ ՆԱԽԱԳԾԻ ՔՆՆԱՐԿՈՒՄ


062ՀՀ Սահմանադրական բարեփոխումների հետ կապված հանրապետությունում անց Է կացվում հանրային քննարկումներ, որի շրջանակում հուլիսի 24-ին հանրային քննարկում կազմակերպվեց նաև Վայոց ձորի մարզում:
Այն դռնբաց էր, մասնակցում էին մարզպետարանի պաշտոնյաներ և աշխատակազմի աշխատակիցներ, համայնքների, գործադիր իշխանության տարածքային ծառայությունների, հիմնարկ-ձեռնարկությունների, դպրոցների, հկ-ների ղեկավարներ, հասարակայնության և ԶԼՄ ներկայացուցիչներ:
Սահմանադրական բարեփոխումների հայեցակարգի հիմնադրույթները ներկայացնելու նպատակով մարզ էին այցելել ՀՀ Նախագահին առընթեր Սահմանադրական բարեփոխումների մասնագիտական հանձնաժողովի անդամներ Գեորգի Կուտոյանն ու Վարդան Պողոսյանը:
Նախ բացման խոսքով հանդես եկավ մարզպետ Էդգար Ղազարյանը: Նա նշեց, որ նախապես մարզպետարանի կողմից իրականացվել է իրազեկում և քննարկումն ընթանում է դռնբաց: Ապա մարզպետը խոսքը փոխանցեց Սահմանադրական բարեփոխումների մասնագիտական հանձնաժողովի անդամներ Գ.Կուտոյանին և Վ.Պողոսյանին:
Խոսելով Սահմանադրական բարեփոխումների անհրաժեշտության մասին, նրանք նշեցին, որ Սահմանադրությունը պետք է կարողանա ժամանակի իրողություններին համահունչ լինել` ներառելով սոցիալ-քաղաքական հարաբերությունների որակական հատկանիշները, առկա արժեհամակարգը, հասարակական զարգացման դինամիկան և այլն: Ըստ նրանց՝ սահմանադրական այն դրույթները, որոնք վերաբերում են իշխանության իրականացման սկզբունքներին, մարդու իրավունքների ինստիտուտի ամրապնդմանը, պետք է ենթարկվեն փոփոխությունների: ՙՊետք է սահմանադրությանը շնչելու հնարավորություն տալ, իսկ դա հնարավոր է, եթե այն համահունչ է կյանքի հարափոփոխությանը՚,- ասեցին նրանք: Continue reading

ՀՀ ՎԱՐՉԱՊԵՏ ՀՈՎԻԿ ԱԲՐԱՀԱՄՅԱՆԻ ԱՅՑԵԼՈՒԹՅՈՒՆԸ ՎԱՅՈՑ ՁՈՐԻ ՄԱՐԶ


 

604Վարչապետ Հովիկ Աբրահամյանը ՀՀ փոխվարչապետ, տարածքային կառավարման նախարար Արմեն Գևորգյանի, ՀՀ գյուղատնտեսության նախարար Սերգո Կարապետյանի, ՀՀ կառավարության աշխատակազմի ղեկավար-նախարարի առաջին տեղակալ Գուրգեն Դումանյանի ուղեկցությամբ Հուլիսի 30-ին այցելեց Վայոց ձորի մարզ:
Կառավարության ղեկավարի առաջին կանգառը Գլաձոր համայնքում էր, որտեղ վարչապետի ներկայությամբ բացվեց համայնքի հիմնանորոգված մանկապարտեզը: Հովիկ Աբրահամյանը Վայոց ձորի մարզպետ Էդգար Ղազարյանի ուղեկցությամբ շրջեց մանկապարտեզով՝ ծանոթացավ կատարված աշխատանքներին և երեխաների համար ստեղծված պայմաններին: Մանկապարտեզի հիմնանորոգման նպատակով ներդրվել է շուրջ 120 մլն դրամ, որի հիմնական մասը հատկացվել է Հայաստանի սոցիալական ներդրումների հիմնադրամի կողմից: Եվս 12 մլն դրամ ներդրվել է համայնքի բյուջեից: Ներկայում 120 երեխա ընդունելու հնարավորությամբ մանկապարտեզ է հաճախում 110 երեխա: Նախակրթարանը համալրվել է նոր գույքով և գրենական պիտույքներով:
Այնուհետև Հովիկ Աբրահամյանն այցելեց Զառիթափ համայնքի մոտակայքում կառուցվող սպանդանոցի շինհրապարակ՝ ծանոթացավ շինարարական աշխատանքների ընթացքին: Սպանդանոցի բարձրակարգ սարքավորումները հատկացնելու է ՀՀ կառավարությունը՝ տրամադրելով 127 հազար ԱՄՆ դոլար: ՀՀ գյուղատնտեսության նախարար Սերգո Կարապետյանը զեկուցեց, որ մասնավոր-պետություն համագործակցությամբ կառուցվող սպանդանոցի շինարարության համար մասնավորը ներդրել է 265 հազար ԱՄՆ դոլար, սարքավորումները կներկրվեն մոտակա ժամանակներս, իսկ սպանդանոցը կսկսի գործել մինչ տարեվերջ:

Continue reading

ԱՎԱՐՏՎԵՑ «ԼԱՎԱԳՈՒՅՆ ՄԱՐԶԱԿԱՆ ԸՆՏԱՆԻՔ» ՄՐՑՈՒՅԹԸ


105Ծաղկաձորի օլիմպիական գլխավոր մարզահամալիրի մարզադաշտում տեղի ունեցավ ՀՀ Նախագահի մրցանակի համար արդեն ավանդական՝ տասնմեկերորդ «Լավագույն մարզական ընտանիք» մրցույթի եզրափակիչ փուլը:
ՀՀ նախագահ Սերժ Սարգսյանը մեծ հետաքրքրությամբ հետևում էր մարզական ընտանիքների կատարումներին:
Եվս մեկ անգամ տեղեկացնենք, որ «Լավագույն մարզական ընտանիք-2014» մրցույթն անցկացվել է երեք փուլերով, չորս տարիքային խմբերով՝ 6-7 մրցաձևերում: Այս տարի մրցույթին մասնակցել է Հայաստանի Հանրապետությունից և Արցախից շուրջ 2070 ընտանիք, որից 144-ը անցել է եզրափակիչ փուլ: Նրանց թվում էր նաև մարզպետ Էդգար Ղազարյանի ընտանիքը: Ղազարյանների ընտանիքը 2006-2008 թվականներին ծնված երեխաների տարիքային խմբում էր, որը գրանցեց լավ արդյունքներ:
Մրցույթին այս տարի առաջին անգամ մասնակցում էր նաև հաշմանդամ ունեցող 16 ընտանիք:
Հանրապետության Նախագահը շնորհավորել է «Լավագույն մարզական ընտանիք-2014» մրցույթի հաղթողներին, հանձնել վկայագրեր, դրամական պարգևներ և հուշանվերներ, ինչպես նաև գավաթներ՝ առավելագույն միավորներ հավաքած չորս տարիքային խմբերում միասին վերցրած, մրցույթի ընդհանուր հաշվարկով 1-3-րդ տեղերը գրաված Երևանի, ԼՂՀ և ՀՀ մարզերի պատվիրակությունների ղեկավարներին: Մրցույթի եզրափակիչ փուլ անցած 144 ընտանիքի երեխաները Նախագահի կողմից պարգևատրվել են նաև մարզահագուստով և նվերներով:
Continue reading

ԱՅԼ ԼՈՒՐԵՐ


***

7922

ՀՀԿ երիտասարդական կազմակերպության նախաձեռնությամբ և աջակցությամբ Ծաղկաձորում իրենց եռօրյա հանգիստն անցկացրին մարզային երիտասարդական կառույցների ներկայացուցիչները: Նրանց թվում էին նաև վայոցձորցի երիտասարդները: Հուլիսի 19-ին նրանց հետ հանդիպեց մարզպետ, ՀՀԿ խորհրդի անդամ Էդգար Ղազարյանը: Հանդիպմանը մասնակցում էին նաև ՀՀ ԱԺ պատգամավոր, ՀՀԿ գործադիր մարմնի անդամ, ՀՀԿ երիտասարդական կազմակերպության ղեկավար Կարեն Ավագյանն ու ՀՀԿ երիտասարդական կազմակերպության մարզային կառույցների գործունեության համակարգող, ՀՀԿ խորհրդի անդամ Հովհաննես Գաբրիելյանը։ Continue reading

ՀՀ ՊԱՇՏՊԱՆՈՒԹՅԱՆ ՆԱԽԱՐԱՐ ՍԵՅՐԱՆ ՕՀԱՆՅԱՆԻ ՄԱՍՆԱԿՑՈՒԹՅԱՄԲ ԶՈՐԱՄԻԱՎՈՐՄԱՆ ՍՏՈՐԱԲԱԺԱՆՈՒՄՆԵՐԻ ԶՈՐԱՀԱՆԴԵՍ ԵՂԵԳՆԱՁՈՐՈՒՄ


ՀՀ ՊԱՇՏՊԱՆՈՒԹՅԱՆ ՆԱԽԱՐԱՐ ՍԵՅՐԱՆ ՕՀԱՆՅԱՆԻ ՄԱՍՆԱԿՑՈՒԹՅԱՄԲ ԶՈՐԱՄԻԱՎՈՐՄԱՆ ՍՏՈՐԱԲԱԺԱՆՈՒՄՆԵՐԻ ԶՈՐԱՀԱՆԴԵՍ ԵՂԵԳՆԱՁՈՐՈՒՄ

ՀՀ պաշտպանության նախարարության 4-րդ զորամիավորումը կազմավորվել է 1997թ. հուլիսի 4-ին: Նախորդ տարի մեծ շուքով նշվեց զորամիավորման կազմավորման 16-րդ տարեդարձը, որը զուգորդվեց զորահանդեսով:

ՀՀ ՊԱՇՏՊԱՆՈՒԹՅԱՆ ՆԱԽԱՐԱՐ ՍԵՅՐԱՆ ՕՀԱՆՅԱՆԻ ՄԱՍՆԱԿՑՈՒԹՅԱՄԲ ԶՈՐԱՄԻԱՎՈՐՄԱՆ ՍՏՈՐԱԲԱԺԱՆՈՒՄՆԵՐԻ ԶՈՐԱՀԱՆԴԵՍ ԵՂԵԳՆԱՁՈՐՈՒՄ

Այն իր բնույթով եզակի տոնակատարություն էր, որ նշվում էր մարզում, և դրանով կարծես թե հիմք դրվեց ավանդության, ու այս տարի հուլիսի 12-ին երկրորդ անգամ Եղեգնաձորում հանդիսավորությամբ նշվեց ՀՀ պաշտպանության նախարարության 4-րդ բանակային կորպուսի կազմավորման տարեդարձն ու անցկացվեց զորահանդես: 4-րդ զորամիավորման կազմավորման 17-րդ տարեդարձին նվիրված տոնակատարությանը ներկա էին ՀՀ պաշտպանության նախարար Սեյրան Օհանյանը, ՀՀ ԶՈւ ԳՇ պետ, գեներալ-գնդապետ Յուրի Խաչատուրովը, Վայոց ձորի մարզպետ Էդգար Ղազարյանը, Վայոց ձորի թեմի առաջնորդ Աբրահամ Արքեպիսկոպոս Մկրտչյանը, Սյունիքի մարզպետ Վահե Հակոբյանը, ՀՀ պաշտպանության փոխնախարար Արա Նազարյանը, ՀՀ սպորտի և երիտասարդության հարցերի փոխնախարար Խաչիկ Ասրյանը, ՀՀ ԶՈՒ ԳՇ պետի տեղակալները, զորամիավորումների հրամանատարներ, ՊՆ, ԶՈւ, ԶՈւ ԳՇ վարչությունների պետեր, ազատամարտիկներ, պետական այրեր: Հանդիսավոր միջոցառման բացման խոսքով հանդես եկավ ՀՀ ՊՆ 4-րդ բանակային կորպուսի հրամանատար, գեներալ-մայոր Անդրանիկ Մակարյանը: Ներկայացնելով զորամիավորման կազմավորման ճանապարհը, անցած ուղին և ձեռքբերումները Ա. Մակարյանը նշեց, որ զորամիավորման անձնակազմը մեծ պատասխանատվությամբ ու գիտակցումով է իրականացնում հայրենիքի սահմանները անվտանգ պահելու դժվարին, բայց պատվաբեր գործը և մշտապես անում է առավելագույնը մարտական պատրաստության բարձր ցուցանիշներ արձանագրելու համար: Continue reading

ՈՒՍՈՒՄՆԱԿԱՆ ՎԱՐԴԱՁՈՐԸ Վայոց ձորի տարածաշրջանային պետական քոլեջում


Հարգելի ընթերցող, եթե հիշում եք 2010թ-ին ՀՀ ԿԳ նախարար Ա.Աշոտյանը մարզի ուսումնական հաստատություններ կատարած այցելության ժամանակ արտահայտեց հետևյալ միտքը. <<Եղեգնաձորի պետական քոլեջը պետք է դառնա տարածաշրջանի աշխատաշուկան և տնտեսությունը համապատասխան կադրերով ապահովող հիմնական գործիքը>>: Թերևս ինչ-որ ժամանակ դրա իմաստը, կարևորությունն այնքան էլ պարզ չէր, բայց այսօր գիտակցելով դրա անհրաժեշտությունը, կրկին ու կրկին համոզվում ենք, որ ուսումնական հաստատություններում ևս պետք է միշտ զգալ ժամանակի շունչն ու քայլել ժամանակի զարկերակով:

Վայոց ձորի տարածաշրջանային պետական քոլեջը, մշտապես հետամուտ լինելով կրթության որակի բարելավման խնդրին, չի սահմանափակում իր գործունեությունը զուտ ուսուցման գործընթաց կազմակերպելով.
Համագործակցությունը գործատուների, տեղական և միջազգային կազմակերպությունների, տեղական ինքնակառավարման և պետական կառավարման մարմինների և հատկապես Հայաստանի տարբեր բուհերի հետ քոլեջի գործունեության հիմնաքարերից է: Առավել մանրամասն` քոլեջի աշխատանքները լուսաբանող նյութերում:

ԳՈՐԾԱՏՈՒՆԵՐԻ ՀԵՏ ՀԱՄԱԳՈՐԾԱԿՑՈՒԹՅՈՒՆԸ ԺԱՄԱՆԱԿԻ ՀՐԱՄԱՅԱԿԱՆՆ Է

Միջին մասնագիտական և նախնական /արհեստագործական/ կրթության բնագավառի ռազմավարական զարգացման ուղղություններում այսօր մեծապես կարևորվում է գործատուների հետ համագործակցության շրջանակների ընդլայնման և ամրապնդման խնդիրը:
Կրթության այս ոլորտի որդեգրած քաղաքականության առանցքային կետերից է գործատունների ներգրավվածությունը կրթական գործընթացներին:
Վայոց ձորի տարածաշրջանային պետական քոլեջը ևս չի կարող անմասն մնալ այս ամենից. քոլեջի կառուցվածքային տարբեր ստորաբաժանումների և խորհուրդների աշխատանքային պլաններում պարտադիր ներառվում են տարբեր տեսանկյուններից գործատուներին առնչվող աշխատանքներ: Դրանցում մասնավորապես մեծ տեղ են գրավում գործատունների հետ համագործակցության պայմանագրերի կնքումը, համաձայն որոնց` գործատուները մեծապես աջակցում են քոլեջի ուսանողներին պրակտիկաներն արդյունավետ և նպատակային անցկացնելու խնդրում, դեռ ավելին` եղել են դեպքեր, երբ գործատուն, գոհ լինելով պրակտիկանտի գիտելիքներից և գործնական կարողություններից, ընդունել է նրան աշխատանքի…

gortsatu1

Պետական որակավորող հանձնաժողովների նախագահների կազմում հաճախ ընդգրկվում են հենց գործատուներ կամ հրավիրվում են ներկա լինելու պետական քննություններին, և կրկին արձանագրվել են դեպքեր, երբ լավագույն շրջանավարտները նրանց կողմից աշխատանքի առաջարկ են ստացել…
Տարածաշրջանի մի շարք գործատուներ պարբերաբար հրավիրվում են քոլեջ` մասնակցելու տարաբնույթ քննարկումների, հանդիպումների, սեմինարների, բաց դռների: Քոլեջի Կառավարման խորհրդում ընդգրկված են նաև գործատուներ: Տարբեր աշխատանքներ պլանավորելիս, հատկապես յուրաքանչյուր տարվա մասնագիտությունների ընդունելության պահանջը ձևավորելիս անպայման հաշվի են առնվում գործատուների կարծիքներն ու առաջարկները: Այս ամենը միտված է նախ և առաջ մի գլխավոր նպատակի, այն է` քոլեջում ուսուցանվող մասնագիտությունները պետք է լիովին համապատասխանեն տարածաշրջանի սոցիալ-տնտեսական զարգացման օրինաչափություններին և աշխատաշուկայի պահանջարկին, իսկ շրջանավարտները համալրեն անհրաժեշտ մասանգետների շարքերը:

Continue reading

ԼՈՒՐԵՐ ՄԱՐԶԻ ԱՌՕՐՅԱՅԻՑ


***

 

6448Մայիսի 6-ին մարզպետ Էդգար Ղազարյանը մարզպետարանի նիստերի դահլիճում հանդիպում ունեցավ հանրապետական մի շարք լրատվամիջոցների լրագրողների հետ: Այն կազմակերպել էր People in need մամլո պատասխանատու Լիանա Գյոզալյանը: Նախ մարզպետը ողջունեց լրագրողներին մարզ այցելելու համար, ապա պատասխանեց հանրապետության լրատվամիջոցների մեկ տասնյակից ավելի լրագրողներ հարցերին, որոնք վերաբերում էին մարզի տնտեսության ամենատարբեր ոլորտներին՝ գյուղատնտեսություն, անասնապահություն, գինեգործություն, սոցիալական վիճակ, առողջարանային բուժում, տուրիզմ և այլ ոլորտներ: Առանձնակի խոսվեց մեծ հնչեղություն ունեցող Ամուլսարի ոսկու հանքի շահագործման, շրջակա միջավայրի վրա բացսական ազդեցության, Ջերմուկ առողջարանային քաղաքի և մերձակա միջավայրի ախտոտման մասին: Մարզպետը նշեց, որ հաշվարկվել և մշակվել է գործողությունների ծրագիր, որպեսզի հանքի շահագործումից հետո ապահովվի առավել նվազ բացասական ազդեցությունը շրջակա միջավայրի վրա: Լրագրողների հետաքրքրության շրջանակում էր նա մարզում աղքատության և արտագաղթի հետ կապված խնդիրները, որոնց ի պատասխան Էդգար Ղազարյանը նշեց, որ աղքատության ցուցանիշը Վայոց ձորի մարզում մյուս մարզերի համեմատ բավականին ցածր է, իսկ արտագաղթը, որպես այդպիսին մասամբ կրում է ժամանակավոր բնույթ՝ արտագնա աշխատանք և վերադարձ:

***

Մայիսի 17-ին մարզպետի մասնակցությամբ տեղի ունեցավ Վայքի <<ԱՄՐՈՑ>> հյուրանոցային համալիրի բացման Continue reading