Թիվ 2-3 /50-51/ ՓԵՏՐՎԱՐ – ՄԱՐՏ, 2009թ.


Փոխվարչապետ Ա. Գևորգյանի աշխատանքային այցը

Վայոց ձորի մարզ

    Փետրվարի 27-ին աշխատանքային այցով Վայոց ձորի մարզում էր ՀՀ փոխվարչապետ, տարածքային    կառավարման նախարար Ա.Գևորգյանը: Նրան ուղեկցում էին ՏԿՆ տեղակալ Ա.Բախշյանն ու ՏԿՆ-ի ՏԻՄ աշխատանքների համակարգող վարչության պետ Ա.Գիլոյանը:

Ա. Գևորգյանի հանձնարարականով հանդիպում էր կազմակերպվել բոլոր համայնքապետերի հետ, նպատակն էր` քննարկել 2008-ի նրանց պետական պարտավորությունների կատարման, սեփական եկամուտների հավաքագրման, նախորդ տարիներից կուտակված աշխատավարձերի պարտքերի մարման, կենսական նշանակության ու հրատապ բազմաթիվ այլ խնդիրներ: Այն տեղի ունեցավ մարզպետարանի նիստերի դահլիճում, որին մասնակցում էին նաև մարզպետ Վ.Մաթևոսյանը, փոխմարզպետներ Ս. Թարվերդյանն ու Մ. Հարությունյանը, մարզպետարանի աշխատակազմի այլ պատասխանատու աշխատողներ:

Փոխվարչապետի կողմից առանձնակի կարևորվեց հողի հարկի հավաքագրումը, առանձին-առանձին քննարկվեց մեծ ապառքներ ունեցող համայնքների խնդիրները` յուրաքանչյուրի նկատմամբ ցուցաբերելով յուրովի մոտեցում:

 – Ձեր մարզում սեփական եկամուտների հավաքագրումը դրական եմ համարում, լուրջ  խնդիր է նախորդ տարիներին կուտակված աշխատավարձերի պարտքերի մարման ցածր ցուցանիշը,- ասաց նա ու հիշեցրեց ՀՀ ՏԿՆ աշխատանքային խմբի անդամներին` Ա. Գիլոյանին ու  Ա. Բախշյանին առաջին հերթին ուսումնասիրելու այն համայնքների նախորդ տարիների ընթացքում կուտակված աշխատավարձերի պարտքերի կառուցվածքը, որտեղ 5մլն դրամից ավելի պարտք է գոյացել: Միաժամանակ տեղեկացրեց, որ մարզպետների աշխատանքը գնահատելիս հաշվի է առնվելու հիմնավորում չունեցող պարտքերի առկայությունը: Բացի այդ փոխվելու է համայնքների բյուջեների կազմման մեթոդաբանությունը. կմշակվի համայնքային բյուջեի ձևավորման միասնական համակարգ, որում կգործի ապառքներն ընթացիկ բյուջեներից տարանջատելու մեխանիզմ, ինչի շնորհիվ համայնքային բյուջեներն առավել իրատեսական կլինեն:

Շարունակել կարդալ →

Advertisements

Թիվ 1 /49/ 30-ը ՀՈՒՆՎԱՐԻ, 2009թ.


ՇՆՈՐՀԱՎՈՐ  ՆՈՐ  ՏԱՐԻ  ԵՎ  ՍՈՒՐԲ  ԾՆՈՒՆԴ

բաժակներ

ՀԻՆ ՈՒ  ՆՈՐ   ՏԱՐՎԱ   ԽԱՉՄԵՐՈՒԿՈՒՄ

Մարզպետարանի համապատասխան վարչություններից տեղեկացանք ուղիղ մեկ տարի առաջ երկրի նախագահի նախընտրական քարոզարշավի ընթացքում բարձրացված հիմնախնդիրների լուծմանն ուղղված միջոցառումների ընթացքի մասին:

          Արինի համայնքի անդամների կողմից առանձնակի կարևորվել էր խմելու ջրի 6կմ երկարությամբ արտաքին ցանցի վերականգման խնդիրը:

2007-ին պետբյուջեից հատկացված 35մլն դրամի շրջանակներում այստեղ կատարվել էր  աշխատանքների միայն մի մասը: Ըստ կազմված նախագծա-նախահաշվային փաստաթղթերի` ավարտի համար անհրաժեշտ էր 98.2 մլն դրամ: 2008-ի օգոստոսի 14-ին, ՀՀ կառավարության  թիվ 912 որոշմամբ արտաքին ցանցի վերականգման համար հատկացվեց ևս 75մլն դրամ, որի արդյունքում անցած աշնանն արդեն շինարարական աշխատանքներն ավարտվել են:

Ռինդի խմելու ջրի մատակարարման բարելավման խնդիրը ևս նույն վիճակում էր. կրկին 2007-ին պետ.բյուջեից հատկացված գումարի շրջանակում կատարվել էր ընդամենը 40մլն դրամի աշխատանք, այնինչ հիմնախնդրի լուծման համար նախատեսված է եղել 108մլն: ՀՀ կառավարության վերոնշյալ որոշմամբ այդ նպատակի համար ևս  հատկացվեց 71մլն դրամ: Անցած աշնանը այստեղ նույնպես ավարտվել են խմելու ջրի մատակարարման բարելավմանն ուղղված շին.աշխատանքները, բայց համայնքում դեռ կան այլ հիմնախնդիրներ, որոնք ընդգրկված են իրենց քառամյա ծրագրերում:

 Շարունակել կարդալ →